Jeremías 14:10 - DIOSPA QHELQACHISQ

¹⁰ Ajinata Tata Dios israelitakunamanta nin: Paykunaqa lantikunata yupaychayta misk'ichikunku, kayman jaqayman yupaychaspa purinku. Chayrayku noqa mana paykunata allinpaj qhawanichu. Kunan millay ruwasqankumanta yuyarikuspa, paykunata jasut'isaj, nispa.

Qheshwa Biblia DC

¹⁰ Señorqa kayta Israel ayllunmanta parlaspa nerqa: Ujnejmanta ujnejman puriyta kay aylloyqa maytapuni misk'ichikun. Chayrayku, qhawajteyqa mana allimpajchu rijch'awan. Kunan juchasninkumanta yuyarikuspa, paykunamanta cuentata mañasaj.

DIOSPA QHELQACHISQAN DEUTEROCANONICAL

¹⁰ Ajinata Tata Dios israelitakunamanta nin: Paykunaqa lantikunata yupaychayta misk'ichikunku, kayman jaqayman yupaychaspa purinku. Chayrayku noqa mana paykunata allinpaj qhawanichu. Kunan millay ruwasqankumanta yuyarikuspa, paykunata jasut'isaj, nispa.

Jeremías 14:10 Referans Kwoze

Oseas 9:9

Imaynatachus ñawpa israelitakuna Gabaa llajtapi ruwasqanku, jinallatataj qankunapis millayta juchallinkichej. Chaywanpis Diosqa millay ruwasqaykichejta mana qonqanqachu, manachayqa juchallikusqaykichejmanta jasut'isonqachej.

Oseas 8:13

Paykunaqa anchatataj uywa ñak'asqata jaywayta munanku, chay jaywasqa aychatapis mikhullankutaj. Noqatajrí mana kusisqachu chayta jap'ikuni. Aswanpis millay ruwasqankumanta yuyarikusaj, juchankumantataj paykunata jasut'isaj. Noqaqa paykunata Egiptoman kutichisaj.

Salmos 119:101

Mana allinta ruwaspa purinamanta noqa chakiyta karunchani, nisqaykita junt'anaypaj.

Amós 5:22

Sutiypi uywata ñak'aspa q'olachinata mana munanichu, nitaj ch'aki mikhuy jaywanawaykichejtapis. Manallataj wira torillokunata allinyakuna jaywanata jina q'olachisqaykichejtapis jap'ikusqaykichejchu.

Jeremías 6:20

Imapajtaj qankuna Sabamanta inciensota apamuwankichejri? Imapajtaj karu llajtamanta sumajta q'apaj qhorakunatapis apamullawankichejtajri? Uywa ñak'asqa q'olachisqata jaywawasqaykichejqa mana jap'ikunaypaj jinachu, nillataj waj jaywasqaykichejpis kusichiwanchu, nispa.

Hebreos 8:12

Chaypacha noqa paykunamanta khuyakuspa, millay ruwasqankuta pampachasaj, juchallisqankumantapis manaña jayk'aj yuyarikusajñachu, nispa.

Jeremías 31:34

Manaña pipis runa masinta yachachenqañachu, nitaj wawqentapis nenqañachu: Tata Diosta rejsiy, nispa, imaraykuchus juch'uymanta jatunkama tukuy rejsiwanqanku. Noqa millay ruwasqankuta pampachasaj, manañataj jayk'ajpis juchankumanta yuyarikusajchu. Noqa Tata Diosmin chayta nini.

Oseas 11:9

Mana phiñakuyniy k'ajarisqanman jinachu ruwasaj. Mana ujtawan Efrainta chinkachisajñachu, imaraykuchus noqaqa Dios kani, manataj runachu. Noqa chawpiykichejpi May Llimphu Kaj Diosmin kani, manataj phiñasqachu qankunaman jamusaj.

Oseas 11:7

Israel aylloyqa noqamanta karunchakuyllatapuni munan. Chayrayku janaj pachaman qhaparikojtinkupis, paykunata ni pi yanapanqachu.

Jeremías 8:5

Chantá qan Israel, imaraykutaj wasanchawarqankiri? Jerusalén, imaraykutaj noqaman mana kutirimuyta munankichuri? Imaraykutaj kasuyta mana munankichuri?

Jeremías 2:36

Imaraykutaj chay jina usqhayta qanman sayasqa qhesachaspa, wajmanñataj k'askakunkiri? Egiptoqa k'akillata saqerparisonqa, imaynatachus Asiriapis ruwasorqa, ajinata.

1 Reyes 17:18

Warmisapataj Eliasta nerqa: Diospa kamachin, imanaykitaj noqa qantari? Juchaymanta sut'inchajchu jamuwarqanki, chaymanta wawaypis wañunanpajri? nispa.

1 Samuel 15:2

Tukuy Atiyniyoj Tata Dios ajinata nin: Israelitakuna Egiptomanta llojsimushajtinku, amalecitakunaqa ñanta mana pasajta saqesqankurayku, paykunata jasut'isaj.

Jeremías 3:13

Millay juchayoj kasqaykita reparakuy. Noqa Tata Diospa contrayta oqharikusqaykita, mana rejsisqayki qharikunawan tukuy thansarara sach'a urapi khuchichakusqaykita, kamachisqayta mana kasusqaykita ima reparakuy. Rimariy kamachisqayta mana kasusqaykita. Noqa Tata Diosmin chayta nini.

Ezequiel 29:16

Chaymanta qhepaman Israel aylloqa manaña Egiptopi atinikonqankuchu, manachayqa Egiptoman kutirina mana allin kasqanta yuyarikonqanku. Chaypacha noqa Tukuyta Kamachej Tata Dios kasqayta yachanqanku.

Oseas 7:2

Paykuna mana reparankuchu tukuy sajra ruwasqankuta mana qonqasqayta. Millayta ruwasqankoqa paykunata muyuykun, chay tukuytataj noqa rikushallanipuni.

Oseas 7:13

Ay, imapichus tukukonqanku, noqamanta t'aqakuwasqankurayku. Chinkachisqa kananku p'unchay chayamonqa contrayta oqharikusqankurayku. Preciota pagaspa paykunata kacharichiyta munani, paykunatajrí llullakuspa parlawanku.

Amós 3:2

Tukuy kay pachapi ayllukunamanta qankunallata ajllakorqaykichej. Chayrayku tukuy juchaykichejmanta cuentata mañasqaykichej.

Éxodo 32:34

Kunanqa israelitakunata pusay, maymanchus pusanaykita nerqayki, chayman. Noqaj angelniytaj pusasonqa. Chaywanpis jasut'inay p'unchay chayamojtin, noqa paykunata juchankumanta jasut'isaj, nispa.

Salmos 95:10

Tawa chunka watata paykunapaj phiñasqa karqani. Nerqanitaj: Kay runakunaqa mana allintachu purinku, manataj kamachisqaytapis kasuwankuchu, nispa.