Jeremías 12:6 - DIOSPA QHELQACHISQ

⁶ Kikin wawqeykillamantataj wasanchasunku, qhepaykimantataj phiñasqa rimakusunku. Ama paykunapi atinikuychu, misk'ita parlashasojtinkupis, nispa.

Qheshwa Biblia DC

⁶ Kikin wauqesniyki kajkunallamantataj wasanchasunku, qhepaykimantataj phiñasqas qhaparimusunku. Ama paykunapi chhikata atienekuychu, ni misk'i parlaywan parlasojtinkupis.

DIOSPA QHELQACHISQAN DEUTEROCANONICAL

⁶ Kikin wawqeykillamantataj wasanchasunku, qhepaykimantataj phiñasqa rimakusunku. Ama paykunapi atinikuychu, misk'ita parlashasojtinkupis, nispa.

Jeremías 12:6 Referans Kwoze

Proverbios 26:25

Sichus misk'i simiwan parlasunki chayqa, ama payta creeychu, imaraykuchus sonqonqa millay yuyaykunawan junt'a kashan.

Jeremías 9:4

4 (3) Kawsaqeykichejmanta qhawakuychej, amataj kikin wawqeykichejpipis atinikuychejchu, imaraykuchus wawqepurapis ch'awkiyanakunku. Kawsaqentinpurapis llullakuspa tumpanakunku.

Salmos 12:2

2 (3) Aswanpis paykunapura llullanakunku, llunk'upayanakuspa parlanku, puraj uyataj kanku.

San Mateo 10:21

Chaypachaqa uj ayllupi runaqa wawqenta wañuchinankupaj jap'ichenqa, tatapis wawanta jap'ichillanqataj. Wawakunapis tatankoj, mamankoj contranta oqharikuspa, paykunata kamachejkunawan wañuchichenqanku.

Jeremías 11:21

Anatot llajtamanta runakuna wañuchiwayta munaspa, niwarqanku: Ama Tata Diospa sutinpi sut'inchaychu, manachayqa qanta wañuchisqayku, nispa.

Jeremías 11:19

Imaynatachus uj cordero mana imatapis yachanchu camalman payta apashajtinku, ajinallataj noqapis mana yacharqanichu contraypi imatachus ruwayta munashasqankuta. Paykunaqa nishasqanku: Kay poqoj sach'ata k'utunachej. Payta chinkarparichinachej kay pachapi kawsajkuna ukhumanta, amaña pipis paymanta ujtawan yuyarikunanpaj, nispa.

Hechos 18:12

Ajaya suyupi Galión kamachishajtin, wakin judiokuna uj yuyaylla Pabloj contranpi oqharikuspa, kamachejman payta aparqanku ch'ataykunankupaj.

Jeremías 20:10

Contraypi runakuna chhichinakuspa parlashajta uyarini: Tukuynejpi manchachikuy tiyan. Jamuychej, payta ch'ataykusunchej, nispa. Tukuy kawsaqeykuna imallapipis pantanayta suyashanku. Chantá nillankutaj: Ichapis q'otiyayta atisunman, chaywantaj payta atipaykusunchej. Ajinamanta paymanta vengakusunchej, nispa.

Salmos 69:8

8 (9) Wawqeykunapaj waj llajtayoj runa jina kani, mamaypa churinkunataj mana rejsiwankuchu.

Job 6:15

Qankuna wawqeykunarí sonqoyta p'akiykuwankichej, mayuta wasaykoj yaku jina kankichej.

San Juan 7:5

Wawqenkuna chayta nerqanku, imajtinchus paykunapis Jesuspi mana atinikorqankuchu.

Marcos 12:12

Chantá Jesuspa awqankuna payta presochayta munarqanku, chay rijch'anachinawan paykunaj contrankuta nisqanta yachaspa. Chaywanpis runakunata manchachikusqankurayku, ripullarqanku.

Isaías 31:4

Tata Dios kay jinata niwarqa: Uj león uñanwan ima ovejata wañuchispa, mayta phiñarikun. Michejkuna mancharichinankupaj tantakuspa mayta qhaparejtinkupis, león mana manchachikunchu. Ajinallatataj Tukuy Atiyniyoj Tata Diosqa Sión orqoman israelitakunaj awqankoj contranta maqanakoj urayk'amonqa.

Hechos 16:22

Chantá runakunapis Jesuspa kachankunaj contrankuta oqharikullarqankutaj. Juezkunataj kamacherqanku Pabloj patanchanan p'achata Silaspatawan lluch'uspa, paykunata seq'onankuta.

Jeremías 9:2

2 (1) Imaynapichus ch'innejpi uj ch'ujllallapis noqajta tiyapuwanman, llajtaymanta karunchakunaypaj, imaraykuchus tukuyninku khuchichakojkuna, puraj uyataj kanku.

Jeremías 9:5

5 (4) Sapa ujpis runa masinmanta alqochakun, manataj pipis cheqanta parlaj kanchu. Llullakunallaman yachaykukunku. Millayllatapuni ruwanku nitaj chaymanta kutiriyta atinkumanchu.

Salmos 12:3

3 (4) Tata Diosqa tukuy puraj uya runakunata chinkachichun, jatunchakuspa parlajkunatawan.

Proverbios 23:8

Chaymantaqa imatachus mikhusqaykita lansarpanki, misk'i simiwan parlasqaykitaj qhasillapaj kanqa.

Jeremías 9:3

3 (2) Tata Diostaj nin: Paykuna llullakunapaj wakichisqapuni kashanku, imaynatachus runa arcota mat'iykun flechata kacharinanpaj, ajinata. Manapuni maychus kajta parlankuchu, manachayqa astawan astawan millay kajta ruwanku. Noqa Tata Diostataj mana rejsiwankuchu, nispa.