Génesis 7:4 - DIOSPA QHELQACHISQ

⁴ Noqataj qanchis p'unchaymantawan tawa chunka p'unchayta, tawa chunka tutatawan parachimusaj. Ajinata kay pachamanta tukuy kawsashaj ruwasqayta chinkachisaj, nispa.

Qheshwa Biblia DC

⁴ Noqataj qanchis p'unchaymantawan parachimusaj, tawa chunka p'unchayta tawa chunka tutatawan. Jallp'a patamanta chinkachisaj tukuy kausajkuna ruwasqasniyta.

DIOSPA QHELQACHISQAN DEUTEROCANONICAL

⁴ Noqataj qanchis p'unchaymantawan tawa chunka p'unchayta, tawa chunka tutatawan parachimusaj. Ajinata kay pachamanta tukuy kawsashaj ruwasqayta chinkachisaj, nispa.

Génesis 7:4 Referans Kwoze

Génesis 7:17

Chantá jatun musphay paraqa tawa chunka p'unchayta pararqa. Yakutaj manchayta wiñarqa, jinataj jatun barcota maypichus kasqanmanta tuytuchispa, oqharerqa.

Génesis 7:12

Chaypachaqa jallp'a patata paraqa tawa chunka p'unchayta, tawa chunka tutatawan pararqa.

Génesis 6:17

Chantá noqaqa kay pachaman manchay sinch'itapuni parachimusaj, yaku kay pachata p'ampaspa, tukuy kawsajta chinkachinanpaj. Jallp'a patapi tukuy kawsayniyojpis wañullanqankutaj.

Génesis 6:13

Chayrayku Noeta nerqa: Noqa kay pachamanta tukuy runata chinkachisaj, paykunarayku kay pachapi millayta purina ancha tiyan. Chayrayku paykunata, chantá kay pachapi kaj chhikata chinkachisaj.

Génesis 6:7

Noqaqa runa ruwasqayta kay pachamanta chinkachisaj. Jinallataj tukuy uywakunata, pampata qhatatakuspa purejkunata, phawajkunatawan chinkachillasajtaj. Chaykunata ruwasqaymanta anchatapuni llakikuni, nispa.

Salmos 69:28

28 (29) Kawsay p'anqaykimanta sutinkuta orqhopuy, cheqan runakunaj sutinkutawan khuskata ama sutinkuta qhelqaykuychu.

Apocalipsis 3:5

Tukuy atipajkunaqa yuraj p'achawan p'achallichisqa kanqanku, manataj kawsay p'anqamanta sutinkuta orqhosajchu. Manachayqa Tataypa ñawpaqenpi, chantá angelninkunaj ñawpaqenpi ima rejsichisaj paykuna noqajta kasqankuta.

Amós 4:7

Poqoyta oqharinapaj kinsa killaraj kashajtin, mana parachimorqanichu. Uj llajtaman parachimorqani, ujmantaj mana. Wakin chajrakunapaj paracherqani, wakintaj paramanta jina ch'akiporqanku.

Job 28:25

Diosqa wayraman kallpata qorqa, yakutataj maykamallachus kananta nerqa.

Job 22:16

Paykunaqa manaraj imapi wañorqanku, ashkha yakuyoj mayoj apasqan jina.

Génesis 8:12

Chaymanta Noeqa qanchis p'unchaytawanraj suyarqa. Chantá urpita ujtawan kacharillarqataj, urpirí manaña kutimporqachu.

Génesis 7:10

Qanchis p'unchayninmantaj musphay para yaku kay pachata p'ampayta qallarerqa.

Génesis 8:10

Chantá Noé qanchis p'unchaytawan suyarqaraj, chaymantataj ujtawan urpita kacharillarqataj.

Génesis 6:3

Chayta rikuspa, Tata Dios nerqa: Runakuna kay pachapi wiñaypaj kawsanankuta mana saqesajchu, imaraykuchus paykunaqa wañoj runalla kanku. Chayrayku 120 watallataña kawsanqanku, nispa.

Génesis 2:5

manaraj ima sach'apis kasqarajchu, nitaj ima qhorapis p'utumusqarajchu, Tata Dios jallp'aman manaraj parachimusqanrayku. Nillataj pipis jallp'ata llank'ananpaj kasqarajchu.

Génesis 7:3

Jinallataj phawajkunamantapis qanchista yanantinkama apaykunki. Ajinata ruwanki chaykuna kay pachamanta ama chinkanankupaj.

Génesis 8:2

Jallp'aj sonqonmanta t'ojyamoj yakoqa manaña jutumorqachu. Jinallataj janajmanta jich'akamoj yakupis sayarqa. Chayrayku para thañerqa.

Jeremías 28:16

Chayrayku Tata Dios nisunki: Noqaqa kay pachamanta chinkachisqayki. Qanqa kay watapi wañunki, imaraykuchus sut'inchasqaykiwan runakunata enqhaykunki contrayta oqharikunankupaj, nispa.