Jeremías 11:7 - DIOSPA QHELQACHISQ

⁷ Maypachachus ñawpa tataykichejkunata Egiptomanta orqhomorqani, chaymantapacha kunankama paykunaman mayta nerqani: Kasuwaychej, nispa.

Qheshwa Biblia DC

⁷ Ñaupa tatasniykichejta Egiptomanta orqhomorqani chaypachaqa nerqani kasunawankuta, chaymantapacha kunankamataj k'amillarqanipuni kasunawankuta.

DIOSPA QHELQACHISQAN DEUTEROCANONICAL

⁷ Maypachachus ñawpa tataykichejkunata Egiptomanta orqhomorqani, chaymantapacha kunankama paykunaman mayta nerqani: Kasuwaychej, nispa.

Jeremías 11:7 Referans Kwoze

2 Crónicas 36:15

Ñawpa tatankoj Diosninku Tata Dios Templonrayku, ayllunta khuyakusqanraykutaj, kutin kutinta sut'inchajninkunata kacharqa ayllunta k'aminankupaj.

Efesios 4:17

Tukuyta Kamachej Jesuspa sutinpi kayta niykichej: Amaña Diosman mana kutirikojkuna jina purispa kawsaychejchu. Paykuna qhasi manakaj yuyasqankuman jina purinku.

1 Samuel 8:9

Ajinaqa kasullay imatachus mañakusqankuta. Chaywanpis sut'inta niy, kuraj kamachej paykunata kamachispa imatachus ruwananta, nispa.

Éxodo 15:26

Chantá Tata Dios paykunaman nerqa: Sichus Tata Diosniykichej parlasqanta tukuy sonqo uyarinkichej, ñawpaqenpitaj cheqanta ruwankichej, chantá kamachisqantataj kasunkichej chayqa, Egipto llajtayojkunaman kachaykorqani, chay onqoykunata mana qankunaman kachaykamusqaykichejchu. Noqa Tata Diosmin qhaliyachisojniykichej kani, nispa.

2 Tesalonicenses 3:12

Chay jina kajkunataqa kamachiyku, k'amiykutaj Tukuyta Kamachej Jesucristoj sutinpi, llank'aspa mikhunankupaj ganakunankuta.

Jeremías 35:15

Qhepan qhepanta noqamanta sut'inchajkunata kachamorqaykichej ninasuykichejpaj: Mana allin ruwasqaykichejta, millay kawsayniykichejta ima saqeychej. Ama waj dioskunaj qhepankuta ripuychejchu, nillataj paykunata yupaychaychejchu. Kay nisqaytachus kasuwankichej chayqa, qankunaman, jinataj ñawpa tataykichejmanpis qosqay jallp'api tiyakullankichejpuni, nispa. Chaywanpis qankunaqa manapuni kasuwarqankichejchu, nitaj nisqayta junt'arqankichejchu.

Jeremías 25:4

Jinallataj Tata Diosqa kutin kutinta waj sut'inchajkunata kachamusorqachej, qankunatajrí mana kasuta ruwarqankichejchu, nitaj uyariyllatapis munarqankichejchu, nillataj chay nisqankuta kasorqankichejchu.

Jeremías 11:4

Kay tratota ñawpa tatankukunawan ruwarqani, maypachachus Egiptomanta paykunata orqhomorqani, chaypacha. Egipto suyoqa fierro unuyachina horno jina karqa. Chaypachataj noqa nerqani: Kasuwaychej, ruwaychejtaj tukuy kamachisqayta, chantá qankuna aylluy kankichej, noqataj Diosniykichej kasaj, nispa.

Jeremías 7:13

Mashkha kutita parlapayarqaykichej, qankunatajrí mana kasuwayta munarqankichejchu, nitaj uyarillawaytapis munarqankichejchu.

Deuteronomio 30:20

Jinallataj Tata Diosniykichejta munakuychej, kasuychej, chantá payta mana wasanchaspa qhatikuychej ima. Ñawpa tataykichej Abrahamman, Isaacman, Jacobman ima Tata Dios tiluspa qonanta nisqan jallp'api unayta kawsanaykichejpajqa, qankunamantamin kashan, nispa.

Deuteronomio 12:32

32 (13.1) Kay tukuy kamachisqayta junt'aychejpuni, ama yapaspa, nitaj chaymanta imatapis qhechuspa.

Deuteronomio 8:6

Ajinaqa Tata Diosniykichej kamachisusqanta kasuychej. Payllata kasuspa, chantá may jatun respetowan qhawaspa ima puriychej.

