Jeremías 11:11 - DIOSPA QHELQACHISQ

¹¹ Chayrayku noqa Tata Dios nini: Uj jatun ñak'ariyta paykunaman kachaykamusaj, chaymantataj mana ayqeyta atenqankuchu. May jinata yanapanayta qhaparikamuwajtinkupis, manapuni uyarisajchu.

Qheshwa Biblia DC

¹¹ Chayrayku, uj ñak'ariyta apachimusaj, chaymantaqa mana ayqeyta atenqankuchu. May jinata yanapata qhaparikamuwajtinkupis manapuni uyarisajchu. Noqa Señor chayta nini.

DIOSPA QHELQACHISQAN DEUTEROCANONICAL

¹¹ Chayrayku noqa Tata Dios nini: Uj jatun ñak'ariyta paykunaman kachaykamusaj, chaymantataj mana ayqeyta atenqankuchu. May jinata yanapanayta qhaparikamuwajtinkupis, manapuni uyarisajchu.

Jeremías 11:11 Referans Kwoze

Ezequiel 8:18

Chayrayku sinch'i phiñakuyniywan paykunata jasut'isaj. Paykunamantaqa mana uj chhikallantapis khuyakusajchu, nillataj paykunata saminchasajchu. Jatunmanta qhaparispapis wajyakuwachunku, noqaqa paykunata manapuni uyarisajchu, nispa nerqa Tata Dios.

Isaías 1:15

Qankuna mañakunawaykichejpaj makiykichejta oqharejtiykichej, mana qhawarisqaykichejchu. Ashkha kutita mañakuwankichej chaypis, noqa manapuni uyarisqaykichejchu, imaraykuchus makiykichejqa yawarlla.

Proverbios 1:28

Chay p'unchaypi, qankuna wajyakuwankichej, manataj uyarisqaykichejchu. Mask'awankichej, manataj tariwankichejchu,

Zacarías 7:13

Paykunata wajyashajtiy, mana uyariwayta munarqankuchu. Ajinallatataj qhaparikamuwajtinku, noqapis mana paykunata uyarisajchu.

Miqueas 3:4

Chaywanpis uj p'unchay qankuna Tata Diosta qhaparikunkichej, paytajrí mana uyarisonqachejchu. Chaypacha qankunamanta pay pakakonqa, millayta ruwasqaykichejrayku.

Jeremías 14:12

Ayunaspa mañakuwajtinkupis, mana uyarisajchu. Uywa ñak'asqa q'olachinata apamuwajtinkupis, jinataj poqoykunamanta jaywanata ima, manapuni tukuy sonqochu jap'ikusaj. Manachayqa paykunata maqanakupi tukuchisaj, yarqhaywan, onqoywan ima, nispa.

2 Reyes 22:16

Ajinata Tata Dios nin: Judá suyuta kuraj kamachej chay qhelqapi ñak'ariykunamanta imatachus ñawirisqaykita kay llajtaman, jinataj kaypi tiyakojkunaman apachimusaj.

Jeremías 11:17

Tukuy Atiyniyoj Tata Diosmin, pichus kay jallp'aman churasorqachej, pay Israelpa contranpi ñak'ariykuna jamunanta kamacherqa. Israel suyupi, jinallataj Judá suyupi tiyakojkuna millay ruwasqaykichejrayku pay jasut'iykunata kachaykamonqa, imaraykuchus qankuna Baalman inciensota q'oshñichispa, Tata Diosta phiñacherqankichej.

Jeremías 6:19

Kay pachapi tukuy runakuna, sumajta uyariychej: Kay aylluyman uj ñak'ariyta apachimusaj millay kajta umachakusqankurayku, imaraykuchus nisqayta mana kasuta ruwarqankuchu, jinataj kamachisqayta qhesacharqanku.

Isaías 24:17

Kay pachapi tiyakojkuna, qankunapaj manchachikuy wakichisqa kashan, t'oqoman urmaykuna, tojllapi jarap'asqa kay ima.

Salmos 18:41

41 (42) Yanapanankuta mañakorqanku, nitaj pipis paykunata yanaparqachu. Tata Diosta wajyakorqanku, paytajrí mana uyarerqachu.

Hebreos 1:3

Diospa Churenqa Diospa jatun kayninpa lliphipiyninta rikuchin, paypa kaynintaj Tata Diospa kayninta rejsichiwanchej. Payllataj atiyniyoj simi nisqanwan tukuy kaj chhikata maychus kananpi purichin. Chantá juchanchejta pampachaspa llimphuchawarqanchej, jinaspataj, janaj pachapi jatun atiyniyoj Kamachejpa pañanman tiyaykukorqa.

1 Tesalonicenses 5:3

Maypachachus runakuna nishanqanku: Tukuy imapis allillan, ni imamanta llakikuna kanchu, nispa chaypacha, ujllata paykuna tukuchisqa kanqanku, imaynatachus onqoj warmita wawanta paqarichikunanpaj nanaynin oqharin, ajinata. Chaypachataj paykuna mana ayqeyta atenqankuchu.

Amós 5:19

Chay p'unchay kanqa, imaynachus runa leonmanta ayqekushaspa, jukumariwanñataj tinkuykun, ajina. Chayrí runa wasinman ayqespa perqaman atiykurikojtin, katariñataj khanirparin, ajina.

Ezequiel 7:5

Noqa Tukuyta Kamachej Tata Dios kay jinata nillanitaj: Ñak'ariy kawsayqa qhepan qhepanpi jamushan.

