Génesis 7:13 - DIOSPA QHELQACHISQ

¹³ Maypachachus parayta qallarerqa, chay kikin p'unchayta Noé, chantá churinkuna Sem, Cam, Jafetwan ima jatun barcoman yaykorqanku. Jinallataj Noéj warmin, kinsantin ñojch'ankuna ima yaykullarqankutaj.

Qheshwa Biblia DC

¹³ Kikin chay p'unchaypi Noé arcaman yaykorqa wawasninwan Sem, Cam, Jafetwan; jinallataj warminwan, kinsantin qhachunisninwan ima.

DIOSPA QHELQACHISQAN DEUTEROCANONICAL

¹³ Maypachachus parayta qallarerqa, chay kikin p'unchayta Noé, chantá churinkuna Sem, Cam, Jafetwan ima jatun barcoman yaykorqanku. Jinallataj Noéj warmin, kinsantin ñojch'ankuna ima yaykullarqankutaj.

Génesis 7:13 Referans Kwoze

Génesis 7:1

Chaymanta Tata Diosqa Noeta nerqa: Qan, chantá aylluyki ima jatun barcoman yaykuy, imajtinchus noqa rikuni mita masiykikunamanta qanlla munasqayman jina purisqaykita.

Génesis 6:18

Qanwantajrí uj tratota ruwasaj. Barcomanqa qan, warmiyki, jinallataj churiykikuna, chantá ñojch'aykikuna ima yaykunkichej.

2 Pedro 2:5

Jinallataj Diosqa ñawpa runakunaj juchankutapis manallataj pampacharqachu, maypachachus paywan churanakojkunata jatun musphay parawan chinkacherqa, chaypacha. Manachayqa Diospa cheqan justicianmanta willaj Noeta waqaycharqa, qanchis runakunatawan khuskata.

1 Pedro 3:20

Chaykunaqa unay Diosta mana kasorqankuchu, maypachachus Noé jatun barcota ruwashajtin Diosqa jatun pacienciawan suyasharqa, chaypacha. Chay jatun barcopitaj, pusaj runalla yakupi jeq'eqaspa wañunamanta qhespichisqa karqanku.

Hebreos 11:7

Jinallataj Noeqa Diospi tukuy sonqo atinikorqa. Chayrayku mana jayk'aj rikusqan kananta Dios sut'inchajtin, Noeqa Diosta kasuspa, uj jatun barcota ruwarqa wasi ayllun ama wañunanpaj. Jinallataj Diospi atinikusqanrayku Noé yachayta qorqa chaypacha kawsaj runakuna juchachanapaj jina kasqankumanta. Chantá Diospi atinikusqannejta pay cheqan runapaj qhawasqa kanata jap'erqa.

Génesis 10:21

Jafetpa kurajnin Sempata churinkunapis kallarqankutaj. Semqa Eberpa churinkunaj jatun tatanku karqa.

Génesis 10:6

Campa churinkuna karqanku Cus, Misrayin, Fut, Canaán ima.

Génesis 6:10

Noejta churinkunataj kinsa karqanku: Sem, Cam, Jafet ima.

Génesis 5:32

Noé 500 watayoj kashajtin, paqarerqanku churinkuna Sem, Cam, chantá Jafet ima.

Génesis 7:14

Paykunawan khuska yaykullarqankutaj tukuy imaymana rijch'aj k'ita animalkuna, wasi uywakuna, qhatatakuspa purej animalkuna, tukuy imaymana phawajkuna ima.

Génesis 8:14

Iskay kaj killamanta, iskay chunka qanchisniyoj p'unchayninman jallp'aqa sumaj ch'akiñapuni karqa.

Jueces 21:22

Sichus tatanku, chayrí turankupis quejakoj jamuwaykuman chayqa, noqayku nisqayku: Mañarikuyku Benjaminmanta kajkunata khuyaspa, ama paykunata juchachanaykichejta. Noqaykoqa mana tukuypajchu maqanakumanta warmikunata apamorqayku. Chaywanpis mana qankunachu chay warmita qoshankichej, chayrayku chay tilusqaykichejmantaqa mana juchachasqachu kankichej, nispa.