Génesis 7:11 - DIOSPA QHELQACHISQ

¹¹ Noé 600 watayoj kashajtin, iskay kaj killamanta chunka qanchisniyoj p'unchayta, jallp'aj sonqonmanta yaku t'ojyamorqa. Jinallataj janajmanta tukuy yakupis p'uñumanta jina musphayta jich'akamorqa.

Qheshwa Biblia DC

¹¹ Chaypacha karqa chunka qanchisniyoj día iskay kaj killapi. Noetaj karqa sojta pachaj watasniyoj. Chay diapipuni yuyay chinkay ukhu pacha qocha t'ojyamorqa, jinallataj janaj pachapi kaj yakupis t'ojyamuspa musphayta jich'akamorqa.

DIOSPA QHELQACHISQAN DEUTEROCANONICAL

¹¹ Noé 600 watayoj kashajtin, iskay kaj killamanta chunka qanchisniyoj p'unchayta, jallp'aj sonqonmanta yaku t'ojyamorqa. Jinallataj janajmanta tukuy yakupis p'uñumanta jina musphayta jich'akamorqa.

Génesis 7:11 Referans Kwoze

Génesis 8:2

Jallp'aj sonqonmanta t'ojyamoj yakoqa manaña jutumorqachu. Jinallataj janajmanta jich'akamoj yakupis sayarqa. Chayrayku para thañerqa.

Malaquías 3:10

Noqa Tukuy Atiyniyoj Tata Diosmin niykichej: Kapuyniykichejmanta sapa chunkamanta ujta Temployman apamuychej, wasiypi mikhuna kananpaj. Ajinatachus ruwankichej chayqa, rikunkichej imaynatachus noqa janaj pachaj ventananta kicharispa, may chhika saminchaykunata parachimunaykichejta. Ruwaychej má, chantá rikunkichej.

Jeremías 51:16

Sinch'ita qhaparispa, phuyupi yakuta t'ojyarichin, kay pachaj k'uchunmantataj phuyukunata pataman wicharichin. Paramushajtin, lliuj lliujkunata lliphipirichin, wayratapis jallch'ananmanta orqhomun.

Jeremías 5:22

Noqa Tata Diosmin kayta nini: Manachu qankuna manchachikuwankichej? Nillatajchu ñawpaqeypi kharkatitinkichej? Noqaqa mama qochaj kantunta jark'achata jina churarqani, chaymanta aswan jaqayman mama qocha mana wasaykunanpaj. Mama qochaj qhollchoqeyasqan astawan, astawan manchayta sonarispa oqharikun. Chaywanpis mana wasaykuyta atinchu.

2 Reyes 7:19

Eliseoj nisqanmantaj kuraj kamachejpata yanapajnin kay jinata kutichisqa: Sichus Tata Dios janaj pachata kicharispa jich'aykamunman chaypis, chayqa mana jinachu kanman, nispa. Eliseotaj kutichisqa: Chaytaqa kikin ñawiykiwan rikunki. Chaywanpis, mana chaymanta mikhunkichu, nispa.

Ezequiel 26:19

Tukuyta Kamachej Tata Dios kay jinata nin: Ch'in raqayman tukuchisqayki, ni pejpa tiyakunan llajtata jina. Mama qocha ukhumanta ashkha yakuta phullchichimusaj, chay yakutaj p'ampaykusonqa.

Salmos 33:7

Payqa mama qochapi yakuta uj cheqallaman tantaykorqa, mama qocha ukhutapis uj cheqaman waqaycharqa.

2 Reyes 7:2

Kuraj kamachejpa yanapajnintajrí Diosmanta sut'inchajninta nerqa: Tata Dios janaj pachata kicharispa jich'aykamunman chaypis, mana nisqayki jinaqa kanmanchu, nispa. Eliseotaj kuticherqa: Qan chayta kikin ñawiykiwan rikunki. Jinapis, mana chaymanta mikhunkichu, nispa.

Génesis 1:7

Chantá Dios yakuta t'aqananpaj ch'usajta ruwarqa. Jinaqa t'aqaj ch'usajqa urapi kaj yakuta t'aqarqa patapi kaj yakumanta.

San Mateo 24:38

Chaypacha, manaraj jatun para chayamushajtin, runakunaqa mikhusharqanku, ujyasharqanku, casarakusharqanku ima, Noé arcaman yaykunan p'unchaykama.

Isaías 24:19

Kay pacha manchaytapuni kharkatitenqa, lajrakonqataj, chay jinatapuni thalakusqanpitaj phirikonqa.

Salmos 74:15

Juturikunata, mayukunata ima qan rikhuricherqanki. Ni jayk'aj ch'akej jatun mayukunata qanllataj ch'akicherqanki.

Génesis 6:17

Chantá noqaqa kay pachaman manchay sinch'itapuni parachimusaj, yaku kay pachata p'ampaspa, tukuy kawsajta chinkachinanpaj. Jallp'a patapi tukuy kawsayniyojpis wañullanqankutaj.

Job 28:4

Qhoyataqa mana runaj tiyananpi kicharinku, maypichus mana pipis saruykunchu, chaypi. Waskhapi warkhuykukuspa, ch'inkunapi qhoyata kicharinku.

1 Tesalonicenses 5:3

Maypachachus runakuna nishanqanku: Tukuy imapis allillan, ni imamanta llakikuna kanchu, nispa chaypacha, ujllata paykuna tukuchisqa kanqanku, imaynatachus onqoj warmita wawanta paqarichikunanpaj nanaynin oqharin, ajinata. Chaypachataj paykuna mana ayqeyta atenqankuchu.

2 Pedro 3:6

Chay yakullawantaj chaypacha tiyakojkuna yakoj p'ampasqan chinkachisqa karqanku.

Génesis 7:6

Musphay para yaku kay pachata p'ampaykorqa chaypacha, Noeqa 600 watayoj kasharqa.

Job 12:15

Sichus pay mana parachimun chayqa, tukuy ima ch'akipun. Sitajchus sinch'ita parachimun chayqa, jallp'atañataj yaku p'ampaykun.

Job 38:16

Mayk'ajpis mama qochaj sonqonman urayk'orqankichu? Ukhu pachaj ñanninta purerqankichu?

Proverbios 3:20

Diosqa yachayninwan mama qochata t'aqarqa, phuyukunamantataj chhullachimorqa.

Isaías 24:18

Pichus manchachikuymanta ayqejqa t'oqoman urmaykonqa. T'oqomanta llojsimojtaj tojllapi jarap'asqa rikhurenqa. Janajmanta jatun para urmamonqa, kay pachaj sonqontaj ikhakonqa.

Génesis 8:14

Iskay kaj killamanta, iskay chunka qanchisniyoj p'unchayninman jallp'aqa sumaj ch'akiñapuni karqa.

Job 38:37

Pitaj chay jina yachayniyoj kanman phuyuta yupananpajri? Pitaj paramunanpaj phuyumanta yakuta jich'amunman,