Jeremías 11:6 - DIOSPA QHELQACHISQ

⁶ Chantá Tata Diosqa nillawarqataj: Judá suyupi kay willayta qhaparimuy, jinallataj Jerusalén llajtapipis. Chay runakunamantaj ajinata niy: Imaynachus kay trato ruwasqa kasqanta uyariychej, chantá junt'aychejtaj.

Qheshwa Biblia DC

⁶ Chaypacha Señor niwarqa: Judá llajtaspi kay willayta qhaparimuy, jinallataj Jerusalén callespipis. Niy runasman: Uyariychej imaynatachus kay trato ruwasqapi qelqasqa kasqanta, chantá junt'aychejtaj.

DIOSPA QHELQACHISQAN DEUTEROCANONICAL

⁶ Chantá Tata Diosqa nillawarqataj: Judá suyupi kay willayta qhaparimuy, jinallataj Jerusalén llajtapipis. Chay runakunamantaj ajinata niy: Imaynachus kay trato ruwasqa kasqanta uyariychej, chantá junt'aychejtaj.

Jeremías 11:6 Referans Kwoze

Santiago 1:22

Chaywanpis Diospa nisqantaqa ama uyarillaychejchu, aswanpis kasuychej. Manachus kasunkichej chayqa, qankuna kikiykichejta q'otiyakushankichej.

Romanos 2:13

Chayqa jina, imaraykuchus mana kamachisqata uyarejkunallachu Diospa ñawpaqenpi cheqan runapaj qhawasqa kanqanku. Aswanpis kamachisqaj nisqanta kasojkunamin cheqan runapaj qhawasqa kanqanku.

San Juan 13:17

Sichus chayta entiendespa ruwankichej chayqa, kusisqamin kankichej.

Jeremías 19:2

Chaymantataj paykunawan khuska Ben Jinón valleman riychej, K'analla Punku nisqa qayllaman, chaypitaj imatachus willasqayki, chayta paykunaman willanki.

Jeremías 7:2

Temploypa pationman yaykuna punkupi sayaspa, kayta willamuy: Judá suyupi tiyakojkuna, qankuna pikunachus kay punkunejta Tata Diosta yupaychanaykichejpaj yaykushankichej chaykuna, kayta uyariychej:

Jeremías 3:12

Chayrayku, wichaynejman rispa, kayta Israelman willamuy: Tata Dios nin: Noqaman kutimpuway, wasanchawaj Israel. Mana phiñasqachu qanta qhawasqayki, nitaj phiñakuyneyqa wiñaypajchu kanqa, imaraykuchus noqaqa khuyakuyniyojmin kani. Noqa Tata Diosmin chayta niykichej.

Zacarías 7:7

Manachu Tata Dios ñawpa sut'inchajkunaman kikillantataj nerqa, maypachachus Jerusalén ashkha runayoj llajta karqa, manataj ni ima ch'ajwapis karqachu Judea jap'iypi kaj llajtakunapi, Neguevpi, chantá Sefela pampakunapipis, chaypacha? nispa.

Isaías 58:1

Tata Dios niwarqa: Ama samarispa, kunka llik'ikuyta qhapariy, pututu jina qhapariy. Jacobpa miraynin aylluypa juchanta sut'iman orqhoy.

Salmos 15:5

Payqa mana interesniyojta qolqeta manurin, nitaj mana juchayojpa contranta llullakunanpaj lluk'ita jap'ikunchu. Chay jinata ruwaj runaqa ni jayk'aj urmanqachu.

Jeremías 2:2

Rispa, Jerusalén llajtapi tiyakojkunaman willamuy, allinta uyarinankupaj jina sinch'ita qhapariy: Tata Dios kay jinata nin: Imaynatachus qan sipasllaraj kashaspa, noqallata munakuwasqaykita yuyarikuni. Maypachachus warmiypaj aysarikorqayki chaypacha, manchayta munakuwasqaykita yuyarikuni. Ch'in pampanejta, mana jayk'aj tarpusqa jallp'anejta qhepayta jamusqaykita yuyarikullanitaj.

Deuteronomio 4:1

Kunanqa israelitakuna, kamachisqaykunata, chantá yachachisqaykunata ima uyariychej. Yachachisqayman jinataj ruwaychej. Kasukunkichej chayqa, mana wañunkichejchu. Ñawpa tataykichejpa Tata Diosnin jallp'ata qosonqachej, chayman jap'inaykichejpaj yaykunkichej.

Deuteronomio 4:5

Noqaqa Tata Diosniy kamachiwasqanman jina kamachisqanta, nisqantawan ima yachacherqaykichej, jap'inkichej chay jallp'api kasunaykichejpaj.