Jeremías 11:23 - DIOSPA QHELQACHISQ

²³ Paykunamanta ni ujllapis kawsashaj qhepakonqachu, imaraykuchus jasut'inay watapi patankuman ñak'ariykunata kachaykamusaj, nispa.

Qheshwa Biblia DC

²³ Paykunamantarí ni ujllapis qhepakonqachu, imaraykuchus chay p'unchay jamushan, chaypacha tukuy qankunawan pagachikunay kanqa, Anatotmanta kaj runas, qankunaj pataykichejman ñak'ariykunasta apamusaj.

DIOSPA QHELQACHISQAN DEUTEROCANONICAL

²³ Paykunamanta ni ujllapis kawsashaj qhepakonqachu, imaraykuchus jasut'inay watapi patankuman ñak'ariykunata kachaykamusaj, nispa.

Jeremías 11:23 Referans Kwoze

Jeremías 23:12

Chayrayku imaynatachus ruwasqankoqa laqhapi llusk'anallankupaj kanqa. Chayman tanqasqa kanqanku, chaypitaj urmanqanku. Maypachachus paykunamanta cuentata mañasaj chaypacha, paykunaj patankuman may ñak'ariyta kachaykamusaj. Noqa Tata Diosmin chayta nini.

San Lucas 19:44

Chaymantataj paykuna thuñisonqanku, jinallataj qanpi tiyakojkunatapis wañurachillanqankutaj. Qanpi mana saqenqankuchu rumi patapi rumita, imaraykuchus mana reparakorqankichu Diosniyki qanta qhespichej jamushasojtin, nispa.

Miqueas 7:4

Paykuna ukhumanta sumaj runaqa khishkamantapis astawan millayraj, cheqanta ruwaj runapis t'ankar jina. Chaywanpis jasut'isqa kananku p'unchay chayamushanña, Diosmanta sut'inchajkuna willasqankuman jina. Chaypacha paykuna imatachus ruwanankuta mana yachanqankuchu.

Oseas 9:7

Jasut'ina p'unchay chayamunña. Ña chayamunña ruwasqankuman jina pagana p'unchay. Israelpis yachanqa chay p'unchay chayamusqanta. Qankuna ninkichej: Diosmanta sut'inchajqa wampu, yuyaychaj runapis mana yuyayniyoj, nispa. Chayta ninkichej ruwasqaykichej chay jina millay kasqanrayku, jinataj chejnikuywan junt'a kasqaykichejrayku.

Jeremías 50:27

Tukuy wapu soldadonkunata wañuchiychej, ñak'ana cheqaman paykunata apaychej. Ay, paykunamanta, imaraykuchus wañunanku p'unchay chayamun, jasut'isqa kananku p'unchaytaj.

Jeremías 48:44

Pichus chay jatun manchariymanta ayqejqa t'oqoman urmaykonqa. Pichus t'oqomanta llojsimojtaj tojllapiñataj jarap'asqa kanqa, imaraykuchus noqaqa Moabpa patanman chay jasut'ina p'unchayta kachaykamusaj. Noqa Tata Diosmin chayta nini.

Jeremías 46:21

Mink'asqa soldadonkunapis waka uña jina wirayasqa kanku, paykunapis usqhay usqhayllata mana sayarispa ayqenqanku. Atipasqa kanankoqa chayamunña, chay p'unchaypitaj jasut'isqa kanqanku.

Jeremías 44:27

Noqataj paykunata waqaychanaytaqa, ñak'ariykunata paykunaman kachaykusaj, manataj allin kajtachu. Judamanta Egiptopi tukuy tiyakushajkuna maqanakupi wañonqanku, chayrí yarqhaywan tukuchisqa kanqanku.

Jeremías 11:19

Imaynatachus uj cordero mana imatapis yachanchu camalman payta apashajtinku, ajinallataj noqapis mana yacharqanichu contraypi imatachus ruwayta munashasqankuta. Paykunaqa nishasqanku: Kay poqoj sach'ata k'utunachej. Payta chinkarparichinachej kay pachapi kawsajkuna ukhumanta, amaña pipis paymanta ujtawan yuyarikunanpaj, nispa.

Jeremías 8:12

Paykunaqa millachikunapaj jina ruwasqankumanta p'enqakorqankuchu? Mana, manapuni p'enqakorqankuchu, nitaj p'enqakuy imachus kasqanta yachankuchu. Chayrayku maypachachus noqa paykunata jasut'isaj, chaypacharajmá misk'anqanku, chay ujkuna jinataj urmachisqa kanqanku. Ajinata noqa Tata Dios nini.

Jeremías 6:9

Tukuy Atiyniyoj Tata Dios nin: Chaypacha puchoj israelitakunata kutin kutinta mask'anqanku, imaynatachus uvata kutin kutinta chajmankichej, manaña ujpis qhepakunankama, ajinata, nispa.

Jeremías 5:29

Manachu chay jina ruwasqankumanta paykunata jasut'isajri? Manachu ajina runakunaman chay ruwasqankuman jina kutichisajri? Noqa Tata Diosmin chayta nini.

Jeremías 5:9

Manachu chay tukuymanta paykunata jasut'iymanri? Manachu chay jinata ruwaj suyuwan pagachikuymanri?

Abdías 1:18

Jacobpata, jinataj Josejpata ayllunkuna nina lawraj jina kanqanku. Esaujpa ayllunmanta kajkunatajrí ch'aki qhora jina chay ninawan ruphachisqa kanqanku. Ni pi Esaujpa ayllunmanta kawsashaj qhepakonqachu. Noqa Tata Diosmin chayta nini.