Jeremías 14:7 - DIOSPA QHELQACHISQ

⁷ Runakuna ninku: Tata Dios, juchayku ch'ataykushawayku chaypis, sutiyki jatunchasqa kananrayku yanapawayku ari. Noqaykoqa ashkha kutita qanmanta karunchakorqayku, contraykitataj mayta juchallerqayku.

Qheshwa Biblia DC

⁷ Señor, juchasniykupis ch'ataykuwachuyku, ruway ari sutiyki may jatunchasqa kasqanrayku! Ashkha kutista qanmanta t'aqakorqayku, contraykipi juchallikorqayku.

DIOSPA QHELQACHISQAN DEUTEROCANONICAL

⁷ Runakuna ninku: Tata Dios, juchayku ch'ataykushawayku chaypis, sutiyki jatunchasqa kananrayku yanapawayku ari. Noqaykoqa ashkha kutita qanmanta karunchakorqayku, contraykitataj mayta juchallerqayku.

Jeremías 14:7 Referans Kwoze

Oseas 5:5

Chaywanpis Israelpa runaykachasqanqa paypa contrallanpitaj rimarenqa, Efraintaj juchallanpi misk'akonqa. Judapis paykunawan khuska misk'allanqataj.

Salmos 25:11

Tata Dios, millayta ruwasqayqa may jinamin. Chaywanpis sutiyki jatunchasqa kananrayku juchayta pampachay.

Jeremías 5:6

Chayraykumin montemanta leonkuna llojsimuspa, paykunata wañurachenqanku. Ch'innejmanta onzakuna, k'ita alqokunapis paykunata t'isaranqanku, tigrekunapis llajtakuna qayllapi suyaykonqanku. Llajtankumanta runakuna llojsejtinkutaj, paykunata t'isarallanqankutaj, imaraykuchus ashkha kutita Diospa contranta oqharikorqanku, ashkha kutitataj payta wasancharqanku.

Isaías 59:12

Juchanchejqa Tata Diospa ñawpaqenpi manchay ashkha, juchallanchejtaj mana allin kasqanchejmantata ch'ataykuwanchej. Mana allin kajta ruwasqanchejqa qhatiykachawanchej, yachanchejtaj juchayojpuni kasqanchejta.

Jeremías 2:19

Kikin juchallaykitaj pataykiman urmamonqa, chay wasanchaj kasqallaykitaj juchachasonqa. Allinta qhawarikuy noqata saqerpariwasqayki imayna millaychus, imayna llakiytajchus kasqanta. Jinallataj noqa Tata Diosta mana kasuwasqaykita allinta repararikuy. Ajinata noqa Tukuy Atiyniyoj Tata Dios nini.

Efesios 1:12

Chantá Dios munarqa noqayku judiokunaraj ñawpajta Cristopi sonqoykuta churanaykuta, paypa jatun kayninta jatunchanaykupaj.

Efesios 1:6

Tata Dios ajinata ruwarqa payta yupaychananchejpaj, imaraykuchus payqa t'ukuna qhasilla k'acha yanapayninwan yanapawarqanchej munasqa Churinman ujchasqa kasqanchejrayku.

Oseas 7:10

Israelpa runaykachasqanqa paykunaj contranpi juchachan. Chaywanpis mana noqa Tata Diosman kutirikamuwankuchu, nitaj mask'awankuchu.

Ezequiel 20:22

Chaywanpis makiyta paykunaj contranpi mana oqharerqanichu, ama waj suyukuna noqamanta millayta parlanankupaj, mayqenkunaj rikunantachus israelitakunata Egiptomanta orqhorqani, chaykuna.

Ezequiel 20:14

Chaywanpis, imatachus yuyasqayta mana ruwarqanichu noqamanta runakuna ama millayta parlanankupaj, pikunachus Egiptomanta israelitakunata orqhomushajta rikuwarqanku, chaykuna.

Ezequiel 20:9

Chaywanpis mana chayta ruwarqanichu, chaypi kaj suyukuna noqamanta ama millayta parlanankupaj, mayqenkunaj rikunantachus israelitakunaman rejsichikorqani Egiptomanta paykunata orqhoshaspa, chaykuna.

