Jeremías 11:4 - DIOSPA QHELQACHISQ

⁴ Kay tratota ñawpa tatankukunawan ruwarqani, maypachachus Egiptomanta paykunata orqhomorqani, chaypacha. Egipto suyoqa fierro unuyachina horno jina karqa. Chaypachataj noqa nerqani: Kasuwaychej, ruwaychejtaj tukuy kamachisqayta, chantá qankuna aylluy kankichej, noqataj Diosniykichej kasaj, nispa.

Qheshwa Biblia DC

⁴ kay tratota ruwarqani chay ñaupa tatasninkuwan Egiptomanta orqhomorqani chaypacha. Chay jallp'a paykunapajqa, fierrota unuyachinapaj horno jina karqa. Noqa nerqani: Kasuwaychej, ruwaychejtaj tukuy kamachisusqayta, jinamanta qankuna aylluy kanaykichejpaj, noqataj Diosniykichej kanaypaj.

DIOSPA QHELQACHISQAN DEUTEROCANONICAL

⁴ Kay tratota ñawpa tatankukunawan ruwarqani, maypachachus Egiptomanta paykunata orqhomorqani, chaypacha. Egipto suyoqa fierro unuyachina horno jina karqa. Chaypachataj noqa nerqani: Kasuwaychej, ruwaychejtaj tukuy kamachisqayta, chantá qankuna aylluy kankichej, noqataj Diosniykichej kasaj, nispa.

Jeremías 11:4 Referans Kwoze

Deuteronomio 4:20

Tata Diosqa Egiptomanta metalta unuyachina hornomanta jina qankunata orqhomusorqachej, paypata ayllun kanaykichejpaj, imaynachus kunan kashankichej, ajina.

Levítico 26:12

Noqa qankunaj chawpiykichejpi purisaj. Diosniykichej kasaj, qankunataj aylluy kankichej.

2 Corintios 6:16

Diospa Templonpeqa ni ima lanti kananchu tiyan, icharí? Qankunamin kawsashaj Diospa templon kankichej. Diosmin kayta nin: Noqaqa paykuna ukhupi tiyakusaj, purisajtaj. Paykunaj Diosninku kasaj, paykunataj aylluy kanqanku, nispa.

Zacarías 8:8

Chaymantataj paykunata Jerusalenman pusasaj chaypi tiyakunankupaj. Chaypacha paykuna aylluy kanqanku, noqataj Diosninku kasaj, nisqayta junt'aspa, justiciata ruwaspataj, nispa.

Jeremías 24:7

Jinallataj allin yuyayta paykunaman qosaj, noqa Tata Dios kasqayta rejsinawankupaj. Paykunaqa aylluy kanqanku, noqataj paykunaj Diosninku kasaj, imaraykuchus paykuna tukuy sonqowan kutimpuwanqanku.

1 Reyes 8:51

Chayta ruwanki, imaraykuchus paykunaqa aylluyki kanku, chayaqeykitaj. Paykunataqa Egiptomanta, fierro unuyachina hornomanta jina orqhomorqanki.

Zacarías 13:9

Chay qhepakojkunarí ninawan ch'uwanchasqa kanqanku. Imaynatachus runa qolqe metalta ninapi ch'uwanchan, chayrí qorita ch'uwanchan, ajinata noqapis paykunata llimphuchasaj. Chaypacha paykunaqa sutiyta oqharenqanku Diosninkupaj rejsikapuwasqankurayku, noqataj mañakuwasqankuta uyarisaj. Chantá paykunata nisaj: Qankuna aylluy kankichej, nispa. Paykunataj kutichiwanqanku: Tata Diosqa Diosninchej, nispa. Noqa Tata Diosmin chayta nini.

Ezequiel 37:23

Manañataj millay lantikunata yupaychaspa ch'ichichakonqankuchu, nitaj millayta ruwanqankuchu, nillataj contrayta oqharikonqankuchu. Noqa paykunata kacharichisaj, maypichus juchallikorqanku, chay cheqamanta, paykunatataj llimphuchasaj. Ajinamanta aylluy kanqanku, noqataj paykunaj Diosninku kasaj.

Ezequiel 36:28

Chantá ñawpa tataykichejkunaman qorqani, chay suyupi tiyakunkichej. Qankunaqa aylluy kankichej, noqataj Diosniykichej kasaj.

Ezequiel 14:11

Ajinamanta Israel aylloqa manaña jayk'ajpis noqamanta t'aqakonqankuchu, nitaj millay imata ruwaspa ch'ichichakonqankuñachu. Paykuna aylluy kanqanku, noqataj paykunaj Diosninku kasaj, nispa nin Tukuyta Kamachej Tata Dios.

Ezequiel 11:20

Chantá paykuna kamachisqayman jina kawsanqanku, nisqayman jinataj purenqanku, junt'anqankutaj. Paykunaqa aylluy kanqanku, noqataj paykunaj Diosninku kasaj.

