Jeremías 12:3 - DIOSPA QHELQACHISQ

³ Qantajrí, Tata Dios, allinta rejsiwanki. Imaynachus sonqoy qanpaj kasqantapis yachanki. Imaynatachus runa ovejata camalman qhatin, ajinallatataj chay runakunata apakapuy. Wañuchina p'unchaypajtaj señalaykuy.

Qheshwa Biblia DC

³ Qantaj, Señor, rejsiwanki, rikuwankitaj, yachankitaj qanwan imaynachus yuyayniypi kasqayta. Kay runasta apakapuy, ovejasta jina wañuyman qhatiykapuy, k'illpiykuy chay wañuchina p'unchaypaj.

DIOSPA QHELQACHISQAN DEUTEROCANONICAL

³ Qantajrí, Tata Dios, allinta rejsiwanki. Imaynachus sonqoy qanpaj kasqantapis yachanki. Imaynatachus runa ovejata camalman qhatin, ajinallatataj chay runakunata apakapuy. Wañuchina p'unchaypajtaj señalaykuy.

Jeremías 12:3 Referans Kwoze

Jeremías 17:18

Qhatiykachawajkunaqa p'enqaypi rikhurichunku, amataj noqaqa. Paykunalla mancharikuchunku, amataj noqaqa. Paykunaj patankuman ñak'ariykunata apachimuy, tukuyninkutataj kutin kutinta phirirpariy.

2 Reyes 20:3

Tata Dios, noqamanta yuyarikuy, imaynatachus cheqanta, allin sonqowantaj ñawpaqeykipi purisqaymanta, munayniykiman jina ruwaspa, nispa. Chantá Ezequías manchay llakisqa waqarikorqa.

Santiago 5:5

Qankunarí kay pachapi chhika patapi kawsarikushankichej, sonqoykichejpa tukuy munasqanta ruwaspa, manchayta kusirikuspataj. Qankuna ñak'ana p'unchaypaj waka jina manchayta wirayarishankichej.

Salmos 17:3

Sonqoypi imachus kasqanta qan watuwanki. Tutan qhawawaj jamuwarqanki sonqoy imaynachus kasqanta yachayta munaspa, manataj ima mana allin kajtapis tarerqankichu. Sonqoypi nerqani simiywan mana pantanayta.

Jeremías 50:27

Tukuy wapu soldadonkunata wañuchiychej, ñak'ana cheqaman paykunata apaychej. Ay, paykunamanta, imaraykuchus wañunanku p'unchay chayamun, jasut'isqa kananku p'unchaytaj.

Salmos 139:23

Diosníy, sonqoyta allinta qhaway, sonqoyta rejsispataj, tukuy yuyasqayta allinta yachay allinchus manachus kasqanta.

Salmos 26:1

(1b) Tata Dios, justiciata ruwaway ari, imajtinchus mana k'amina kawsayniyoj kani. Mana iskayrayaspa qanpi atinikuni.

San Juan 21:17

Ujtawanpis Jesús tapullarqataj: Jonaspa churin Simón, munakuwankichu? nispa. Pedrotaj llakiywan oqharichikorqa, kinsa kutikama: Munakuwankichu? nispa Jesús nisqanmanta. Chantá kuticherqa: Tukuyta Kamachej Jesusníy, qan tukuy imata yachanki. Qanta munakususqaytapis yachallankitaj, nispa. Jesustaj payta nerqa: Jina chayqa, ovejaykunata michipuway.

Jeremías 51:4

Caldeokunaj tukuy suyunpi runaqa wañuchisqa kanqanku, llajta ukhupitaj parti wañusqakuna mast'alla wijch'urayanqanku.

Jeremías 48:15

Kunantajrí Moab phirisqa kanqa, llajtankunataj ch'inyachisqa. Sumaj waynakunapis wañurachisqa kanqanku. Ajinata noqa Tukuyta Kamachej, Tukuy Atiyniyoj Tata Dios nini.

Jeremías 20:12

Tukuy Atiyniyoj Tata Dios, Qanmin cheqan runaj sonqonta qhawanki. Qanmin runaj sonqonta, yuyayninta ima watunki. Noqamanpis imaynatachus paykunata jasut'ispa pagachikusqaykita rikuchiway, imaraykuchus qanllaman llakiyniyta willakuni waqaychasqa kanaypaj.

Salmos 11:5

Tata Diosqa cheqanta ruwajkunata, millayta ruwajkunatapis qhawan. Kallpankuman atinikuspa imatapis ruwayta munakojkunatarí, tukuy sonqonwan chejnikun.

Salmos 7:9

9 (10) Cheqanta ruwaj Dios, qan runaj sonqonta rejsinki, runaj sonqon ukhutapis qhawallankitaj. Millayta ruwaspa purejkunata chinkachiy, cheqan sonqoyoj runatarí sinch'ita sayachiy.

Job 23:10

Chaywanpis sapa thaskisqayta pay yachan. Payqa imaynatachus kasqayta yachariyta munaspa, tukuy imata ñak'arichiwan, chaymantataj ch'uwa qori jina llojsimusaj.

1 Crónicas 29:17

Noqa yachani, Diosníy, qanqa runaj sonqota allinta qhawasqaykita, cheqan kajtaj qanta kusichisusqanta. Chayrayku kay tukuyta tukuy sonqo qanman qoyki. Kunanqa kusisqa rikushani, kaypi tantasqa israelitakuna tukuy sonqo qanman qosusqankumanta.

2 Pedro 2:12

Chay runakunarí mana imata yachaspa, mana allinta parlanku. Paykuna animal jina wañuchisqa kanankupaj churasqa kanku, ajinallatataj chinkachisqa kanqanku.

Jeremías 15:15

Chantá noqa nerqani: Tata Dios, qan tukuy imata yachanki. Noqamanta yuyarikuy ari, waturikuwaytaj yanaparinawaykipaj. Tukuy qhatiykachawajkunamanta vengakuy ari. Ama paykunata ch'inllamanta qhawakuychu, pajtataj wañuchiwankuman. Qan yachanki imaynatachus qanrayku k'umuykachachisqa kasqayta.

Jeremías 17:16

Chaywanpis, noqaqa mana tanqarqaykichu, nitaj mañarqanichu ñak'ariykunawan jasut'inaykita. Tukuy ima nisqayta qan yachanki, imaraykuchus qan uyarishajtiyki parlarqani.