Jeremías 36:31

Noqataj payta, jinataj mirayninta, tukuy kamachinkunatapis ima millay ruwasqankumanta jasut'isaj. Paykunaj patankuman, Jerusalenpi tiyakojkunaman, Judapi tiyakojkunamanpis tukuy imaymana ñak'ariykunata kachaykusaj. Ñawpajmantapacha paykunaman imakunatachus kachaykamunayta nerqani, chaykunata, imaraykuchus paykuna tukuy nisqayta mana kasuwarqankuchu, nispa.

Jeremías 35:17

Chayrayku noqa Israelpa Tukuy Atiyniyoj Tata Diosnin nini: Noqa Judapi tiyakojkunaj patanman, jinataj Jerusalén llajtapi tiyakojkunaj patankumanpis tukuy ima ñak'ariykunata kachaykamusaj. Noqa parlapayarqaykichej, qankunatajrí mana kasuwarqankichejchu. Jinallataj wajyarqaykichej, manataj uyariwarqankichejchu, nispa.

Jeremías 23:12

Chayrayku imaynatachus ruwasqankoqa laqhapi llusk'anallankupaj kanqa. Chayman tanqasqa kanqanku, chaypitaj urmanqanku. Maypachachus paykunamanta cuentata mañasaj chaypacha, paykunaj patankuman may ñak'ariyta kachaykamusaj. Noqa Tata Diosmin chayta nini.

Jeremías 19:15

Israelpa Diosnin Tukuy Atiyniyoj Tata Dios nin: Kay llajtaman, jinataj muyuyninpi kaj llajtakunamanwan, ima jasut'ichus jamunanta nerqani, chayta kachaykamusajpuni, imaraykuchus sonqoykichejta rumiyacherqankichej, nisqayta ama uyarinawaykichejpaj, nispa.

Jeremías 19:3

Niy: Judamanta kuraj kamachejkuna, Jerusalenpi tiyakojkunapis, Tata Diospa nisqanta uyariychej: Israelpa Diosnin Tukuy Atiyniyoj Tata Dios ajinata nin: May jatun ñak'ariyta kay cheqaman kachaykamusaj, pikunachus chayta uyarejkunataj mana ima niyta atishaj qhepakonqanku.

Jeremías 15:2

Sichus tapusunkuman: Maymantaj risqaykuri? nispa chayqa, paykunaman niy: Ajinata Tata Dios nin: Millay onqoywan wañunanku kajkunaqa chay onqoywan wañuchunku. Maqanakupi wañunanku kajkunataj maqanakupi wañuchisqa kachunku. Chantá yarqhaywan wañunanku kajkuna yarqhaywan wañuchunku. Jinallataj llajtankumanta waj suyuman apasqa kananku kashan, chaykunaqa apasqapuni kachunku, nispa.

Jeremías 11:14

Ajinaqa Jeremías, ama kay runakunarayku imatapis mañawaychu, ama majakuwaychu nitaj qhaparimuwaychu, imaraykuchus ñak'ariypi rikukuspa qhaparikamuwajtinkupis, mana uyarisajchu.

Proverbios 29:1

Pichus k'amejtinku k'ullukuspa mana uyarikuyta munanchu, chay runaqa ujllata chinkachisqa kanqa, mana ujtawan sayarinanpaj jina.

Salmos 66:18

Sichus sonqoypi mana allin kajta yuyayman karqa chayqa, Tukuyta Kamachej Dios manapuni uyariwanmanchu karqa.

2 Crónicas 34:24

Noqa Tata Dios nini: Kaypi tiyakojkunaman uj jatun llakiyta apachimusaj, imaynatachus Judá suyuta kuraj kamachejpa ñawpaqenpi ñawirinkichejña, chay qhelqapi nisqanman jina.

Job 35:13

Diosqa qhasi manakaj mañakusqankuta mana uyarinchu, Tukuy Atiyniyoj Diostaj mana kasuta ruwanchu.

Jeremías 14:2

Judaqa llakiywan waqan, tukuy llajtankunataj llakiypi kashanku. Runankunapis pampapi tiyasqa waqashanku. Jerusalenmantataj sinch'i nanaywan qhaparisqanku uyarikun.

Jeremías 18:11

Niy ari Judamanta runakunaman, jinataj Jerusalenpi tiyakojkunaman ima, noqa Tata Diosmin imatachus nini, chayta: Noqa qankunata jasut'inaypaj jatun ñak'ariyta wakichishani. Chayrayku millay puriyniykichejmanta kutirikuychej, kawsayniykichejta, ruwasqaykichejtapis allinchaychej, nispa.

Jeremías 25:35

Michejkunapaj mana pakakunanku kanqachu, aylluyta pusajkunapis mana ayqeyta atenqankuchu.

Lamentaciones 2:22

Tukuynejmanta manchachikuyta tantaykamunki jatun raymiman wajyarikusqapis kankuman jina. Tata Dios, qanpa k'araj phiñakuyniyki p'unchaypi mana ujllapis llusp'erqachu, nitaj kawsashajpis qhepakorqachu. Pikunatachus uywasqaytaqa awqay wañuracherqa.

Ezequiel 14:3

Runaj churin, kay runakuna lantita yupaychanaman qokunku. Imakunachus juchallichin, chayllapi yuyashanku. Chaychu tapukunawankuta saqeymanri?