Jeremías 30:22

Ajinamanta israelitakunaqa aylluy kanqanku, noqataj Diosninku kasaj. Noqa Tata Diosmin chayta nini.

Jeremías 26:13

Chayrayku imaynatachus kawsashasqaykichejta, purishasqaykichejtapis allinchaychej, Diosniykichej Tata Diostapis kasuychej. Ajinatachus ruwankichej chayqa, kachaykamunanta nerqa, chay ñak'ariykunata manaña kachaykamusonqachejchu.

Deuteronomio 11:27

Allin risonqachej sichus Tata Diosniykichej kamachisqanta kunan qoshaykichej, chayta kasunkichej chayqa.

Levítico 26:3

Sichus kamachisqayman jina purinkichej, kamachisqayta kasuspataj chayman jina ruwankichej chayqa,

Génesis 17:8

Qanman, mirayniykimanwan, maypichus tiyakushanki, chay tukuy Canaán jap'iyta qosqaykichej wiñaypaj chayaqeykichej kananpaj. Noqataj wiñaypaj Diosniyki kasaj, nispa.

Hebreos 5:9

Ajinamanta Cristo Diospa tukuy kamachisqanta junt'asqanrayku, Dios payta churarqa ajinamanta payta kasojkunaman wiñay kawsayta qonanpaj.

San Mateo 28:20

Chantá paykunaman yachachimuychej, imatachus noqa kamacherqaykichej, chayta, paykunapis kasunankupaj. Jinallataj yachaychej noqa qankunawan tuta p'unchay kanayta kay pacha tukukunankama, nispa.

Zacarías 6:15

Chantá runakuna karumanta jamonqanku Tata Diospa Templonta ruwayta yanapanankupaj. Jinamanta yachankichej Tukuy Atiyniyoj Tata Dios qankunaman kachamuwasqanta. Chay tukuy imataj kanqa, maypachachus qankuna Tata Diosniykichejpa nisqanta uyarinkichej, kasunkichejtaj, chaypacha.

Ezequiel 37:27

Noqapuni paykunawan khuska tiyakusaj. Noqa paykunaj Diosninku kasaj, paykunataj aylluy kanqanku.

Jeremías 32:28

Chayrayku noqa niyki: Noqaqa Babiloniaj kuraj kamachej Nabucodonosorman, caldeokunaman ima kay llajtata jap'inankupaj jaywaykusaj.

Isaías 48:10

Noqa llimphucharqaykichej mana qolqe metalta jinachu. Manachayqa ñak'ariy hornopi ch'uyancharqaykichej.

1 Samuel 15:22

Chantá Samuel kuticherqa: Imataj astawan Tata Diospa sonqonta kusichinri? Uywata ñak'aspa q'olachinachu, chayrí kamachisqanta kasunachu? Cheqamanta aswan allin payta kasuna, uywata ñak'aspa q'olachinamanta nisqaqa. Jinataj nisqanta uyarina aswan allin, corderoj wiranta jaywanamanta nisqaqa.

Éxodo 20:6

Kamachisqayta junt'ajkunata, munakuwajkunatarí, mirayninkumanta waranqa waranqata noqa khuyakuywan qhawasaj.

Isaías 30:6

Chantá Tata Dios niwarqa: Neguevpi k'ita animalkunamanta kayta sut'inchay: Llakiy ñak'ariy jallp'anejta, maypichus leonkunalla, chantá imaymana nina katarikuna ima tiyan, chaynejta aylloyqa valorniyoj imakunata burrokunapi apanku, qhapaj imankutataj camellokunapi, mana yanapayta atej Egipto suyuman.

Jeremías 11:7

Maypachachus ñawpa tataykichejkunata Egiptomanta orqhomorqani, chaymantapacha kunankama paykunaman mayta nerqani: Kasuwaychej, nispa.

Jeremías 38:20

Jeremiasrí kuticherqa: Mana judiokunaj makinman chayankichu. Tata Diospa nisqanta willasusqayta kasuy. Ajinamanta allinmin risonqa, manataj wañunkichu.

Daniel (hebreo) 3:26

Chantá horno punkuman qayllaykuspa, Nabucodonosor qhaparerqa: Sadrac, Mesac, Abednego, Patapi Kaj Diospa kamachinkuna, llojsimuychej, kaymantaj jamuychej, nispa. Chantá kinsantin runakuna nina lawrashaj chawpimanta llojsimorqanku.

Deuteronomio 5:6

Noqa Tata Diosniyki kani. Noqamin Egipto suyupi wata runa kashajtiyki, orqhomorqayki.

2 Reyes 18:6

Payqa Tata Diosta kasuspapuni purerqa, manataj paymanta karunchakorqachu. Jinataj Tata Dios Moisesnejta qosqan kamachisqakunata tukuyninta junt'arqa.