Jeremías 12:13 - DIOSPA QHELQACHISQ

¹³ Trigota tarpuspapis, khishkallata oqharerqanku. Tukuy llank'asqankoqa qhasillapaj karqa. Noqaj sinch'i phiñakusqayrayku chajrapis mana poqorqachu, nispa.

Qheshwa Biblia DC

¹³ Tarporqanku trigota, khishkasllatataj oqharerqanku. Tukuypa llank'asqankoqa qhasillapaj karqa. Chajrasqa mana poqorqachu, noqaj sinch'i phiñakuyniyrayku.

DIOSPA QHELQACHISQAN DEUTEROCANONICAL

¹³ Trigota tarpuspapis, khishkallata oqharerqanku. Tukuy llank'asqankoqa qhasillapaj karqa. Noqaj sinch'i phiñakusqayrayku chajrapis mana poqorqachu, nispa.

Jeremías 12:13 Referans Kwoze

Hageo 1:6

Qankuna ashkhata tarpunkichej, pisitataj oqharinkichej. Mikhunkichej, manataj sajsakunkichejchu. Yakuta ujyankichej, chaywanpis yakumanta ch'akichikullankichejpuni. P'achallikunkichej chaypis, mana chirimanta jark'asunkichejchu. Jornalpi ganakusqaykichejpis mana imapaj wakinchu, nispa.

Miqueas 6:15

Tarpunki chaypis, mana poqoyta oqharinkichu. Olivo sach'amanta aceitunata takaspapis, mana aceitenta llamirinkichu. Uvata ch'irwaspapis, mana vinota ujyankichu.

Deuteronomio 28:38

Jallp'aykipi ashkhata tarpunki, pisitataj oqharinki, imaraykuchus phinki phinkikunalla mikhuykakaponqanku.

Isaías 55:2

Imaraykutaj qolqeykichejta tukunkichej mana mikhuna kajllapi? Imaraykutaj pagoykichejta tukunkichej mana sajsachej mikhunallapiri? Allinta uyariwaychej, jinaspataj allin kajmanta mikhunkichej, sumaj mikhuykunawantaj misk'irichikuychej.

Levítico 26:16

noqapis qankunawan kay jinata ruwasaj: Manchachikuspalla kawsayta kachaykamusqaykichej, wañuchej onqoyta, k'aja onqoyta, ñawi onqoyta, chantá llawch'iyay onqoytawan ima kachaykamullasqaykichejtaj. Qankunaqa qhasillata tarpunkichej, imaraykuchus poqochisqaykichejta awqaykichej mikhukaponqanku.

Habacuc 2:13

Tukuy Atiyniyoj Tata Diostajrí sayk'uy sayk'uywan tukuy ruwasqaykita qhasi manakajman tukuchenqa, imaraykuchus chay tukuy ruwasqayki ninawan ruphachisqa kanqa.

Jeremías 4:26

Qhawarispa, sumaj poqoj jallp'akunapis ch'inman tukuchisqa kasqankuta rikorqani, tukuy llajtankunataj raqayllaña kasqankuta. Tata Diosmin k'araj phiñakuyninpi chay tukuyta ruwarqa.

Romanos 6:21

Ajinata purisqaykichejrayku, imatataj tarerqankichejri? Manachu millay kajta ruwasqaykichejmanta kunan p'enqakushankichej? Chaykunataj pusashasorqachej wiñay wiñaypaj Diosmanta karunchasqa kanaykichejpaj.

Levítico 26:20

Qhasillata kallpaykichejta tukuchinkichej, imaraykuchus chajraqa mana poqonqachu, nitaj sach'akunapis poqonqankuchu.

Jeremías 9:5

5 (4) Sapa ujpis runa masinmanta alqochakun, manataj pipis cheqanta parlaj kanchu. Llullakunallaman yachaykukunku. Millayllatapuni ruwanku nitaj chaymanta kutiriyta atinkumanchu.

Jeremías 17:10

Noqa Tata Diosmin runaj sonqonta watuni, yuyaynintataj allinta qhawani. Chantá sapa ujman imaynatachus purisqanman jina, ruwasqanman jinataj pagapuni, nispa.

Salmos 78:62

Dios ayllunpaj chay jinatapuni phiñakusqankurayku, paykunata wañuchisqa kanankupaj qaraykorqa.

Oseas 8:7

Israelitakuna wayraman tarporqanku, oqharerqankutaj muyoj wayrata. Trigo chajra mana poqosqanrayku, jak'u mana kanqachu. Sichus poqonman chaypis, waj llajtayojkuna mikhukaponqanku.

Hageo 1:9

Kunankama qankuna ashkhata mask'arqankichej, pisitataj tarerqankichej. Imatachus wasiykichejpi waqaychasqaykichejta noqa ujta phukuspalla chinkarparicherqani. Imajtintaj chayta ruwarqani? Imajtinchus waseyqa thuñisqallaraj kashan, qankunataj wasiykichej sumaj ruwasqa kanallanmanta phutikunkichej. Noqa Tukuy Atiyniyoj Tata Diosmin chayta nini.