Jeremías 14:2 - DIOSPA QHELQACHISQ

² Judaqa llakiywan waqan, tukuy llajtankunataj llakiypi kashanku. Runankunapis pampapi tiyasqa waqashanku. Jerusalenmantataj sinch'i nanaywan qhaparisqanku uyarikun.

DIOSPA QHELQACHISQAN DEUTEROCANONICAL

² Judaqa llakiywan waqan, tukuy llajtankunataj llakiypi kashanku. Runankunapis pampapi tiyasqa waqashanku. Jerusalenmantataj sinch'i nanaywan qhaparisqanku uyarikun.

Jeremías 14:2 Referans Kwoze

Isaías 3:26

Llajtapi kaj chhika runakuna mayta waqanqanku, llakiy p'achatataj churakonqanku. Chay llajtataj saqerpayasqa qhepakonqa, imaynatachus alqochasqa warmi pampapi k'umuykusqa qhepakun, ajina.

Jeremías 8:21

Aylluy ñak'arisqanwan noqapis ñak'arini. Llakiywan, manchariywantaj junt'a kani.

1 Samuel 5:12

Mana wañojkunaqa ch'upu onqoywan ñak'arichisqa kasharqanku. Nanaywan qhaparisqankutaj janajkama chayarqa.

Zacarías 7:13

Paykunata wajyashajtiy, mana uyariwayta munarqankuchu. Ajinallatataj qhaparikamuwajtinku, noqapis mana paykunata uyarisajchu.

Jeremías 11:11

Chayrayku noqa Tata Dios nini: Uj jatun ñak'ariyta paykunaman kachaykamusaj, chaymantataj mana ayqeyta atenqankuchu. May jinata yanapanayta qhaparikamuwajtinkupis, manapuni uyarisajchu.

Joel 2:6

Chayta rikuspa, runakuna kharkatitinku, uyankutaj q'elluman tukun.

Joel 1:10

Chajraqa q'arapachalla, jallp'ataj sonqo nanaylla. Trigoqa mana poqonchu, uva sach'apis ch'akirapun, olivo sach'apis qawirapushan.

Oseas 4:3

Chayrayku kay suyu lutuchasqa jinamin, chaypi kajkunataj kallpa wañusqa kanku. K'ita animalkunapis, p'isqokunapis, chantá mama qochapi challwakunapis chinkarapushanku.

Lamentaciones 5:10

Aycha qaraykoqa horno jina k'ajarin, yarqhaywan ch'ayñarayasqaykurayku.

Lamentaciones 2:9

Punkunkunapis pampaman wijch'usqa karqanku. Pay punku chakanankutapis p'akirarqa. Kuraj kamachejninkuwan, kurajninkukunawanqa waj suyukunaj chawpinkupi kashanku. Kamachiykunaqa manaña kanchu, nitaj Diosmanta sut'inchajkunapis mosqoypi jina imatapis Diosmanta jap'inkuñachu.

Jeremías 18:22

Kaymanta jinalla contrankuta soldadokunata kachaykuy, manchariywan qhaparqachasqanku uyarikunanpaj. Paykunaqa t'oqota allanku wijch'uykunawankupaj, purinaymantaj tojllata churamunku.

Jeremías 12:4

Mayk'ajkamataj jallp'a ch'akillapuni kanqari? Mayk'ajkamataj campopi qhorapis qawisqa kanqari? Uywakuna, p'isqokunapis wañurapushanku, kay suyupi tiyakojkunaj millay ruwasqanrayku. Paykunaqa imatachus ruwasqankuta qan mana rikusqaykita ninku, nispa.

Jeremías 4:28

Tukuy jallp'aman llakiylla junt'aykonqa, janajpis llakiy p'achata churakonqa. Chayta nini, manataj imatachus nisqaymanta kutirisajchu. Chayta niniña, manataj kutiriymanchu, nispa.

Isaías 33:9

Israel suyu llakisqa, onqosqataj kashan, Libanopis may p'enqaywan qawisqa kashan. Sarón vallepis q'ara pampaman tukupun, Basán jallp'awan, Carmelo jallp'awanqa t'ojrapacha kashan.

