Jeremías 11:21 - DIOSPA QHELQACHISQ

²¹ Anatot llajtamanta runakuna wañuchiwayta munaspa, niwarqanku: Ama Tata Diospa sutinpi sut'inchaychu, manachayqa qanta wañuchisqayku, nispa.

Qheshwa Biblia DC

^21-22 Anatotmanta kaj runasman, pikunachus wañunayta munarqanku, kamachiwarqankutaj mana parlanayta Señorpa sutimpi ama wañuchisqa kanaypaj, Tukuy Atiyniyoj Señor nin: Qankunawan pagachikunay kanqa: Wayna kaj runas wañonqanku maqanakupi chaykunaj qhari wawasninku, warmi wawasninkutaj yarqhaywan wañonqanku.

DIOSPA QHELQACHISQAN DEUTEROCANONICAL

²¹ Anatot llajtamanta runakuna wañuchiwayta munaspa, niwarqanku: Ama Tata Diospa sutinpi sut'inchaychu, manachayqa qanta wañuchisqayku, nispa.

Jeremías 11:21 Referans Kwoze

Amós 2:12

Qankunatajrí, nazareokunata mana munashajta vinota ujyacherqankichej, sut'inchajkunatapis sutiypi ama parlanankupaj jark'arqankichej.

Jeremías 20:10

Contraypi runakuna chhichinakuspa parlashajta uyarini: Tukuynejpi manchachikuy tiyan. Jamuychej, payta ch'ataykusunchej, nispa. Tukuy kawsaqeykuna imallapipis pantanayta suyashanku. Chantá nillankutaj: Ichapis q'otiyayta atisunman, chaywantaj payta atipaykusunchej. Ajinamanta paymanta vengakusunchej, nispa.

Isaías 30:10

Paykunaqa mosqoypi jina sut'inchajkunata ninku: Amaña mosqoypi jina imatapis rikuychejchu, nispa. Jinallataj Diosmanta sut'inchajkunamanpis nillankutaj: Ama cheqan kajtaqa sut'inchawaykuchu, manachayqa misk'illata parlaykuwayku, llullallata willawayku, amataj sut'inchasqaykichejwan q'enaqachiwaykuchu.

San Lucas 4:24

Noqatajrí sut'ita niykichej: Diosmanta sut'inchajqa kikin llajtanpi manapuni allinpaj qhawasqachu, nispa.

San Mateo 22:6

Wakinkunataj kuraj kamachejpa kachankunata jap'ispa, wañuchinankukama maqaykusqanku.

San Mateo 21:35

Chay llank'ajkunarí, kamachikunata jap'iytawan, ujninta maqaykusqanku, ujnintataj wañuchisqanku, ujnintataj rumiwan ch'anqaykusqanku.

San Mateo 10:21

Chaypachaqa uj ayllupi runaqa wawqenta wañuchinankupaj jap'ichenqa, tatapis wawanta jap'ichillanqataj. Wawakunapis tatankoj, mamankoj contranta oqharikuspa, paykunata kamachejkunawan wañuchichenqanku.

Miqueas 7:6

imaraykuchus qhari wawakuna tatankuta p'enqaypi rikhurichinku, warmi wawakunapis mamankoj contrankuta oqharikunku. Ñojch'akunapis suegrankoj contranpi sayarinku. Sapa ujpata ayllunku ukhullamantataj awqan rikhurin.

Jeremías 26:8

Tata Diospa nisqanta parlayta tukojtinkamataj, sacerdotekuna, sut'inchajkuna, tukuy llajtapi kaj runakunapis Jeremiasta jap'iytawan, nerqanku: Kunan wañunki.

Jeremías 1:1

Kayqa Hilciaspa churin Jeremiaspa parlasqan. Payqa Benjamín jatun aylloj jap'iyninpi kaj Anatot llajtamanta karqa, sacerdote ayllumantataj.

Jeremías 32:7

Uyariway, tioyki Salunpa churin Janamel kay jinata parlapayasoj jamonqa: Anatotpi jallp'ayta rantikapuway, imaraykuchus qanmin aswan qaylla aylluy kanki, nispa.

Jeremías 34:20

Chayrayku paykunata wañuchiyta munaj awqankoj makinkuman jaywaykusaj. Ayankutataj suwintukuna, jinataj k'ita animalkuna ima mikhonqanku.

Jeremías 1:19

Paykunaqa qanwan maqanakonqanku, jinapis mana atipasonqankuchu, imaraykuchus noqa yanapasunaypaj qanwan kasaj, nispa. Noqa Tata Diosmin chayta nini.