Génesis 6:7 - DIOSPA QHELQACHISQ

⁷ Noqaqa runa ruwasqayta kay pachamanta chinkachisaj. Jinallataj tukuy uywakunata, pampata qhatatakuspa purejkunata, phawajkunatawan chinkachillasajtaj. Chaykunata ruwasqaymanta anchatapuni llakikuni, nispa.

Qheshwa Biblia DC

⁷ Señorqa nerqa: Jallp'a patamanta q'alata chinkachisaj kay ruwasqasniy runasta; jinallataj uywasta, pampata qhatatakojkunata, p'isqostawan. Anchata pesachikuni kaykunata ruwasqaymanta.

DIOSPA QHELQACHISQAN DEUTEROCANONICAL

⁷ Noqaqa runa ruwasqayta kay pachamanta chinkachisaj. Jinallataj tukuy uywakunata, pampata qhatatakuspa purejkunata, phawajkunatawan chinkachillasajtaj. Chaykunata ruwasqaymanta anchatapuni llakikuni, nispa.

Génesis 6:7 Referans Kwoze

Sofonías 1:3

Runakunata, animalkunata, p'isqokunata, jinallataj challwakunatapis chinkachisaj. Millay runakunatapis urmachillasajtaj, jallp'a patamantataj tukuy runakunata chinkarparichisaj, nispa. Noqa Tata Diosmin chayta nini.

Salmos 37:20

Millayta ruwaspa purejkunaqa ch'aki qhora jina lawranqanku, Tata Diospa awqankunataj q'oshñi jina chinkanqanku.

Proverbios 16:4

Tata Diospa tukuy ima ruwasqanqa mana jinallachu. Millayta ruwaj runatapis uj p'unchay jasut'isqa kananpaj ruwan.

Proverbios 10:27

Tata Diosta may jatunpaj qhawaj runaqa unayta kawsanqa. Mana allinta ruwaj runatajrí pisillata kawsanqa.

Oseas 4:3

Chayrayku kay suyu lutuchasqa jinamin, chaypi kajkunataj kallpa wañusqa kanku. K'ita animalkunapis, p'isqokunapis, chantá mama qochapi challwakunapis chinkarapushanku.

Génesis 6:6

Chayrayku Tata Dios runata ruwasqanmanta maytapuni llakikorqa. Sonqonpi sinch'ita llakikuspataj, nerqa:

Génesis 7:4

Noqataj qanchis p'unchaymantawan tawa chunka p'unchayta, tawa chunka tutatawan parachimusaj. Ajinata kay pachamanta tukuy kawsashaj ruwasqayta chinkachisaj, nispa.

Génesis 7:21

Ajinata kay pachapi tukuy kawsayniyoj wañorqanku: Phawajkuna, uywakuna, k'ita animalkuna, jallp'a patata qhatatakuspa purejkuna, jinataj tukuy runakuna ima.

Génesis 8:21

Q'olachispa jaywanaj q'aparisqanqa Tata Diospaj ima munay karqa. Chayrayku Dios nerqa: Noqaqa runaj juchanrayku kay pachata manaña ujtawan maldicisajchu. Runa wawamantapacha mana allinta ruwanallapipuni yuyan chaypis, manaña noqa tukuy kawsajta tukuchisajchu, kunan imaynatachus tukucherqani, jinataqa.

Deuteronomio 28:63

Imaynatachus ñawpajta Tata Dios qanta yanapaspa, mirachispataj kusikorqa, ajinallatataj qanta tukuchispa, chinkachispa ima kusikonqa. Qanqa jap'inki, chay jallp'aman tiyakoj yaykunki chantá chaymanta qharqosonqa.

Deuteronomio 29:20

20 (19) Tata Diosqa chay runaj juchanta mana pampachayta munanqachu, manachayqa k'arajta chay runaj contranta phiñakonqa. Kay qhelqapi qhelqasqa kaj tukuy llakiykunataj patanpi kanqa. Ajinata ruwaspa, Tata Diosqa chay runaj sutinta kay pachamanta chinkachenqa.

1 Samuel 15:11

Saulta kuraj kamachej kananpaj churasqaymanta sonqoy ukhupi sinch'ita llakikuni, imaraykuchus payqa noqamanta karunchakun, manataj nisqayta junt'anchu, nispa. Chantá Samuelqa sinch'i llakisqa qhepakorqa, tukuy tutantintaj Tata Diosmanta mañakorqa.

Amós 7:3

Chantá Tata Dios khuyakuspa, nerqa: Chaytaqa mana ruwasajchu, nispa.

Amós 7:6

Chayrayku Tata Dios imatachus yuyasqanta manaña ruwayta munarqachu: Manallataj chaypis kanqachu, nispa.

Sofonías 1:2

Kay jinata Tata Dios nin: Noqaqa kay pachapi tukuy ima kaj chhikata chinkasqata chinkachisaj.

Sofonías 1:18

Tata Diospa phiñakuyninpa p'unchayninpi runaqa mana qolqewan nitaj qoriwan kacharichikonqachu. Aswanpis Tata Diospa phiñakuynenqa nina jina tukuy llajtantinta q'olaykonqa. Ajinata kay pachapi tukuy tiyakojkuna uj ñawi ch'irmiypi chinkarparichisqa kanqanku.

Isaías 27:11

Samariapi tiyakojkunaqa ch'aki sach'a jina kanku, mayqentachus warmikuna pallaytawan, q'onchapi ninaman enqhanku wayk'unankupaj, ajina. Israelitakunapis wampu mana yuyayniyoj kanku. Chayrayku paykunata Ruwajqa mana paykunamanta khuyakonqachu, manataj sonqontapis nanachikonqachu.