Jeremías 14:9 - DIOSPA QHELQACHISQ

⁹ Imajtintaj uma muyusqa runa jina kankiri? Wapu soldado jina kaspapis, manachu yanapayta atiwayku? Chaywanpis Tata Dios, qan noqaykuwan kashanki, noqaykutaj sutiykita yupaychayku. Amapuni saqerpariwaykuchu ari, nispa.

Qheshwa Biblia DC

⁹ Imaraykutaj t'ukusiri runa jina, uj maqanakoj runa manaña yanapayta atinñachu ajinari? Jinapis, Señor, qan chaupiykupi kashanki, tukuy yachanku qampa aylluyki kasqaykuta. Ama saqerakuwaykuchu ari!

DIOSPA QHELQACHISQAN DEUTEROCANONICAL

⁹ Imajtintaj uma muyusqa runa jina kankiri? Wapu soldado jina kaspapis, manachu yanapayta atiwayku? Chaywanpis Tata Dios, qan noqaykuwan kashanki, noqaykutaj sutiykita yupaychayku. Amapuni saqerpariwaykuchu ari, nispa.

Jeremías 14:9 Referans Kwoze

Isaías 63:19

Noqayku rijch'akuyku, pikunatachus qan mana ni jayk'aj kamacherqankichu, chaykunaman, pikunachus ni jayk'aj sutiykiwan sutichasqa karqankuchu, chaykunaman.

Isaías 59:1

Uyariychej, Tata Diospa atiynenqa mana pisiyapunchu kacharichisuyta atinanpaj, manataj ninrinpis joq'arayapunchu mana uyarisuyta munananpaj.

Jeremías 15:16

Parlamushawajtiyki, niwasqaykita sumajta uyarerqani. Chaytaj sonqoyta qhallallaricherqa, kusiytaj sonqoy ukhupi karqa, imaraykuchus Tukuy Atiyniyoj Tata Diosníy, qanpatamin kani.

Salmos 46:5

Diosninchej chay llajta chawpipi kashan. Paymin chay llajtata sayachenqa, tutamantataj yanapanqa.

Números 11:23

Tata Diostajrí Moisesta nerqa: Atiyneyqa pisichu? Kunan rikunki nisqayta junt'asajchus manachus, chayta, nispa.

Hebreos 13:5

Ama ashkha qolqeyoj kanamanta phutikuspa kawsaychejchu. Manachayqa imachus kunan tiyapusunkichej, chaywan sonqo junt'asqa kakuychej, imaraykuchus Dios nin: Mana qonqarparisqaykichu, nitaj saqerparisqaykichu, nispa.

2 Corintios 6:16

Diospa Templonpeqa ni ima lanti kananchu tiyan, icharí? Qankunamin kawsashaj Diospa templon kankichej. Diosmin kayta nin: Noqaqa paykuna ukhupi tiyakusaj, purisajtaj. Paykunaj Diosninku kasaj, paykunataj aylluy kanqanku, nispa.

Apocalipsis 21:3

Jinapi kamachina tiyanamanta jatunmanta qhaparejta uyarerqani: Kunan Diosqa ayllun chawpipi kanqa, paykunawan khuskataj tiyakullanqapuni. Paykuna Diospa ayllun kanqanku, Diostaj Diosninku kanqa.

Zacarías 2:5

5 (9) Tata Diosrí nin: Chaypacha noqa kikiy Jerusalenpa muyuyninpi nina perqa jina sayaykusaj, kikin llajta chawpipitaj jatun kayniypa lliphipiyniyta rikuchisaj, nispa. Noqa Tata Diosmin chayta nini.

Jeremías 8:19

Aylluypa waqasqanqa karu llajtamanta uyarikun: Tata Diosqa manañachu Sionpa kuraj kamachejnin? Manañachu kuraj kamachejnin chaypi kashanri? nispa. Tata Diostajrí kutichin: Imaraykutaj qhasi manakaj lantikunata yupaychaspa phiñachiwarqankichejri? nispa.

