Jeremías 10:15 - DIOSPA QHELQACHISQ

¹⁵ Chaykunaqa qhasi manakaj asikunapaj jina kanku. Juicio p'unchaypitaj chinkachisqa kanqanku.

Qheshwa Biblia DC

¹⁵ Chaykunaqa qhasi manakaj, asikunapaj jinataj, juicio p'unchaypi chinkachisqas kanqanku.

DIOSPA QHELQACHISQAN DEUTEROCANONICAL

¹⁵ Chaykunaqa qhasi manakaj asikunapaj jina kanku. Juicio p'unchaypitaj chinkachisqa kanqanku.

Jeremías 10:15 Referans Kwoze

Jeremías 14:22

Lantikunamanta mayqenpis parachimunmanchu? Janajmanta paraqa payllamantachu paramun? Mana, Diosniyku Tata Dios, qanllamin parachimojqa kanki. Qanllamin kay tukuy imata ruwanki. Chayrayku qanllapi atinikuspa suyakuyku, nispa.

Isaías 41:24

Chaywanpis qankuna lantikuna, mana imachu kankichej, manallataj imatapis ruwayta atinkichejchu. Chayrayku qankunata yupaychajkuna qhesachasqa, pisipaj qhawasqataj kanku, nispa.

Jeremías 51:18

Chaykunaqa mana imapaj walejchu kanku, asikunapaj jina. Tata Dios juicio p'unchaypi chaykunata chinkarparichenqa.

Zacarías 13:2

Chay p'unchaypi tukuy kay suyumanta lantikunata chinkachisaj, jinamanta manaña pipis sutinkumanta yuyarikunanpaj. Jinallatataj llulla sut'inchajkunatapis chinkachisaj, jinallataj millayta ruway munanata ima. Noqa Tukuy Atiyniyoj Tata Diosmin chayta nini.

Jonás 2:8

8 (9) Lantikunata yupaychajkuna qanta wasanchasunku.

Jeremías 8:19

Aylluypa waqasqanqa karu llajtamanta uyarikun: Tata Diosqa manañachu Sionpa kuraj kamachejnin? Manañachu kuraj kamachejnin chaypi kashanri? nispa. Tata Diostajrí kutichin: Imaraykutaj qhasi manakaj lantikunata yupaychaspa phiñachiwarqankichejri? nispa.

Jeremías 8:12

Paykunaqa millachikunapaj jina ruwasqankumanta p'enqakorqankuchu? Mana, manapuni p'enqakorqankuchu, nitaj p'enqakuy imachus kasqanta yachankuchu. Chayrayku maypachachus noqa paykunata jasut'isaj, chaypacharajmá misk'anqanku, chay ujkuna jinataj urmachisqa kanqanku. Ajinata noqa Tata Dios nini.

Hechos 14:15

Runa masikuna, imaraykutaj kayta ruwashankichejri? Noqayku runalla kayku, qankuna jina. Aswanpis qankunaman willaj jamuyku, kay qhasi manakaj imakunata saqespa, kawsashaj Diosman kutirikunaykichejpaj. Paymin janajta, kay pachata, mama qochata ima ruwarqa, chaykunapi tukuy ima kajkunatapis.

Jeremías 10:11

Israelitakuna, lantikunata yupaychajkunaman niychej: Janajta, kay pachatapis chay lantikuna mana ruwarqankuchu. Chayrayku kay pachamanta chinkachisqa kanqanku, nitaj ujllapis kay pachapi qhepakonqachu, nispa.

Jeremías 10:8

Lantikunata yupaychajkunarí wampu kanku, manataj uj chhikan yuyayninkupis kanchu. K'ullumanta ruwasqa lanteqa mana imatapis yachachiyta atinchu.

Isaías 41:29

Tukuyninku qhasi manakaj kanku, manataj imatapis ruwayta atinkuchu. Jich'aspa ruwasqaykichej lantikunaqa qhasi manakaj kanku.

1 Samuel 12:21

Ama qhasi manakaj dioskunata yupaychaychejchu. Chaykunaqa mana pitapis yanapayta atinkuchu, nitaj qhespichiytapis qhasi manakajlla kasqankurayku.

Deuteronomio 32:21

Manakaj dioskunata yupaychaspa, celosachiwanku. Lantinkuwan sonqoyta t'impurichiwanku. Noqapis paykunata manakaj aylluwan sonqonkuta nanachisaj, mana yuyayniyoj runakunawantaj paykunata phiñachisaj.

Jeremías 18:15

Chaywanpis aylluy qonqarparipuwanku, jinataj qhasi manakaj dioskunaman inciensota q'oshñichinku. Paykunaqa qallariymantapacha yachachisqayta mana kasunkuchu. Chayrayku paykunaqa k'ullku ñankunata purinku, manataj jatun ñantachu.

Oseas 9:7

Jasut'ina p'unchay chayamunña. Ña chayamunña ruwasqankuman jina pagana p'unchay. Israelpis yachanqa chay p'unchay chayamusqanta. Qankuna ninkichej: Diosmanta sut'inchajqa wampu, yuyaychaj runapis mana yuyayniyoj, nispa. Chayta ninkichej ruwasqaykichej chay jina millay kasqanrayku, jinataj chejnikuywan junt'a kasqaykichejrayku.

1 Samuel 5:4

Jinataj q'ayantin paqarin Asdod llajtayojkuna jamuspa, Dagonta kikillantataj rikorqanku, Tata Diospa arcanpa ñawpaqenpi pampapi k'umpusqata. Punku yaykuypi uman, chantá iskaynin makinpis p'akisqata rikorqanku, ukhullanña qhepakusqa.

Salmos 115:9

Israelitakuna, Tata Diospi atinikuychej, imajtinchus pay yanapawanchej, jark'akuwanchejtaj.

Isaías 57:12

Kunan noqa sut'iman orqhosaj ruwasqaykita, imatachus cheqan kasqanta yuyanki, chayta. Chaywanpis chayqa mana yanapasonqachu.

Jeremías 43:12

Chantá Egiptoj diosninkukunaj yupaychana wasinkukunaman Nabucodonosor ninata jap'iykuchenqa, diosninkukunatataj jap'ispa apakaponqa. Egiptopi ajinata ruwaytawantaj, imaynatachus uj michej qhatakunanmanta usata thalariytawan ripunpacha, ajinallatataj paypis ni pej ni ima nisqan riponqa.

Jeremías 50:2

Tukuy suyupi tiyakojkunapis yachanankupaj kayta willamuychej. Wiphalata señalta jina sayarichiychej, ama uj chhikanta pakarispataj, kay jinata niychej: Babiloniata atipaspa jap'enqanku. Bel diosninkoqa p'enqaypi rikhurichisqa kanqa. Merodac diosninkupis manchariywan junt'a kanqa. Lantinkukunataj phirisqa kanqanku.