Hebreos 1:2 - DIOSPA QHELQACHISQ

² Kunanrí kay qhepa p'unchaykunapi Dios Churinnejta parlawanchej, pimanchus tukuy imata chayaqeta jina qorqa, pinejtatajchus tukuy kaj chhikata ruwarqa, chaynejta.

Qheshwa Biblia DC

² Kay qhepa p'unchaykunapitaj Churinnejta parlamuwarqanchej; paytataj churarqa tukuy imamanta chayaqeyoj kanampaj; paynejtataj tukuy mundontinta ruwarqa.

DIOSPA QHELQACHISQAN DEUTEROCANONICAL

² Kunanrí kay qhepa p'unchaykunapi Dios Churinnejta parlawanchej, pimanchus tukuy imata chayaqeta jina qorqa, pinejtatajchus tukuy kaj chhikata ruwarqa, chaynejta.

Quechua South Bolivia: Dios Parlapawanchej

² Cunan cay khepa p'unchaycunapirí Dios nokanchejman niskanta willawarkanchej Wawan Cristonejta. Paytataj wiñaypaj churarka tucuy ima paypata cananpaj. Yuyaskanmanjinataj Dioska paynejta tucuy pachacuna cajta ruwarka.

Hebreos 1:2 Referans Kwoze

1 Corintios 8:6

Chaywanpis noqanchejpajqa uj Dioslla tiyan, Tata Dios. Paymanta tukuy ima jamun, noqanchejtaj paypaj kawsanchej. Jinallataj Tukuyta Kamachejqa ujlla tiyan, Jesucristo. Paynejta Dios tukuy ima kaj chhikata ruwarqa, paynejllatataj noqanchejman kawsayta qowanchej.

San Juan 1:3

Diostaj tukuy imata paynejta ruwarqa, ruwasqa kajmantataj mana paywanqa mana imapis ruwasqachu karqa.

San Juan 1:14

Chay Simi Nisqaqa runaman tukorqa, jinataj noqayku ukhupi tiyakorqa. Chantá noqayku jatun kayninpa lliphipiyninta rikorqayku, chaytaj Tata Diospa uj k'ata Churin jatun kayninpa lliphipiynin karqa. Paypitaj munakuywan, chantá cheqa kajwan ima may jinapuni karqa.

1 Pedro 1:20

Manaraj kay pacha ruwasqa kashajtin, Cristo chaypaj ajllasqa karqa. Paytaj kay qhepanejman rikhurimorqa qankunaj allinniykichejpaj.

San Mateo 28:18

Chantá Jesús qayllaykuspa, paykunata nerqa: Tata Diosneyqa kamachinapaj tukuy atiyta qowan janaj pachapi, kay pachapipis.

San Juan 13:3

Jesustaj Tata Diosmanta jamusqanta, chantá Diosmantaj kutipunanta yacharqamin. Jinallataj Diosqa tukuy atiyta payman qosqanta yachallarqataj.

San Mateo 17:5

Ajinata Pedro parlashajtillanraj, ujllata k'ancharishaj uj phuyu paykunata p'ampaykorqa, chay phuyu ukhumantataj Dios nimorqa: Kaymin munasqa Chureyqa, ajllakusqaytaj. Paywan sonqo junt'asqa kani, chayrayku payta uyariychej, nispa.

Hebreos 11:3

Diospi atinikusqanchejrayku yachanchej Diosqa kamachisqannejta tukuy kaj chhikata ruwasqanta. Ajinaqa, kunan imatachus rikushanchej, chay tukoyqa manakajmanta ruwasqa karqa.

Romanos 8:17

Ajinaqa Diospa wawankuna kaspa, noqanchej Cristowan khuska paymanta chayaqeta jap'isunchej. Sichus Cristowan khuska ñak'arinchej chayqa, paywan khuskallataj jatunchasqa kasunchej.

San Juan 3:16

Dios chay jinatapuni kay pachapi kaj chhikata munakusqanrayku uj k'ata Churinta qorqa. Ajinamanta tukuy pichus paypi atinikojqa mana chinkanqachu, aswanpis wiñay kawsayniyoj kanqa.

San Mateo 26:63

Jesustajrí ch'inlla kakorqa. Chantá kuraj kaj sacerdoteqa Jesusta nerqa: Kawsashaj Diospa sutinpi niwayku: Qanchu Diospa kachamusqan Cristo kanki, Diospa Churin? nispa.

