Jeremías 10:3 - DIOSPA QHELQACHISQ

³ Chay runakunaj diosninkoqa qhasi manakajlla kanku. Montemanta uj sach'ata k'utuytawan, llajllayta yachaj runa t'illminawan lantita ruwan.

Qheshwa Biblia DC

³ Chay aylluspa ususninkoqa mana imapaj walejchu. Montepi uj k'aspita k'utuytawan cincelninwan llajllanku.

DIOSPA QHELQACHISQAN DEUTEROCANONICAL

³ Chay runakunaj diosninkoqa qhasi manakajlla kanku. Montemanta uj sach'ata k'utuytawan, llajllayta yachaj runa t'illminawan lantita ruwan.

Jeremías 10:3 Referans Kwoze

Levítico 18:30

Chayrayku kamachisqaykunata kasuychej. Ama qankunaqa millay ch'ichita ruwaychejchu, imaynatachus qankunamanta ñawpajta tiyakojkuna ruwarqanku, jinataqa. Ama chaykunata ruwaspa ch'ichichakuychejchu. Noqa Tata Diosmin, Diosniykichej kani, nispa.

1 Pedro 1:18

Yachankichej jina, Diosqa chay qhasi manakaj kawsaymanta ashkha preciota pagaspa kacharichisorqachej, mayqen kawsaytachus tataykichejkunamanta yachakorqankichej, chaymanta. Chay pagasqan precio mana qorichu, nitaj qolqechu karqa, imaraykuchus chaykunaqa tukukapojllamin.

Romanos 1:21

Ajinata Diosta rejsishaspapis, paykuna mana Diosta jinachu payta jatuncharqanku, nitaj pachis nerqankuchu. Astawanqa Diosmanta qhasi manakaj yuyanata wakicherqanku. Ajinata yuyasqankuraykutaj yuyayninku laqhayachisqa karqa, chantá uma muyusqa jina karqanku.

Jeremías 10:8

Lantikunata yupaychajkunarí wampu kanku, manataj uj chhikan yuyayninkupis kanchu. K'ullumanta ruwasqa lanteqa mana imatapis yachachiyta atinchu.

San Mateo 6:7

Dioswan parlarikuspaqa, ama kutipakuspa ashkhata parlaychejchu, Diosta mana rejsejkuna jinaqa. Paykunaqa ashkhata parlasqankurayku Dioswan uyarichikunankuta yuyanku.

Isaías 45:20

Tantakuspa, kayman jamuychej. Tukuy suyupi wañuymanta llusp'ejkuna qayllamuwaychej. K'ullumanta ruwasqa lantikunata oqharispa apajkunaqa imatachus ruwashasqankuta mana yachankuchu. Mana qhespichiyta atej diosmanta qhasillata yanapananta mañakunku.

Jeremías 2:5

Ajinata Tata Dios nisunkichej: Ñawpa tataykichejkuna ima mana allin kajtataj noqapi tarerqanku, noqamanta karunchakunankupajri? Qhasi manakaj dioskunata yupaychaspa, paykunapis qhasi manakajllamantaj tukorqanku.

Hechos 19:26

Chaywanpis qankuna rikushankichej, uyarishankichejtaj, imaynatachus Pablo tukuyman yuyayta qosqanta: Runaj makinwan ruwasqaqa mana dioskunachu kanku, nispa. Paytaj ashkha runaj sonqonta tijrachishan, mana Éfeso llajtallapichu, manachayqa tukuy Asiantinpi.

Salmos 115:4

Diosta mana qhatejkunaj lantinkurí qolqe metalmanta, qorimantawan ima ruwasqa kanku, chaykunataj runaj ruwasqallan kanku.

Jeremías 1:16

Chay jasut'i judiokunapaj kananta kamachisaj, noqata wasanchaspa saqerpariwasqankumanta. Paykunaqa inciensota q'oshñichispa, makinkuwan ruwakusqanku mana rejsisqa dioskunata yupaycharqanku.

Jeremías 14:22

Lantikunamanta mayqenpis parachimunmanchu? Janajmanta paraqa payllamantachu paramun? Mana, Diosniyku Tata Dios, qanllamin parachimojqa kanki. Qanllamin kay tukuy imata ruwanki. Chayrayku qanllapi atinikuspa suyakuyku, nispa.

Jeremías 16:19

Chantá noqa Jeremías nerqani: Tata Dios, qanmin kallpay, waqaychawajniytaj kanki. Ñak'ariypi qanllamin pakakunay kanki. Qanman kay pachaj k'uchunmantapacha jamuspa, nisonqanku: Ñawpa tatanchejkunaj diosninkoqa qhasi manakaj ni imapaj walej dioskunalla kasqanku.