Jeremías 3:6

Kuraj kamachej Josías kamachishajtin, Tata Dios nillawarqataj: Mana kasukoj Israel ayllu imatachus ruwasqanta rikunkichu? Payqa tukuy orqo patapi khuchichakunaman qokorqa, jinallataj tukuy thansarara sach'a urapipis khuchichakullarqataj.

Salmos 115:1

Tata Diosniyku, qanlla jatunchasqa kanapaj jina kanki, mana noqaykuchu. Khuyakuyniykirayku, nisqaykita junt'aj kasqaykiraykutaj qanmin jatunchasqa kay.

Esdras 9:15

Israelpa Tata Diosnin, qan cheqan kanki noqaykuwan. Qan noqaykumanta puchoj t'aqa kawsanaykuta munarqanki, imaynachus kunan p'unchay rikushayku jina. Noqaykoqa cheqamanta ñawpaqeykipi juchayoj kayku. Ajinallapuneqa mana ñawpaqeykipi kayta atiykumanchu.

Josué 7:9

Cananeokuna, chantá kaynejpi tukuy tiyakoj runakuna atipachikusqaykuta yachanqanku, tantaykuykuspataj, tukuyniykuta tukuchiwasqayku. Sichus ajina kanman chayqa, imataj kanqa chay jina may uyarisqa sutiykiwanri? nispa.

Deuteronomio 32:27

Noqarí awqankukuna asikuspa kanankuta mana munarqanichu, nillataj wapuykachaspa ninankuta: Mana Tata Dioschu chayta ruwarqa, noqanchejmin atiyninchejwan ruwarqanchej, nispa.

Jeremías 8:14

Chantá aylluy nenqanku: Imapajñataj kaypi qhepakusunchejri? Jaku ripunachej sumaj perqawan jark'achasqa llajtakunaman, ujkama chaypi wañunanchejpaj, imaraykuchus Diosninchej Tata Diosqa churawanchej wañuchisqa kananchejpaj. Payqa venenoyoj yakuta ujyachiwanchej paypa contranpi juchallisqanchejrayku.

Salmos 79:9

Qhespichiwajniyku Dios, yanapawayku, kacharichiwayku, juchaykutataj pampachay ari, sutiyki manchay uyarisqa kasqanrayku.

Isaías 48:11

Noqarayku chayta ruwarqani, ama sutiy pisipaj qhawasqa kananpaj. Manataj saqesajchu qankuna lantikunata Diosta jina jatunchanaykichejta.

Jeremías 3:25

May p'enqayta k'umuykuchisqa kashayku ari, honrayku t'akasqa kasqanrayku pampallata qhawaspa, imaraykuchus wawa kasqaykumantapacha kunankama noqayku, ñawpa tataykukuna ima juchallillarqaykupuni. Jinallataj noqayku Tata Diosniykoj contranpi oqharikuspa, mana kamachisqaykita kasorqaykuchu, nispa. Ajinata israelitakuna nerqanku.

Jeremías 8:5

Chantá qan Israel, imaraykutaj wasanchawarqankiri? Jerusalén, imaraykutaj noqaman mana kutirimuyta munankichuri? Imaraykutaj kasuyta mana munankichuri?

Amós 7:2

Chantá chay phinki phinkikuna chajrata tukuykushajtinña, nerqani: Tukuyta Kamachej Tata Dios, juchaykuta pampachawayku. Imawantaj kawsasqayku juch'uy suyulla kashaspari? nispa.

Jeremías 5:25

Qankunaj mana allinta ruwasqaykichejrayku imapis manaña kasqan jinañachu. Juchallisqaykichejraykutaj allin imakunata jap'ispapis, mana kusikuyta atinkichejchu.

Jeremías 10:19

Jerusalenpi tiyakojkuna ninku: Ay, noqaykumanta, mana imayoj llakiyllapiña rikhuriyku. K'iriykupis mana jampiy atina. Sonqoykupitaj nerqayku: Chay nanayqa muchuna jinallachá, nispa.

Miqueas 7:9

Tata Diospa contranpi juchallikorqani. Chayrayku k'araj phiñakusqanta awantasaj. Chaymantataj uj p'unchay juzgaspa, justiciata ruwawanqa. Tata Dios k'anchayman pusawanqa, cheqan kaynintataj rikuchiwanqa.