Isaías 51:9

Rijch'ariy, Tata Dios, rijch'ariy, atiyniykiwan kacharichiwayku, imaynatachus unay ruwaj kanki, ajinata. Imaynatachus ñawpa tataykukunaj tiemponpi ruwarqanki, ajinata ruway. Qanqa Rajabta chhikan chhikanta t'isarparerqanki, mama qochapi tiyaj sierpetataj t'unarparerqanki.

Isaías 12:6

Sionpi tiyakojkuna, kusiywan sinch'ita takiychej, imaraykuchus Israelpa May Llimphu Kaj Diosnenqa chawpiykichejpi tukuy jatun kayninwan kashan, nispa.

Salmos 27:9

Ama noqamanta pakakuychu. Phiñakuspa, ama qhesachawaychu. Qanlla yanapawajniy kanki. Ama sapayta saqerpariwaychu, amataj wijch'urpariwaychu, imaraykuchus qanmin qhespichiwaj Diosniy kanki.

1 Samuel 12:22

Tata Diosqa sutin yupaychasqa kananrayku mana saqerpasonqachejchu, imaraykuchus payqa ayllunpuni kanaykichejta munan.

Deuteronomio 23:14

14 (15) Tata Diosniykichejqa qankunaj chawpiykichejpi purishan, yanapanasuykichejpaj, awqaykichejtapis atipachisunaykichejpaj. Chayrayku jaraykichejqa Diospaj t'aqasqa kasqanrayku, llimphu kanan tiyan. Manachayqa qankuna ukhupi ch'ichita rikuspa, Diosqa qankunamanta karunchakonqa.

Hechos 15:17

Ajinamanta wajkunapis Tukuyta Kamachej Diosta mask'anqanku, tukuy suyumanta mana judío kajkunapis, pikunachus sutiyta oqharispa Diosninkupaj rejsikapuwanku, chaykuna, nispa.

Ezequiel 48:35

Llajtaj perqanqa tukuy muyuyninpi jisq'on kilómetro kanqa. Chay llajtaj sutenqa chay p'unchaymantapacha sutichasqa kanqa: Tata Diospa wasin, nispa.

Habacuc 1:2

Tata Dios, mayk'ajkamataj qhaparikamusqayki, qantaj mana uyariwankichuri? Jayk'ajkamataj qhaparikamusqayki kallpaman atinikuspa ñak'arichiwasqankurayku, manataj kacharichiwankichuri?

Deuteronomio 28:10

Chaypacha kay pachapi tukuy suyupi runa Tata Diospa ayllun kasqaykita yachanqanku, chantá manchachikusonqanku.

2 Crónicas 7:14

sichus ajllakusqay aylluy k'umuykuspa, tukuy sonqo mañakamuwanman, sajra kawsayninta saqespataj mask'awanman chayqa, noqaqa janaj pachamantapacha uyarimusaj, juchantataj pampachasaj, jallp'antapis allinyachisaj.

Salmos 10:1

Tata Dios, imaraykutaj karupi kashankiri? Imaraykutaj llakiypi kashajtiy, pakakunkiri?

Isaías 43:7

Pikunachus sutiyta oqharejkunata, jinallataj pikunatachus noqata jatunchanawankupaj ruwarqani, chaykunata apampuway, nispa.

Jeremías 51:5

Israel aylluwan, Judá aylluwanqa noqa pichus Israelpa May Llimphu Kaj Diosnin kajpa contraypi juchallerqanku, suyunkutaj juchallisqankuwan junt'a kashan. Chaywanpis noqa Israelpa Tukuy Atiyniyoj Tata Diosnin mana paykunata saqerparinichu.

Lamentaciones 5:20

Imaraykutaj chay jinatapuni qonqakapuwaykuri? Imaraykutaj chay chhika unaytaña saqerpariwaykuri?

Zacarías 8:3

Chayrayku Sionman kutisaj, Jerusalenpitaj tiyakapusaj. Chaypacha Jerusalenqa Cheqanta Purej Llajta nisqa kanqa. Tukuy Atiyniyoj Tata Diospa orqontaj Diospaj T'aqasqa Orqo nisqa kanqa, nispa.