Génesis 6:9 - DIOSPA QHELQACHISQ

⁹ Noéj kawsasqan kay jina karqa: Noeqa cheqanta ruwaj runa karqa, paytaj Diosta kasuspallapuni purerqa. Chaypacha tiyakojkunamanta paylla Diospa munasqanta ruwaspa kawsarqa.

Qheshwa Biblia DC

⁹ Kay jina karqa Noepa kausaynin: Noeqa cheqan karqa, sumaj runataj chay tiempo runa mita ukhupi, Diosta kasuspapuni. Ajinaqa pay k'atalla Diospa munasqanta ruwarqa.

DIOSPA QHELQACHISQAN DEUTEROCANONICAL

⁹ Noéj kawsasqan kay jina karqa: Noeqa cheqanta ruwaj runa karqa, paytaj Diosta kasuspallapuni purerqa. Chaypacha tiyakojkunamanta paylla Diospa munasqanta ruwaspa kawsarqa.

Génesis 6:9 Referans Kwoze

San Lucas 1:6

Qhari warmi Diospa ñawpaqenpi cheqan kawsayniyoj karqanku, Diospa nisqanman jina kawsakuspa, ni pejpa k'aminan.

Hebreos 11:7

Jinallataj Noeqa Diospi tukuy sonqo atinikorqa. Chayrayku mana jayk'aj rikusqan kananta Dios sut'inchajtin, Noeqa Diosta kasuspa, uj jatun barcota ruwarqa wasi ayllun ama wañunanpaj. Jinallataj Diospi atinikusqanrayku Noé yachayta qorqa chaypacha kawsaj runakuna juchachanapaj jina kasqankumanta. Chantá Diospi atinikusqannejta pay cheqan runapaj qhawasqa kanata jap'erqa.

2 Pedro 2:5

Jinallataj Diosqa ñawpa runakunaj juchankutapis manallataj pampacharqachu, maypachachus paywan churanakojkunata jatun musphay parawan chinkacherqa, chaypacha. Manachayqa Diospa cheqan justicianmanta willaj Noeta waqaycharqa, qanchis runakunatawan khuskata.

Génesis 7:1

Chaymanta Tata Diosqa Noeta nerqa: Qan, chantá aylluyki ima jatun barcoman yaykuy, imajtinchus noqa rikuni mita masiykikunamanta qanlla munasqayman jina purisqaykita.

Génesis 5:24

Enocqa Diospa munayninta ruwaspa kawsarqa. Chantá uj p'unchay chinkaporqa, imaraykuchus Dios kawsashajta pusakaporqa.

Gálatas 3:11

Sut'i kashan mana pipis kamachisqata junt'asqanraykuchu Diospa ñawpaqenpi cheqan runapaj qhawasqa kananta, imaraykuchus Diospa Qhelqachisqanpi nillantaj: Cheqan runaqa Diospa nisqanta jap'ikusqanrayku Dioswan allinpi kawsallanqapuni, nispa.

Génesis 17:1

Abram jisq'on chunka jisq'onniyoj watayoj kashajtin, Tata Dios payman rikhurispa, nerqa: Noqa Tukuy Atiyniyoj Dios kani. Chayrayku qan munasqayman jina cheqanta puriy.

Génesis 5:22

Enocqa Diospa munayninta ruwaspa kawsarqa. Matusalén paqarisqanmanta qhepata, Enocqa 300 watatawan kawsarqa, wawankunataj qharikuna, chantá warmikuna ima karqankuraj.

Ezequiel 14:14

Sichus kay kinsa runakuna: Noé, Daniel, Job ima chay llajtapi kashankuman chayqa, noqa paykunallata wañunankumanta qhespichiyman cheqan runakuna kasqankurayku. Noqa Tukuyta Kamachej Tata Diosmin chayta nini.

Job 1:1

Uz sutiyoj suyupi Job tiyakorqa. Payqa cheqanta ruwaspa purej runa karqa. Jinallataj Diosta munakoj karqa, chantá yupaychaj ima. Payqa mana pitapis mana allin kajta ruwaspa waqachejchu karqa.

Génesis 2:4

Ajinata Tata Dios janajta, kay pachatapis ruwarqa. Maypachachus pay janajta, kay pachatawan ruwarqa chaypacha,

1 Pedro 2:5

Qankunapis kawsashaj rumi jina kajtiykichej, Diosqa qankunawan mana rikukoj templonta perqachashan. Jinallataj juchamanta t'aqasqa sacerdotekunapis kallankichejtaj. Ajinaqa Santo Espirituman jina jaywanakunata Tata Diosman jaywankichej, chaykunatataj Diosqa Jesucristonejta tukuy sonqo jap'ikun.

Eclesiastés 7:20

Cheqapuni kay pachapi mana uj runallapis cheqan runaqa kanchu, mana jayk'aj juchallikuspa cheqanta ruwajqa.

