Jeremías 1:10 - DIOSPA QHELQACHISQ

¹⁰ Noqa simiykiman nisqaykunata churani. Kunanqa jatun suyukunapi, juch'uy suyukunapi ima atiyta qoyki sik'inaykipaj, thuñinaykipaj, phirinaykipaj, t'unanaykipaj, chantá watej jatarichinaykipaj, mallkinaykipaj ima, nispa.

Qheshwa Biblia DC

¹⁰ Noqa simiykiman palabrasniyta churani. Noqa kunan p'unchay atiyta qoyki aylluspi nacionespitaj, sik'inaykipaj, thuñinaykipaj, phirinaykipaj, t'unanaykipajtaj, chantá atillankitaj watejmanta jatarichiyta, sayachiytapis.

DIOSPA QHELQACHISQAN DEUTEROCANONICAL

¹⁰ Noqa simiykiman nisqaykunata churani. Kunanqa jatun suyukunapi, juch'uy suyukunapi ima atiyta qoyki sik'inaykipaj, thuñinaykipaj, phirinaykipaj, t'unanaykipaj, chantá watej jatarichinaykipaj, mallkinaykipaj ima, nispa.

Jeremías 1:10 Referans Kwoze

Jeremías 31:28

Noqa kikiy paykunata t'irarqani, urmacherqani, atiparqanitaj, phirerqanitaj, chantá ima llakiytapis paykunaman kachaykamorqani. Ajinallatataj allinta ruwasaj paykunata sayarichinaypaj, mallkinaypaj ima. Noqa Tata Diosmin chayta nini.

Ezequiel 36:36

Jinapi muyuyniykichejpi qhepakoj runakunaqa yachanqanku noqa Tata Diosmin thuñisqa kaj llajtakunata watej sayarichisqayta. Yachallanqankutaj ch'in pampaman tukuchisqa karqa, chay jallp'api noqamin tukuy imata poqochisqayta. Noqa Tata Diosmin chayta nini, ruwasajtaj.

Jeremías 24:6

Paykunata waqaychasaj, kay suyumantaj kutichimusaj. Kaypitaj paykunata allinta sayachisaj, manañataj urmachisajchu. Paykunata mallkisaj, manataj jayk'ajpis t'irasajchu.

Amós 9:11

Uj p'unchay jamushan, chay p'unchaypitaj Davidpa ayllunta urmasqa kasqanmanta oqharisaj, watejmantataj sayarichisaj, imaynachus ñawpajta karqa, kikinta.

Amós 3:7

Tata Dios manamin imatapis ruwanchu, manaraj ñawpajta paymanta sut'inchajkunaman willaspaqa.

Zacarías 1:6

Chaywanpis, imatachus sut'inchajkunanejta ñawpa tataykichejpa contrankupi nerqani, kamacherqanitaj, chay tukuy junt'akorqa. Chayrayku paykuna kutirikamuwarqanku, nerqankutaj: Tukuy Atiyniyoj Tata Dios noqanchejwan ruwarqa purisqanchejman jina, ruwasqanchejman jinataj, nispa.

Ezequiel 32:18

Runaj churin, Egiptopi tiyakoj may ashkha runakunapaj kay llakiy yarawita takipuy: Ukhu pachaman Egiptota tanqaykuy, atiyniyoj suyukunapi kaj warmikunatawan khuska, maymanchus wañojkuna rinku, chayman.

Ezequiel 43:3

Chantá mosqoypi jina rikusqayqa, ñawpajta rikorqani, ajinallataj karqa, maypachachus Tata Dios Jerusalenta phiriykoj jamusharqa, chantá Quebar mayu kantupi mosqoypi jina rikorqani, chaypacha. Chayta rikuspataj, pampakama k'umuykorqani.

1 Reyes 19:17

Pichus Jazaelpa wañuchinanmanta ayqekojtaqa Jehú wañuchenqa, Jehúj wañuchinanmanta ayqekojtataj Eliseo wañuchenqa.

1 Reyes 17:1

Diosmanta sut'inchaj Eliasqa Galaad jap'iypi Tisbé llajtayoj karqa. Uj kuti payqa kuraj kamachej Ajabta nimorqa: Israelpa Tata Diosninpa sutinpi, pejpa kamachinpichus noqa kashani, chaypa sutinpi niyki: Mana kay jamoj watakunapi paramonqachu nitaj chhullamonqachu, noqa ujtawan ninaykama, nispa.

Jeremías 1:5

Mamaykej wijsanpi manaraj kashajtiyki, ñapis qanta ajllakorqaykiña. Manaraj paqarikushajtiyki, ñapis t'aqarqaykiña, suyukunaj sut'inchajnin kanaykipajtaj churarqayki, nispa.

Jeremías 25:13

Nisqayman jina Babilonia suyuta jasut'isaj, tukuy suyoj contranpi Jeremiaspa willasqanman jina ñak'arichisaj, imaynachus kay p'anqapi qhelqasqa kashan, chayman jina.

Jeremías 31:40

Chantá tukuynin valle, maypichus wañusqakunata p'ampanku, ushphatataj wijch'unku, chayninta rillanqapuni. Chantá Cedrón wayq'o chaymanta inti llojsimuynejman, chay patapi tukuy pampapis, Caballo Yaykuna punku nisqa k'uchukama chayanqa. Chay tukuy cheqaqa noqapaj t'aqasqa kanqa, Jerusalentaj manaña jayk'ajpis urmachisqachu, nitaj thuñisqachu kanqa, nispa.

Jeremías 36:2

Uj qaraman tukuy kay nisusqayta qhelqay, Josiaspa tiemponmanta kunankama, Israelmanta, Judamantawan, chantá chay waj suyukunamanta imatachus nerqani, chay tukuyta.

Jeremías 44:27

Noqataj paykunata waqaychanaytaqa, ñak'ariykunata paykunaman kachaykusaj, manataj allin kajtachu. Judamanta Egiptopi tukuy tiyakushajkuna maqanakupi wañonqanku, chayrí yarqhaywan tukuchisqa kanqanku.

Jeremías 45:4

Tata Diostajrí kayta nisunki: Noqaqa sayachisqayta thuñini, mallkisqaytapis t'irani. Ajinallatataj tukuy kay suyupi kajkunawan ruwasaj.

Ezequiel 21:19

19 (24) Runaj churin, iskay ñankunata dibujay, Babiloniamanta kuraj kamachej espadayoj jamunanpaj. Iskaynin ñankunaqa uj suyullamanta llojsinanku tiyan. Jinallataj uj señalta sapa ñanpa qallariyninpi churay, may llajtamanchus risqanta rikuchinanpaj.

Ezequiel 23:36

Chantá Tata Dios niwarqa: Runaj churin, manachu Aholata, Aholibatawanqa juchachanki? Millay p'enqayta ruwasqankuta uyankupi nipuy.

Oseas 6:5

Chayrayku noqamanta sut'inchajkunanejta mitharparerqaykichej, parlasqaywantaj wañucherqaykichej. Justiciaytaj k'anchay jina sut'ipuni karqa.

Eclesiastés 3:3

Uj tiempoqa wañuchinapaj tiyan, uj tiempotaj jampinapaj. Uj tiempoqa thuñinapaj tiyan, uj tiempotaj wasichanapaj.