Jeremías 12:10 - DIOSPA QHELQACHISQ

¹⁰ Ashkha kamachejkuna uva huertayta t'ustiykunku, jallp'aytataj saruranku. Munasqa jallp'ayta ch'inman tukuchinku.

Qheshwa Biblia DC

¹⁰ Ashkha enemigosniypa kurajkunasnin uvas huertayta t'ustiykunku, chayaqe jallp'aytataj saruranku. Q'arasqa ch'in pampaman chay munasqa jallp'ayta tukuchinku.

DIOSPA QHELQACHISQAN DEUTEROCANONICAL

¹⁰ Ashkha kamachejkuna uva huertayta t'ustiykunku, jallp'aytataj saruranku. Munasqa jallp'ayta ch'inman tukuchinku.

Jeremías 12:10 Referans Kwoze

Jeremías 23:1

Tata Dios nin: Ay, michejkuna imapichus tukukonqanku, pikunachus ovejaykunata ch'eqerachinku, chinkachinkutaj, chaykuna, nispa.

Isaías 63:18

Noqayku ajllasqa aylluyki pisi tiempollapaj qanpaj t'aqasqa cheqata jap'erqayku. Kunantajrí awqaykukuna Temploykita sarunku.

Jeremías 6:3

Kuraj kamachejkunaqa soldadonkunawan Jerusalenpa muyuyninpi toldonkuta sayachispa, munasqankuta ruwanqanku.

Jeremías 3:19

Israel, noqa qanta wawaypaj jina jap'ikapuyta yuyarqani, sumaj moq'ena jallp'ata qonasuypaj, tukuy kay pachapi jallp'amanta aswan sumaj jallp'ata. Noqa yuyarqani: Tatáy, nispa ninawaykita, manataj jayk'ajpis noqamanta karunchakunawaykita.

Apocalipsis 11:2

Temploj jawanpi kaj patiotarí ama midinkichu, imaraykuchus chay patiota qoni noqata mana qhatiwajkunaman, paykunataj noqapaj ajllakusqay llajtata kinsa wata khuskanniyojta saronqanku.

San Lucas 21:14

Chayrayku imatachus kutichikunaykichejtaqa ama ñawpajta wakichikuychejchu,

Jeremías 39:3

Babiloniata kuraj kamachejpa tukuy kurajninkunapis yaykuykullarqankutaj, chawpipi kaj punkupitaj tiyaykukorqanku. Chaykuna karqanku Nergal Sarézer, Samgar Nebo, kuraj kamachejpa kuraj kamachin Sarsequín, waj Nergal Sarézer ima, pichus kuraj kamachillataj karqa.

Jeremías 25:9

Chayrayku wichaynejmanta tukuy soldadokunata wajyasaj, jinallataj Babiloniamanta kamachiy Nabucodonosortapis. Chantá paykuna kay suyuman yaykumuspa, tukuy kaypi tiyakojkunawan maqanakonqanku, jinallataj chay qaylla suyukunawanpis. Ajinata qankunata kantumanta tukuchisqaykichej. Llajtaykichejkunata raqaykunallaña kanankupaj ruwasaj, jinallataj mancharikunapaj, asikunapaj jina ruwasaj.

Isaías 43:28

Sacerdoteykikuna Temployta pisipaj qhawasqankurayku p'enqaypi rikhurichisaj. Jacobpa aylluntaqa chinkarparichisqa kananpaj churasaj, Israel ayllutataj p'enqayta qhesachasqa kananpaj churallasajtaj.

Jeremías 9:10

10 (9) Chantá Jeremías nerqa: Orqokunarayku sonqo nanayta waqasaj, pastokunaraykutaj llakiy yarawita takisaj, imaraykuchus tukuy pastoqa ruphasqa kashan. Mana pipis chayninta purinñachu, manañataj wakakunaj waqasqanpis uyarikunñachu. P'isqokunapis, k'ita animalkunapis ayqekunkuña, nispa.

Ezequiel 34:2

Runaj churin, Israelta michejkunaj contrankuta parlaspa, ajinata niy: Tukuyta Kamachej Tata Dios kay jinata nisunkichej: Ay qankunamanta, Israel aylluta michejkuna, imapichus rikhurinkichej. Qankunaqa allinnillaykichejta mask'akunkichej. Manachu michejkunaqa ovejakunaj allinninkuta mask'ananku tiyan?

Daniel (hebreo) 8:13

Chay qhepata uj angelqa waj angelta tapurishajta uyarerqani: Mayk'ajtaj tukukonqa imachus sapa p'unchay jaywana altarpi rikukushan, chayri? Mayk'ajkamataj Templopi millayta juchallispa kanqankuri? Mayk'ajkamataj Diosta qhatejkunata saronqankuri? nispa.

Zacarías 7:14

Chayrayku muyoj wayra jina paykunata ch'eqeracherqani mana rejsisqa karu suyukunaman, chay qhepatataj llajtanku ni pejpa tiyakunan ch'inman tukorqa. Paykunamin chay jina k'acha suyuta ch'inman tukucherqanku, nispa.

Isaías 3:14

Tata Dios ayllunpa kurajninkunawan juicioman yaykun, ayllunpa llajtankunawan, kamachejkunawan ima. Pay nin: Israelqa uva huertay jina, qankunataj chayta chinkarparichinkichej. Wasiykichejpis wajcha runakunamanta imatachus suwasqaykichejwan junt'a kashan.

Jeremías 25:37

Tata Diosqa k'arajta phiñakuspa, pastoyoj tukuy pampata chinkarqaricherqa.

Jeremías 25:38

Imaynatachus uj león jusk'unmanta llojsin, ajinata llojserqa. Llajtankoqa raqayllamanña tukuchisqa kanqa, imaraykuchus Tata Dios sinch'ita phiñakuspa, sinch'i maqanakuta paykunaman kachaykonqa, nispa.

Ezequiel 34:5

Ovejaykunaqa mana michejniyoj kasqankurayku ch'eqerarqanku, campopitaj phiña k'ita animalkuna paykunata mikhurarqanku.