Isaías 24:7

Vinoqa pisiyan, uva sach'akunatapis onqoyta jap'irparin, tukuy kusisqa kawsajkunataj mayta llakikushanku.

Isaías 24:4

Jallp'aqa ch'akipun, chaypi kajtaj qawishan. Kay pacha onqospa umphushan. Kay pachapi jatunpaj qhawasqa runakunapis ñak'arishallankutaj.

Isaías 15:5

Moab suyurayku mayta llakikuni, runankunaqa Soarkama chantá Eglat Selisiyakama ayqekunku. Luhit wichaynejta waqarikuspa wicharinku, Joronayinman rina ñanpitaj may jina llakiyta qhaparikunku chinkachisqa kasqankumanta.

Isaías 5:7

Tukuy Atiyniyoj Tata Diospa uva huertanqa Israelmin. Judá suyupi runakunataj may munasqa uva sach'anmin kanku. Tata Diosqa israelitakuna justiciata ruwanankuta suyarqa. Aswanpis runa wañuchinakuyllata tarin. Payqa tukuy imapis cheqan kananta suyarqa. Aswanpis nanaywan qhapariyllata uyarin.

Job 34:28

Paykunaqa wajchakunata, pisichikojkunata ima waqacherqanku, chay waqasqankutaj Diosman chayarqa, paytaj uyarerqa.

1 Samuel 9:16

Q'aya kunanta jina Benjamín jatun ayllumanta uj runata kachamusqayki, paytataj aceitewan jawinki, Israel aylluypa kuraj kamachejnin kananpaj. Payqa Israel aylluyta filisteokunaj makinkumanta kacharichenqa, imaraykuchus noqa aylluymanta khuyakuni, ñak'arisqankuta rikuspa, nispa.

Éxodo 2:24

Chantá israelitakunaj ayqospa qhaparikusqankuta uyarispa, Dios yuyarikorqa Abrahamwan, Isaacwan, Jacobwan ima tratota ruwasqanmanta.

Salmos 144:14

Bueyniykoqa llank'anapaj kallpayoj kachunku. Awqaykukunapis llajtaykuman manaña yaykumuchunkuñachu, llajtaykoj callenkunapitaj manaña pipis manchachikuspa qhaparichunchu.

Isaías 24:11

Runakunaqa tukuy callekunapi mana vino kasqanmanta waqashanku. Tukuy kusiyninkutaj llakiyman tukun. Kusikoyqa kay pachamanta qhechusqa.

Jeremías 12:11

Ch'inllata, q'ara pampatataj saqerparinku. Chantá noqa chay suyuta llakiymanta waqashajta rikuni. Tukuynin suyu phirisqa kashan, chaymantaqa mana pipis llakikunchu.

Jeremías 46:12

May k'umuykachachisqa kasqaykita waj suyukuna yachankuña, tukuy kay pachapitaj qhaparisqayki uyarikun. Tinkupi maqanakojkunapis ujkuna ujkunawan takanakuspa, iskayninku pampaman tuliykunku, nispa. Ajinata Tata Dios nin.

Lamentaciones 2:8

Tata Dios nerqa: Sión llajtaj perqankuna urmachisqa kanqanku, nispa. Ajinata wakicherqa, mana iskayrayaspataj, chay perqakunata thuñirparerqa. Jawa perqantinta, ukhu kaj perqantinta ujllapi pampaman urmacherqa.

Hageo 1:11

Noqa mana parachimunichu jallp'aman, orqokunaman, trigo chajraman, uva huertaman, olivo sach'aman, tukuy chajraman, runakunaman, uywakunaman, tukuy ima ruwasqankumanpis, nispa.

Joel 1:11

Chajrata poqochejkuna, uvata poqochejkuna ima, llakisqa waqaychej, imaraykuchus chajra mana kanchu. Manataj kanchu trigo ruthuna, nitaj cebada oqharinapis.

Joel 1:14

Tukuy runata tantaspa, ayunanankuta niychej. Tata Diosniykichejpa Templonpi tantaychej kurajkunata, kay suyupi tiyakojkunatawan, chaypitaj Tata Diosmanta mañakuychej.