Jeremías 11:19 - DIOSPA QHELQACHISQ

¹⁹ Imaynatachus uj cordero mana imatapis yachanchu camalman payta apashajtinku, ajinallataj noqapis mana yacharqanichu contraypi imatachus ruwayta munashasqankuta. Paykunaqa nishasqanku: Kay poqoj sach'ata k'utunachej. Payta chinkarparichinachej kay pachapi kawsajkuna ukhumanta, amaña pipis paymanta ujtawan yuyarikunanpaj, nispa.

Qheshwa Biblia DC

¹⁹ Noqa ch'inlla kakusharqani, imaynatachus uj corderota wañuchej apanku ajinata, mana yachaspa imatachus contraypi ruwayta munashasqankuta. Nisharqanku: Sach'ata k'utunachej, kunan kallpampi kashajtin; t'iranachej kay pachapi kausajkuna ukhumanta, manaña pipis paymanta ujtawan yuyarikunampaj.

DIOSPA QHELQACHISQAN DEUTEROCANONICAL

¹⁹ Imaynatachus uj cordero mana imatapis yachanchu camalman payta apashajtinku, ajinallataj noqapis mana yacharqanichu contraypi imatachus ruwayta munashasqankuta. Paykunaqa nishasqanku: Kay poqoj sach'ata k'utunachej. Payta chinkarparichinachej kay pachapi kawsajkuna ukhumanta, amaña pipis paymanta ujtawan yuyarikunanpaj, nispa.

Jeremías 11:19 Referans Kwoze

Jeremías 20:10

Contraypi runakuna chhichinakuspa parlashajta uyarini: Tukuynejpi manchachikuy tiyan. Jamuychej, payta ch'ataykusunchej, nispa. Tukuy kawsaqeykuna imallapipis pantanayta suyashanku. Chantá nillankutaj: Ichapis q'otiyayta atisunman, chaywantaj payta atipaykusunchej. Ajinamanta paymanta vengakusunchej, nispa.

Jeremías 18:18

Chantá runakuna nerqanku: Jeremiaspa contranpi wakichikuna. Mana jayk'ajpis sacerdotekuna yachachinawanchejpaj pisiwasunchu, nitaj yachayniyojkunapis umachanawanchejpaj, nillataj Diosmanta sut'inchajkunapis Diospa nisqanta willanawanchejpaj. Jeremiaspa contranta rimakunachej, amataj ni ima niwasqanchejta kasunachejchu, nispa.

Salmos 83:4

4 (5) Jamuspa, tukuchiyta munawayku, amaña suyu jina kanaykupaj, Israel sutinta wiñaypaj chinkachinankupaj ima.

Salmos 31:13

13 (14) Runakuna chhichinakusqankuta uyarini: Tukuynejpi manchachikuna tiyan, nispa. Paykuna uj runa jinalla contraypi oqharikunku, wañuchinawankupajtaj wakichikunku.

Job 28:13

Runaqa yachay mashkhachus valesqanta mana yachanchu, nitaj kay pachapipis tarinchu.

Salmos 27:13

Chaywanpis noqa kayta sut'ita yachani: Kay pachapi kawsanaykamaqa Tata Diospa k'acha kayninta rikusajpuni.

Números 1:14

Gad jatun ayllumantarí Deuelpa churin Eliasaf karqa.

Isaías 38:11

Nillarqanitaj: Tata Diosta manaña rikusajchu kawsashajkunaj jallp'ankupi. Manaña wawqeykunatapis rikusajchu, nitaj kay pachapi kawsajkunawan khuska kasajñachu.

Isaías 32:7

Ch'awka runaqa millayta ruwayman amañasqa. Llullakuspa, ima sajratapis wakichin, jinallatataj llullakuspa, wajcha runakunatapis juchachan, wajcha runa justiciata mañakojtinpis.

Proverbios 10:7

Allinta ruwaj runa wañupojtin, runakuna paymanta kusiywan yuyarikunku. Millayta ruwaj runa wañojtinrí, runakuna paymanta usqhayllata qonqapunku.

Proverbios 7:22

Waynataj chaypachapacha warmej qhepanta rerqa, imaynatachus uj toro ñak'anaman yaykun, ajinata, chayrí imaynatachus uj taruka tojllawan jap'ichikun, ajinata.

Salmos 116:9

Chayrayku noqaqa Tata Diosta kasuspa purisaj kay pachapi kawsanaykama.

Salmos 109:13

Mirayninpis tukukapuchun, sutintaj wiñaypaj chinkachisqa kachun.

Daniel (hebreo) 9:26

Chay sojta chunka iskayniyoj semana qhepata Diospaj Ajllasqan Kuraj Kamachejta wañuchenqanku. Chantá waj kuraj kamachej jamuspa, Jerusalén llajtata, jinallataj Templotapis soldadonkunawan thuñiykuchenqa. Tukuy imaj tukukuynenqa jatun mayu jina ujllata chayamonqa. Chay tukukuykamarí Dios kamachisqanman jina maqanakuy, llakiykuna ima kallanqapuni.

Salmos 142:5

5 (6) Tata Dios, qanman qhaparikamuyki, niykitaj: Qanllamin pakakunay kanki, kay pachapi tukuy kapuyneyqa qanlla kanki.

Salmos 112:6

Chayrayku imata ruwasqanpipis allinpuni renqa. Cheqan ruwaspa purej runaqa wiñaypaj yuyarisqapuni kanqa.

Salmos 52:5

5 (7) Chayrayku Dios wiñaypaj chinkarparichisonqa. Jap'isuspa, wasiykimanta wijch'usonqa, kay pachamantataj t'irasonqa.

Salmos 35:15

Noqa urmajtiyrí, noqamanta tukuy asikorqanku, mana rejsisqay, waj runapis kankuman jina. Chantá mana samarispa, maqawarqanku.

Jeremías 26:8

Tata Diospa nisqanta parlayta tukojtinkamataj, sacerdotekuna, sut'inchajkuna, tukuy llajtapi kaj runakunapis Jeremiasta jap'iytawan, nerqanku: Kunan wañunki.

Lamentaciones 3:60

Qan rikushanki imatachus ruwanawankupaj wakichikusqankuta, noqaj contraypi tukuy yuyasqankutapis yachallankitaj.

Ezequiel 32:24

Elam suyupis chaypi p'ampasqa kashan. Jinallataj tukuy soldadonkuna muyuyninpi kashanku, pikunachus espadawan wañurachisqa karqanku, chaykuna. Pikunachus kawsashasparaj tukuy runaj manchanan karqanku, chaykuna Diosta mana kasojkuna jina aswan ukhu kajman yaykorqanku. Kunantaj jallp'aj sonqonman yaykojkunawan khuska p'enqachisqa kanku.

Proverbios 24:15

Ama cheqanta ruwajpa contranpi ima mana allintapis ruwayta yuyaychu, nitaj wasinmanta imatapis suwaychu.

Jeremías 1:19

Paykunaqa qanwan maqanakonqanku, jinapis mana atipasonqankuchu, imaraykuchus noqa yanapasunaypaj qanwan kasaj, nispa. Noqa Tata Diosmin chayta nini.

Oseas 9:8

Diosqa paymanta sut'inchajta Efrainta qhawananpaj churasqa, qankunatajrí purinanman tojllata churarqankichej. Diospa Templonpipis payta chejninkichej.