San Mateo 21:38

Chaywanpis, chay llank'ajkunaqa huertayojpa churinta jamojta rikuspa, paykunapura ninakusqanku: Payqa kay jallp'ata chayaqeta jina jap'enqa. Jamuychej, payta wañuchinachej, jallp'ataj noqanchejpaj kanqa, nispa.

Hebreos 5:8

Ajinaqa Jesús Diospa Churin kashaspapis, ñak'arisqannejta Diosta kasuy imachus kasqanta yacharqa.

Efesios 1:10

Ajinamanta señalasqa p'unchay chayamojtin, Diosqa janaj pachapi kajkunata, jinallataj kay pachapi kajkunatapis ujllaman tantanqa, chantá Cristoj kamachiyninman churanqa.

Isaías 44:24

Manaraj paqarikushajtiyki, Tata Dios ruwasorqaña, chaymantataj pagaspa kacharichisorqa, paytaj ajinata nin: Noqamin tukuy imata ruwaj Tata Dios kani. Noqalla janajta jatunman aysarqani. Kay pachata ruwashajtiy, mana pipis noqawanchu kasharqa.

Hebreos 7:3

Paypa tatanmanta, mamanmanta, ñawpa tatankunamantapis mana ni ima yachakunchu, nitaj paqarisqanmanta, ni wañusqanmantapis. Aswanpis payqa Diospa Churinman rijch'asqa kaspa, wiñaypaj sacerdote kashan.

Hebreos 2:3

Ajina kajtenqa, sichus noqanchejman kunan Dios qoshawanchej, chay jina ashkha valorniyoj qhespichiyta pisipaj qhawasunman chayqa, imaynatataj jasut'iyninmanta llusp'isunmanri? Chay qhespichiymanta Tukuyta Kamachej Jesús ñawpajta willarqa, payta uyarejkunataj chay willasqan cheqapuni kasqanta willallawarqanchejtaj.

Hebreos 1:5

Chayqa ajina, imaraykuchus Diosqa mana mayqen angelninmanpis nerqachu: Qanqa Churiy kanki, kunantaj noqa Tatayki kani, nispa. Nillataj mayqen angelmantapis nerqachu: Noqaqa paypa Tatan kasaj, paytaj Churiy kanqa, nispa.

Efesios 3:9

Jinallataj tukuy imata ruwaj Diosqa, imachus wiñaymantapacha pakasqa karqa, chay wakichisqanta tukuyman rejsichinaypaj kamachiwarqa.

Isaías 2:2

Jamoj p'unchaykunapi kay jina kanqa: Maypichus Tata Diospa Templon kashan, chay orqoqa tukuy orqokunamanta aswan uyarisqa kanqa. Tukuy suyumantataj runakuna chayman jamonqanku.

Deuteronomio 18:15

Tata Diosniykichejqa qankuna ukhumanta noqa jina uj sut'inchajta sayarichenqa, qankunataj payta kasunkichej.

Deuteronomio 4:30

Maypachachus llakiykuna phutiykunapis chayamusojtiykichej chay qhepata, qankunaqa Tata Diosman kutirikuspa, payta kasunkichej.

Gálatas 4:4

Chantá señalasqan p'unchay chayamojtin, Diosqa Churinta kachamorqa. Payqa uj warmimanta paqarerqa, jinataj Moisespa kamachisqankunata kasuspa kawsarqa.

Hechos 10:36

Uyarinkichejña Dios Israelpa mirayninman kay sumaj willayta willasqanta: Payqa runakunata paywan allinyachin Jesucristonejta, pichus Tukuyta Kamachej kashan, chaynejta.

San Juan 15:15

Manaña wata runay nisqaykichejchu, imaraykuchus wata runaqa patronnin imatachus ruwasqanta mana yachanchu. Manachayqa kawsaqeykuna nisqaykichej, imaraykuchus Tataypa tukuy ima niwasqanta rejsichiykichej.

Miqueas 4:1

Jamoj p'unchaypi, maypichus Tata Diospa Templon kashan, chay orqoqa maypaj qhawasqa kanqa. Tukuy orqokunamanta aswan uyarisqa kanqa, tukuy suyumanta runakunataj chayman jamonqanku.

Jeremías 30:24

Tata Diospa k'araj phiñakuynenqa mana thasnukonqachu imatachus pay munasqanta junt'anankama. Qankunataj qhepanejman chaymanta sut'ita yachankichej.