Deuteronomio 6:2

Qankuna, wawaykichej, allchhiykichej ima kay pachapi kawsanaykichejkama, Tata Diosniykichejta may jatun respetowan qhawakuychej. Sichus tukuy kamachisqanta, yachachisqanta ima kasunkichej chayqa, unayta kawsankichej.

Deuteronomio 5:29

Mayta munayman ajinallatapuni yuyanankuta, noqatataj yupaychanawankuta, kamachisqaytapis sapa p'unchay kasunankuta. Ajinata ruwaspa, paykuna jinataj wawankupis wiñaypaj kusiy kawsayta rikonqanku.

Deuteronomio 4:6

Ajinaqa kasuspa junt'aychej. Ajinatachus ruwankichej chayqa, tukuy yachanqanku yachayniyoj, yuyayniyojtaj kasqaykichejta. Waj llajtayojkuna kay kamachisqakunamanta uyarispa, nenqanku: Kay llajtayoj runakunaqa yachayniyoj, yuyayniyojtaj kanku. Kay suyoqa sumajmin, nispa.

Jeremías 25:3

Amonpa churin Josías chunka kinsayoj watata Judapi kamachisqanmanta kunankama, iskay chunka kinsayoj watataña Tata Dios noqaman parlamullawanpuni. Noqataj chayta qankunaman kutin kutinta willarqaykichej. Qankunatajrí manapuni uyariwarqankichejchu.

Jeremías 31:32

Chay mosoj tratoqa mana ñawpa tatankuwan ruwarqani jinachu kanqa. Chay tratota paykunawan ruwarqani, maypachachus Egiptomanta paykunata orqhomorqani makinkumanta jap'ispa, chaypacha. Chaywanpis noqa qosanku jina kashajtiypis, paykunaqa trato ruwasqayta mana junt'arqankuchu. Noqa Tata Diosmin chayta nini.

Jeremías 35:14

Recabpa churin Jonadabpa ayllonqa ñawpa tatankoj kamachisqanta kasuspa, mana vinota ujyankuchu. Chayrayku paykunaqa kunankama mana vinota ujyankuchu, imaraykuchus ñawpa tatankoj kamachisqanta junt'ashanku. Noqapis qankunaman kutin kutinta parlapayarqaykichej, jinapis qankunaqa mana kasuwankichejchu.

Zacarías 1:4

Ama ñawpa tataykichejkuna jina kaychejchu. Noqamanta ñawpa sut'inchajkunaqa paykunata sutiypi nerqanku: Millay kawsayta saqeychej, mana allin kajta ruwanamantataj t'aqakuychej, nispa. Paykunatajrí mana uyariwarqankuchu nitaj nisqayta kasuwarqankuchu. Noqa Tukuy Atiyniyoj Tata Diosmin chayta niykichej.

2 Reyes 17:13

Tata Diosqa israelitakunata, jinataj Judá suyupi tiyakojkunata ima sut'inchajkunanejta k'amichisqa: Millayta ruwaspa purisqaykichejmanta noqaman kutirikamuychej. Chantá tataykichejkunaman qosqay kamachisqaykunata, yachachisqaykunatapis kasuychej. Chaykunata noqamanta sut'inchajkunanejta willacherqaykichej, nispa.

Jeremías 32:23

Paykunataj qosqayki jallp'aman yaykuspa, dueñochakorqanku. Chaywanpis mana kasusorqankuchu nitaj kamachisqaykita junt'arqankuchu. Manallataj paykuna kamachisqaykita ruwarqankuchu. Chayraykumin kay tukuy ñak'ariykunata paykunaman kachaykamorqanki.

Jeremías 34:14

Noqa paykunata kamacherqani sapa qanchis watamanta kacharipunankuta, mayqen llajta masinkuchus paykunaman vendekuspa, sojta watataña kamachinkupi karqanku, chaykunata. Jinapis ñawpa tataykichejqa mana kasuwarqankuchu, nitaj nisqayta ruwarqankuchu.

Oseas 4:1

Israelitakuna, Tata Diospa nisqanta uyariychej. Payqa kay suyupi tukuy tiyakojkunawan quejaman yaykun, imaraykuchus qankuna payta wasanchankichej, nitaj khuyakuyniyoj kayta yachankichejchu, nillataj Diostapis rejsinkichejchu.

Oseas 5:1

Tata Dios nin: Sacerdotekuna, kayta uyariychej. Israelitakuna, allinta uyariychej. Kuraj kamachejpa ayllunmanta kajkunapis uyarillaychejtaj: Qankuna juchachasqa kankichej, imaraykuchus Mispapi uj misk'ana jina karqankichej, Tabor orqo patapitaj wakichisqa tojlla jina karqankichej.