Génesis 9:3 - DIOSPA QHELQACHISQ

³ Chayrayku tukuy animalta, jinallataj tukuy imaymana q'omerkunatapis mikhuyta atinkichej. Chaykunata mikhunaykichejpaj qoykichej.

Qheshwa Biblia DC

³ Atinkichej mikhuyta tukuynin animalesta, jinallataj q'omer qhorastapis atisqaykichejman jina. Noqa qoykichej chay tukuyninta.

DIOSPA QHELQACHISQAN DEUTEROCANONICAL

³ Chayrayku tukuy animalta, jinallataj tukuy imaymana q'omerkunatapis mikhuyta atinkichej. Chaykunata mikhunaykichejpaj qoykichej.

Génesis 9:3 Referans Kwoze

Romanos 14:14

Tukuyta Kamachej Jesús noqata yachachiwarqa mana ni ima mikhunapis Diospa ñawpaqenpi mana allinchu kasqanta. Chaywanpis sichus pipis yuyan, imata mikhuna mana allinchu kasqanta chayqa, paypaj mana allinchu.

Deuteronomio 12:15

Chaywanpis llajtaykichejpi munasqaykichejman jina uywata ñak'aspa aychata mikhuyta atinkichej, Tata Diosniykichej mirachipusunanpaj yanapasusqanman jina. Llimphupaj qhawasqa, chayrí mana llimphupaj qhawasqa kashaspapis, tukuyniykichej aychata mikhuyta atinkichej, taruka aychapis kanman jina.

1 Corintios 10:31

Ajinaqa mikhuspapis, ujyaspapis, chayrí imata ruwaspapis, tukuy imata ruwaychej Dios chaynejta jatunchasqa kananpaj.

Colosenses 2:16

Chayrayku qankuna ama kasuta ruwaychejchu pipis imatachus mikhusqaykichejmanta, chayrí ujyasqaykichejmanta juchachasojtiykichej. Amallataj kasuychejchu pipis raymikunata mana ruwasqaykichejmanta, nitaj killa qallariy raymita, samarina p'unchaytapis mana maypaj qhawasqaykichejmanta juchachasojtiykichej.

1 Corintios 10:23

Qankuna ninkichej: Noqaqa imatachus munasqayta ruwayta atini, nispa. Arí, jinapuni. Chaywanpis mana tukuychu walej. Arí, imatachus munasqanchejta ruwayta atinchej. Chaywanpis mana tukuyninchu yuyayninpiña kanaman chayananchejpaj yanapawanchej.

Romanos 14:3

Tukuy imata mikhojqa ama pisipaj qhawachunchu wakin imakunata mana mikhojtaqa. Mana mikhojpis nillataj juchachachunchu tukuy imata mikhojtaqa, imaraykuchus Diosqa chay runata mana qhesachanchu.

Levítico 22:8

Payllamanta wañusqa uywaj aychanta, chayrí k'ita animalpa jap'isqan aychataqa mana mikhunanchu tiyan, ama chaywan ch'ichichasqa rikhurinanpaj. Noqamin Tata Dios kani.

Romanos 14:20

Jinaqa imata mikhusqaykirayku ama Diospa ruwasqanta phiriychu. Ama qonqaychu tukuy imatapis mikhuyta atillasqanchejta. Chaywanpis mana allinchu sichus imatachus mikhusqanchejrayku wajkuna misk'ankuman chayqa.

Romanos 14:17

Diospa kamachiyninmanta parlaspaqa, mana mikhunamantachu nitaj ujyanamantachu parlashanchej, manachayqa cheqanta ruwaspa kawsanamanta, sonqo tiyaykuymanta, chantá kusikuymanta ima. Chayta Santo Espiritunejta ruwayta atisunchej.

Génesis 9:2

Kay pachapi tukuy imaymana animalkuna qankunata manchachikusonqachej. Jinallataj phawajkunata, jallp'a patapi qhatatakuspa purejkunata, mama qochapi kajkunatapis tukuyninta makiykichejman churani.