Judas 1:18

Paykuna ajinata nispa, yuyaychasorqachej: Qhepanejman tukuy imamanta alqochakojkuna rikhurimonqanku, chaykunataj sonqonkoj millay munasqanman jina purenqanku, nispa.

Romanos 1:4

Jinallataj Santo Espíritu sut'ita sut'incharqa Jesusqa Diospa Churinpuni kasqanta, maypachachus jatun atiyninnejta payta wañusqamanta kawsaricherqa, chaypacha. Paymin Tukuyta Kamachej Jesucristo.

Hechos 2:17

Dios nin imachus qhepa p'unchaykunapi kananta: Tukuy runaman Espirituyta qosaj. Jinataj churiykichej, ususiykichejpis Diosmanta sut'inchanqanku. Qankuna ukhumanta waynakunaqa mosqoypi jina rikonqanku, machu runaykichejkunapis mosqokullanqankutaj.

San Juan 17:2

Churiykiman qan atiyta qorqanki, tukuy runata kamachinanpaj, wiñay kawsaytataj qonanpaj, pikunatachus payman qorqanki, chaykunaman.

San Juan 16:15

Tukuy ima Tataypata kajqa noqajllatataj. Chayrayku nerqani Santo Espíritu noqamanta tukuy imata qankunaman yachachisunaykichejta.

Marcos 12:6

Chay jinapi tukuypa qhepanta huertayojqa may munasqa churintañataj kachasqa, kay jinata yuyaspa: Churiytaqa respetanqankupuni, nispa.

Marcos 1:1

Kayqa Diospa Churin Jesusmanta sumaj willay, pichus Cristo karqa, chaymanta.

Daniel (hebreo) 10:14

Noqa jamuni willasunaypaj qhepanejman llajta masiykikunaman imachus jamunanmanta. Imatachus rikusqaykeqa, chay p'unchaykunamantamin willashan, nispa.

Ezequiel 38:16

Chantá Israel aylluypa contranpi qan maqanakoj yaykunki, yana phuyu jina Israelpa tukuynin jallp'anta p'ampaykuspa. Chay qhepa p'unchaykunapi noqaqa aylluypa contranpi pusamusqayki, waj suyukunamanta runakuna noqata rejsinawankupaj. Chaypachataj qannejta noqa may llimphu kasqayta rikuchikusaj, nispa.

Isaías 45:18

Janaj pachata ruwaj Tata Dios, Paymin Diosqa. Paymin kay pachatapis ruwarqa, payllataj tukuy imata maychus kananman churarqa. Kay pachata ruwarqa kawsayniyojkuna chaypi tiyakunankupaj. Pay nin: Noqamin Tata Dios kani, noqamanta jawaqa mana waj Dios kanchu.

Deuteronomio 31:29

Noqa yachani wañupusqaymanta qhepaman qankunaqa manaña Diosta kasunaykichejta, yachachisqaytapis mana kasuta ruwanaykichejta. Yachallanitaj qhepamanqa sinch'i llakiykuna qhatirisunaykichejta, Tata Diospa ñawpaqenpi mana allin kajta ruwasqaykichejrayku, millayta ruwaspataj, payta phiñachisqaykichejrayku, nispa.

2 Pedro 3:3

Ñawpajta kayta yachaychej: Qhepanejman cheqa kajmanta alqorakojkuna rikhurimonqanku, paykunataj sonqonkoj millay ruwayta munasqanman jina purenqanku.

Hebreos 1:8

Churinmantatajrí nin: Diosníy, qanqa wiñay wiñaynintinpaj kamachinki, jinataj justiciata ruwaspa kamachinki.

Oseas 3:5

Chaymanta qhepamanrí israelitakuna kutimuspa, Tata Diosninkuta mask'anqanku, jinallataj kuraj kamachej Davidpa kamachiyninpi kawsanqanku. Qhepa p'unchaykunapitaj tukuy sonqo Tata Diosta may jatunpaj qhawaspa, t'ukurenqanku pay may k'acha kasqanrayku.

Génesis 49:1

Chaymanta qhepaman Jacobqa churinkunata wajyachispa, nerqa: Qayllamuwaychej, noqataj nisqaykichej qhepanejman qankunawan imachus kananmanta:

Hebreos 9:26

Mana jina kanman karqa chayqa, kay pacha ruwasqa kasqanmantapacha Cristoqa ashkha kutitaña wañunman karqa. Kunantajrí chay p'unchay junt'akojtin, pay kikin wañunanpaj jaywaykukuspa, uj kutillata wiñaypaj rikhurin juchata pampachananpaj.