Hechos 10:22

Paykunataj kuticherqanku: Capitán Cornelio kachamuwayku. Payqa cheqan runa, Diostataj jatun respetowan qhawan. Judío masiykikunapis payta jatunpaj qhawanku. Chantá Diospa angelnenqa Cornelioman rikhurispa, nerqa qanta wasinman wajyachisunanta, imatachus parlanaykita uyarinanpaj, nispa.

Ezequiel 14:20

Sichus Noé, Daniel, Job ima chaypi tiyakushankuman chaypis, paykuna mana churinkukunata, ususinkukunata ima qhespichiyta atinkumanchu. Paykunalla cheqan runakuna kasqankurayku qhespichisqa kankuman. Noqa Tukuyta Kamachej Tata Diosmin kawsayniyrayku tiluspa nini, nispa.

Job 1:8

Chantá Tata Dios payta nerqa: Rikorqankichu kamachiy Jobta? Pay jinaqa mana pipis kanchu. Payqa noqaj kamachisqayta tukuy sonqo junt'an, cheqanta purisqanraykutaj mana imamanta k'amina, nitaj pitapis mana allinta ruwanchu, nispa.

Romanos 1:17

Jesuspa sumaj willaynenqa sut'ita rikuchiwanchej, imaynatachus Diosqa runata cheqan runapaj qhawasqanta. Diosqa runata cheqan runapaj qhawan, paypi atinikusqanraykulla, manataj waj imaraykupis. Ajinata Diospa Qhelqachisqanpi nin: Cheqan runaqa Diospi atinikusqanrayku wiñaypaj kawsanqa, nispa.

San Lucas 23:50

Chaypitaj José sutiyoj uj runa karqa, Judeapi Arimatea llajtamanta. Pay k'acha runa karqa, cheqantaj, jinataj judiokunaj Jatun Juntankumanta ujnin.

San Lucas 2:25

Chaypacha Jerusalenpi uj runa Simeón sutiyoj tiyakorqa. Pay cheqanta ruwaj runa karqa, Diostataj may jatun respetowan qhawarqa. Chayrayku pay suyasharqa Dios Israelta qhespichinanta. Santo Espíritoj kamachiyninpipis kallarqataj.

Habacuc 2:4

Kay jinatamin qhelqay: Millayta ruwajkunaqa mayta runaykachanku. Chaywanpis cheqan runakunaqa Diosta mana wasanchasqankurayku kawsanqanku.

Proverbios 4:18

Cheqan runakunaj kawsayninkoqa inti llojsimushaj jina k'ancharin, p'unchayamusqanman jinarí astawan k'ancharirin.

Salmos 37:37

Cheqan, llimphu kawsayniyoj runata qhawariy. Chay jina runapajqa allin kawsay kanqa.

2 Crónicas 15:17

Asaqa wañunankama tukuy sonqowan Tata Diosta qhatikorqa. Chaywanpis pay mana chinkacherqachu Israel loma patapi lanti yupaychana wasikunata.

Génesis 48:15

Chantá Jacob ajinata nispa, Joseta samincharqa: Jatun tatay Abrahampata, chantá tatay Isaacpatawan Diosnin, pitachus paykuna yupaycharqanku, chay Dios kasqaymantapacha kunankama uywakuwarqa.

Job 12:4

Noqaqa mana juchayoj, nitaj k'amina jina kani. Ñawpa tiempopi Diosqa mañakusqayta uyariwaj, kunanrí kawsaqeykuna noqamanta asikuwanku.

1 Reyes 3:6

Chantá Salomón nerqa: Qanqa tatay David kamachiykita mayta munakorqanki, imaraykuchus payqa cheqanta purerqa qanpa ñawpaqeykipi, cheqantapuni ruwaspa, cheqan sonqowantaj. Qantaj mayta khuyaspa, uj wawanta qorqanki kamachinan tiyanapi tiyananpaj, imaynachus kunan p'unchay kashan jina.

2 Crónicas 25:2

Amasiasqa Tata Diospaj munayninman jina cheqanta ruwarqa chaypis, mana tukuy sonqowanchu.

Génesis 10:1

Kaykuna Noéj churinkuna karqanku: Sem, Cam chantá Jafet ima. Jatun musphay para qhepata paykunaj wawankukunapis kallarqankutaj.

Génesis 5:1

Kaykuna Adanpa mirayninmanta kajkuna kanku. Mayk'ajchus Dios runata ruwarqa chaypacha, runata payman rijch'akojta ruwarqa.

Génesis 6:10

Noejta churinkunataj kinsa karqanku: Sem, Cam, Jafet ima.

Deuteronomio 18:13

Qankunarí Tata Diospa munasqanman jina ruwaspa purinkichej.

2 Samuel 22:24

Paypa ñawpaqenpi mana pantaspa purerqani. Sajra ruwanamanta waqaychakuni.

Salmos 37:39

Cheqan runataqa Tata Dios qhespichin. Llakiy tiempopi paymin chay runaj pakakunan.