Jeremías 10:14 - DIOSPA QHELQACHISQ

¹⁴ Tukuy runarí mana yuyayniyoj, wamputaj kanku. Lantikunata ruwajkunaqa p'enqakuymanta uyankuta mana mayman churayta atenqankuchu. Lantikuna qhasi manakaj q'otiriyolla kasqankurayku, mana kawsayniyojchu kanku.

Qheshwa Biblia DC

¹⁴ Tukuy runas mana yuyayniyojkuna, wampustaj kanku, pichus lantikunata ruwajqa p'enqaypi rikhurin, chaykunaqa yanqha lantislla, manataj kausayniyojchu kanku.

DIOSPA QHELQACHISQAN DEUTEROCANONICAL

¹⁴ Tukuy runarí mana yuyayniyoj, wamputaj kanku. Lantikunata ruwajkunaqa p'enqakuymanta uyankuta mana mayman churayta atenqankuchu. Lantikuna qhasi manakaj q'otiriyolla kasqankurayku, mana kawsayniyojchu kanku.

Jeremías 10:14 Referans Kwoze

Jeremías 10:8

Lantikunata yupaychajkunarí wampu kanku, manataj uj chhikan yuyayninkupis kanchu. K'ullumanta ruwasqa lanteqa mana imatapis yachachiyta atinchu.

Isaías 42:17

Lantikunapi atinikojkunarí, pikunachus metalmanta ruwasqa lantikunata ninku: Diosniyku kankichej, nispa, chaykunaqa p'enqaypi rikhurenqanku.

Isaías 45:16

Lantita tukuy ruwajkunaqa k'umuykachachisqa, p'enqachisqataj kanqanku.

Salmos 97:7

Lantikunata yupaychajkuna p'enqaypi rikhurichunku, pikunachus lantinkurayku runaykachanku, chaykuna. Tukuy dioskunapis Tata Diospa ñawpaqenman k'umuykullachunkutaj.

Isaías 44:11

Lantikunata tukuy yupaychajkuna p'enqaypi rikhurenqanku, imaraykuchus lantita ruwajqa runallamin. Tukuyninku juicioman apasqa kanqanku, chaypitaj k'umuykuchisqa kaspa, manchachikuywan kharkatitenqanku.

Salmos 14:2

Janaj pachamantapacha Tata Diosqa runakunata qhawamun, Diosta mask'aj yuyayniyoj runata ujllatapis tariyta munaspa.

Salmos 92:6

6 (7) Wampu runaqa chayta mana yachanchu, mana yuyayniyoj runataj mana chayta reparanchu.

Salmos 94:8

Unanchaychej, mana yuyayniyoj wampu runakuna. Mayk'ajtaj yuyayniykichejman kutirikunkichejri?

Proverbios 30:2

Noqaqa tukuy runamanta astawan wampu kani, manataj runa jina yuyaychakuyta atinichu.

Romanos 1:25

Jinallataj Diospa cheqa nisqanta qhesachaspa, astawanpis llulleriyota jap'ikorqanku. Chayrayku Diospa ruwasqanta yupaycharqanku, jatuncharqankutaj. Kay pachata Ruwajtatajrí mana yupaycharqankuchu, pichus wiñaypa wiñaynintinpaj yupaychasqa kananpaj jina, chayta. Arí, pay yupaychasqapuni kachun.

Jeremías 10:5

Chay lantikuna p'isqo manchachinaman rijch'akunku, imaynatachus pepino chajrapi manchachita churanku, ajina. Jinallataj chay lantikuna mana purinkuchu, q'epiykachanaraj kanku. Ama paykunamanta manchachikuychejchu. Chay lantikunaqa ni pita yanapankuchu, nitaj mana allin kajtapis ruwayta atinkuchu, nispa.

1 Samuel 5:4

Jinataj q'ayantin paqarin Asdod llajtayojkuna jamuspa, Dagonta kikillantataj rikorqanku, Tata Diospa arcanpa ñawpaqenpi pampapi k'umpusqata. Punku yaykuypi uman, chantá iskaynin makinpis p'akisqata rikorqanku, ukhullanña qhepakusqa.

Isaías 57:12

Kunan noqa sut'iman orqhosaj ruwasqaykita, imatachus cheqan kasqanta yuyanki, chayta. Chaywanpis chayqa mana yanapasonqachu.