San Juan 3:25

Chantá Juanpa yachachisqankuna Diospa ñawpaqenpi llimphupaj qhawasqa kanapaj mayllakunamanta uj judiowan churanakorqanku.

Daniel (hebreo) 2:28

Chaywanpis janaj pachapi uj Dios tiyan, pichus pakaypi kaj tukuy imata sut'ita rikuchin, chay. Paymin qan kuraj kamachej Nabucodonosorman sut'ita rikuchisorqa jamoj p'unchaykunapi imachus kananmanta. Kunantaj imatachus puñushaspa mosqokusqaykita noqa willasqayki:

Jeremías 48:47

Chaywanpis qhepanejman noqaqa Moabta imaynachus ñawpata karqa, ajinaman kutichisaj. Noqa Tata Diosmin chayta nini. Kaykama kashan Moab jasut'isqa kananmanta Jeremiaspa willasqanqa.

Isaías 45:12

Noqa kay pachata ruwarqani, runata ruwaspataj, chayman churarqani. Janajtapis makiywan jatunman aysarqani, kamacherqanitaj chayman ch'askakuna rikhurimunankuta.

Números 24:14

Jinaqa, llajtayman kutipusaj. Manaraj ripushasparí, qhepanejman israelitakuna runaykikunata imatachus ruwanankuta willasqayki.

San Mateo 3:17

Jinallapitaj janaj pachamanta Dios nimorqa: Qanmin munasqa Churiy kanki, qanwantaj sonqo junt'asqa kani, nispa.

San Mateo 13:39

Jinataj cizañata t'akaj awqaqa Kuraj Supaywan ninakun. Poqoyta oqharinataj kay pachaj tukukuyninwan ninakun, ruthojkunataj angelkuna kanku.

Marcos 12:7

Chaywanpis llank'ajkunaqa ninakusqanku: Huertayojpa churin kayqa. Pay kay huertata chayaqeta jina jap'enqa. Chayrayku payta wañuchinachej, uva huertataj noqanchejpaj kanqa, nispa.

San Juan 1:10

Simi Nisqa sutiyojqa paypa ruwasqan kay pachaman jamorqa. Chaywanpis runakunaqa pay pichus kasqanta mana rejserqankuchu.

San Juan 5:26

Imaynatachus Tata Diosqa pay kikinpi kawsayniyoj, ajinallatataj Churinmanpis atiyta qorqa pay jinallataj kawsayniyoj kananpaj.

San Juan 5:27

Jinallataj Tata Dios payman tukuyta juzgananpaj atiyta qollarqataj, imaraykuchus paymin Runaj Churenqa.

San Juan 9:29

Noqayku yachayku Diosqa Moisesman parlasqanta. Chaywanpis chay runa maymantachus kasqanta mana yachaykuchu, nispa.

1 Corintios 2:7

Aswanpis Diospa pakasqa yachayninmanta parlayku, mayqenchus manaraj kay pacha ruwasqa kashajtin wakichisqaña karqa Diospa jatun kayninpa k'anchayninpi paywan khuska kananchejpaj, chaymanta.

Hebreos 3:6

Cristorí Diospa Churin kaspa, Diospa ayllunpi imachus ruwananta sumajta junt'arqa. Noqanchejmin chay ayllun kanchej, sichus sonqonchejpi kallpachakusunchej, chantá Cristopi atinikuspa allin kajta suyakusqanchejpi sinch'ita sayasunchej chayqa.

Hebreos 4:14

Diospa Churin Jesusqa Kuraj Kaj Sacerdotenchej, pichus janaj pachaman yaykorqa, chay. Chayrayku Jesucristopi atinikusqanchejmanta ch'ipakuspa, sinch'ita sayanallanchejpuni tiyan.

Hebreos 7:28

Moisespa kamachisqanqa pisi kallpa runakunatamin churarqa kuraj kaj sacerdotekuna kanankupaj. Chaywanpis Moisespa kamachisqanmanta qhepata Dios tiluspa Churinta Kuraj Kaj Sacerdotepaj churarqa. Kunantaj payqa wiñaypaj mana pantayniyoj Kuraj Kaj Sacerdote.

San Juan 13:32

Sichus Runaj Churin Dios jatunchasqa kasqanta rejsichenqa chayqa, Diospis Churinta jatunchasqa kasqanta rejsichillanqataj. Chaytataj manaraj imapi ruwanqa.