Jeremías 13:21 - DIOSPA QHELQACHISQ

²¹ Kuraj kamachej, qoya, ima ninkichejtaj, maypachachus yachachisqaykichej runakunallataj qankunata kamachisonqachej chaypachari? Chay kajtin, qankuna onqokoj warmi jina nanaywan jap'ichikunkichej.

Qheshwa Biblia DC

²¹ Ima ninkitaj, qan Jerusalén, qampa yachachisqayki runasllawantaj kamachisqa kaspari? Onqoj warmej nanaykunasnin jina jamusonqanku.

DIOSPA QHELQACHISQAN DEUTEROCANONICAL

²¹ Kuraj kamachej, qoya, ima ninkichejtaj, maypachachus yachachisqaykichej runakunallataj qankunata kamachisonqachej chaypachari? Chay kajtin, qankuna onqokoj warmi jina nanaywan jap'ichikunkichej.

Jeremías 13:21 Referans Kwoze

Isaías 13:8

Manchachikuywan kharkatiylla junt'aykonqa. Phutiywan, nanaywan ima paykunata jap'enqa, imaynatachus wijsallisqa warmi nanaywan q'ewiykachakun, ajinata. Mancharisqa paykunapura qhawanakonqanku, imaraykuchus uyankupis p'enqaymanta pukayarenqa.

Jeremías 4:31

Nanaywan qhaparisqankuta uyarini, imaynatachus uj warmi kuraj kaj wawanta paqarichikushaspa qhaparin, ajinata. Chayqa Sionpa nanaywan qhaparikusqan, makinta jaywarakuspataj, nin: Ay, noqamanta, kay runa wañuchejkuna wañuchiwanqankuña, nispa.

Jeremías 38:22

Caldeamanta soldadokunaqa Judá suyuta kuraj kamachejpa wasinpi tukuy qhepakoj warmikunata orqhospa, Babiloniaj soldadonkunaj kurajninkunaman jaywaykonqanku. Chay warmikunataj kay jinata qanmanta nenqanku: Qanpa kawsaqeykikunallataj wasanchasorqanku, atipaykusorqankutaj. Chakiyki t'uruman chinkaykushajtinpis, paykuna saqerparisorqanku, nispa.

Jeremías 5:31

Diospa nisqanta sut'inchajkuna llulla kajllata sut'inchanku, sacerdotekunataj munasqankuman jinalla kamachinku. Aylluyrí chaytapuni munanku. Chaywanpis imanankichejtaj chay tukukuy p'unchay chayamojtinri? nispa.

Isaías 10:3

Imanankichejtaj jasut'ina p'unchaypiri? Piwantaj yanapachikunkichej karumanta jasut'iy jamusojtiykichejri? Maymantaj chay jina qhapaj kapuyniykichejta pakankichejri?

1 Tesalonicenses 5:3

Maypachachus runakuna nishanqanku: Tukuy imapis allillan, ni imamanta llakikuna kanchu, nispa chaypacha, ujllata paykuna tukuchisqa kanqanku, imaynatachus onqoj warmita wawanta paqarichikunanpaj nanaynin oqharin, ajinata. Chaypachataj paykuna mana ayqeyta atenqankuchu.

Ezequiel 28:9

Wañuchisojkunaj ñawpaqenpi niwajrajchu: Noqa dios kani, nispaqa? Wañuchisojkunaj ñawpaqenpi qanqa runalla kanki, manataj dioschu.

Jeremías 48:41

Llajtankuna, chantá sumaj jark'achasqa llajtankunapis awqankoj makinman urmanqanku. Chay p'unchaypi Moabpa soldadonkunaqa kharkatenqanku, imaynatachus paqarichikoj warmi nanaywan kharkatin, ajinata.

Jeremías 30:6

Ujta tapurisqaykichej: Qhareqa atinmanchu wawata paqarichikuyta? Chayta nini, imaraykuchus qharikunata rikuni onqoj warmi jina nanaywan q'ewiykachakojta. Imaraykutaj aya uyapacha kashankuri?

Jeremías 22:23

Kunan qanqa thapachakusqaykipi chhika patapi tiyarikushanki, Líbano cedromanta ruwasqa wasikunapi. Qhepamantajrí mayta ñak'arinki, maypachachus paqarichikoj warmej nanaynin jina jamusonqa, chaypacha, nispa.

Jeremías 6:24

Jerusalenpi tiyakojkuna ninku: Chaymanta parlajta uyarispa, manchachikuywan kallpaykupis llawch'iyan, onqokoj warmi jinataj ñak'ariypi, nanaypitaj kashayku.

Isaías 21:3

Chayrayku tukuy ukhuy nanawan, paqarichikoj warmi imaynatachus nanaywan q'ewiykachakun, ajinata q'ewiykachakuni. Chay phutikusqayqa mana uyarejta saqewanchu, manchachikuywantaj mana rikuytapis atinichu.

2 Reyes 16:7

Chantá Ajazqa Asiria suyuta kuraj kamachej Tiglat Pileserman kachakunata kachaspa, nicherqa: Noqaqa ñawpaqeykipi k'umuykukuni, churiyki jinataj kani. Chayrayku jamuspa, Siria suyuta kuraj kamachejpa makinmanta, chantá Israel suyuta kuraj kamachejpa makinmantawan kacharichikunaypaj yanapariway, imaraykuchus paykunaqa noqawan maqanakoj jamushanku, nispa.

San Mateo 24:8

Chaywanpis chay tukoyqa paqarichikoj warmej nanayninpa qallariynin jinalla kanqa.

Jeremías 2:25

Israel, nanachikunaykikamaqa ama q'ara chaki puriychu chay lantikunaj qhepanta, nitaj yaku ch'akiymanta ñak'ariychu. Chaywanpis qan nerqanki: Mana chayta saqeyta atinichu, imaraykuchus waj dioskunata munakuni, paykunatataj qhatisajpuni, nispa.

Jeremías 4:30

Qanrí, thuñisqa llajta, imapajtaj yana kulliraw p'achawan p'achallikunkiri? Imapajtaj qori jaluchuwan k'achanchakunkiri? Imapajtaj ñawiykita yanawan pintakunkiri? Chay jinata k'achanchakusqaykeqa qhasi manakajlla kanqa. Munapayasojkuna saqerpayasunku, aswanpis wañuchinasunkupaj mask'ashasunku.