Génesis 5:22 - DIOSPA QHELQACHISQ

²² Enocqa Diospa munayninta ruwaspa kawsarqa. Matusalén paqarisqanmanta qhepata, Enocqa 300 watatawan kawsarqa, wawankunataj qharikuna, chantá warmikuna ima karqankuraj.

Qheshwa Biblia DC

²² Enocqa Diospa munayninman jinapuni kausarqa. Matusalén nacesqanmanta qhepata, Enoc kausarqa kinsa pachaj watastawan. Wawasnintaj karqanku qharis, chanta warmis.

DIOSPA QHELQACHISQAN DEUTEROCANONICAL

²² Enocqa Diospa munayninta ruwaspa kawsarqa. Matusalén paqarisqanmanta qhepata, Enocqa 300 watatawan kawsarqa, wawankunataj qharikuna, chantá warmikuna ima karqankuraj.

Génesis 5:22 Referans Kwoze

1 Tesalonicenses 2:12

Jinallataj mayta qankunata nerqayku Diospa wawankuna jina purinaykichejta, imaraykuchus paymin wajyasorqachej aswan qhepaman kamachiyninpi, chantá jatun kayninpa lliphipiyninpi ima kanaykichejpaj.

Génesis 17:1

Abram jisq'on chunka jisq'onniyoj watayoj kashajtin, Tata Dios payman rikhurispa, nerqa: Noqa Tukuy Atiyniyoj Dios kani. Chayrayku qan munasqayman jina cheqanta puriy.

San Lucas 1:6

Qhari warmi Diospa ñawpaqenpi cheqan kawsayniyoj karqanku, Diospa nisqanman jina kawsakuspa, ni pejpa k'aminan.

Malaquías 2:6

Leví jatun aylloqa cheqan kajta runakunaman yachacherqanku, siminkupitaj mana ni ima ch'ichi parlay karqachu. Paykunaqa noqawan uj sonqolla cheqan kaypitaj kawsakorqanku, jinataj ashkha runakunata millayta purisqankumanta kutiricherqanku.

Génesis 6:9

Noéj kawsasqan kay jina karqa: Noeqa cheqanta ruwaj runa karqa, paytaj Diosta kasuspallapuni purerqa. Chaypacha tiyakojkunamanta paylla Diospa munasqanta ruwaspa kawsarqa.

1 Juan 1:7

K'anchaypichus kawsanchej chayqa, imaynatachus Diospis k'anchaypi kashan, ajinata, noqanchejpis ujkuna ujkunawan uj sonqolla kawsanchej, Diospa Churin Jesuspa yawarnintaj tukuy juchamanta llimphuchawanchej.

Miqueas 6:8

Ayllúy, Tata Dios nisunkiña imachus allin kasqanta. Payqa kayta ruwanaykita munan: Cheqan kajta ruwanaykita, khuyakuyniyoj kanaykita, chantá k'umuykukoj sonqowan payta kasunaykita ima.

Salmos 116:9

Chayrayku noqaqa Tata Diosta kasuspa purisaj kay pachapi kawsanaykama.

Levítico 26:12

Noqa qankunaj chawpiykichejpi purisaj. Diosniykichej kasaj, qankunataj aylluy kankichej.

Colosenses 1:10

Ajinata mañapuyku Tukuyta Kamachej Jesuspa munasqanman jina purinaykichejpaj, chantá tukuy imapi Diosta kusichinaykichejpaj. Ajinamanta allin kajta ruwaspa kankichej, jinataj Diosta astawan astawan rejsinkichej.

1 Tesalonicenses 4:1

Kunanqa wawqe panakuna, Tukuyta Kamachej Jesuspa sutinpi mañarikuyku, Diospa munasqanman jina kawsakunaykichejta. Diosta qhatejkuna jina imaynatachus kawsanata ña yachacherqaykuña, qankunataj ajinata kawsashankichejña. Chaywanpis qankunata mayta niyku ajinallatapuni kawsanaykichejpaj kallpakunaykichejta.

Efesios 5:15

Chayrayku imaynatachus purishasqaykichejta allinta qhawakuychej. Amaña wampu jinaqa kawsaychejchu, manachayqa yuyayniyojkuna jina.

Génesis 48:15

Chantá Jacob ajinata nispa, Joseta samincharqa: Jatun tatay Abrahampata, chantá tatay Isaacpatawan Diosnin, pitachus paykuna yupaycharqanku, chay Dios kasqaymantapacha kunankama uywakuwarqa.

Génesis 24:40

Paytaj niwarqa: Noqaqa Tata Diosta kasuspa purini. Chayrayku paymin angelninta qanta yanapasunanpaj kachamonqa, kay risqaykipi allin risunanpaj. Qanqa aylluy ukhumanta churiypaj uj warmita pusamunki.

Colosenses 4:5

Cristota mana qhatejkunawan allinta yuyaychakuspa puriychej. Jinallataj Diosmanta parlanaykichejpaj jina kajtin, paymanta parlaychejpacha.

2 Corintios 6:16

Diospa Templonpeqa ni ima lanti kananchu tiyan, icharí? Qankunamin kawsashaj Diospa templon kankichej. Diosmin kayta nin: Noqaqa paykuna ukhupi tiyakusaj, purisajtaj. Paykunaj Diosninku kasaj, paykunataj aylluy kanqanku, nispa.

Romanos 8:1

Chayrayku pikunachus Cristo Jesusman ujchasqa kajkunaqa manaña ni imamanta juchachasqachu kasunchej.

Hechos 9:31

Chaykama Iglesiaqa allillan kasharqa tukuy Judeapi, Galileapi, Samariapi ima. Jesusta qhatikojkunataj Diospa wawan jina wiñasharqanku, ashkhayasharqankutaj Santo Espíritoj yanapayninwan. Chantá Tukuyta Kamachej Jesusta may respetowan qhawaspa kawsakusharqanku.

Miqueas 4:5

Waj suyukunaqa diosninkuta kasuspa purinku. Noqanchejrí Tata Diosninchejta kasuspapuni purisunchej.

Amós 3:3

Sichus iskay runakuna khuska purinku chayqa, ujllata parlasqankurayku ajinata purinku.

Oseas 14:9

Tukuy yachayniyojkuna, allin yuyayniyojkuna, kay simita jap'ikuchunku: Tata Diospa kamachisqanqa cheqanmin, cheqan kawsayniyojkunataj chaykunata kasunku. Mana kasukojkunatajrí chaypi misk'aspa, urmanqanku.

TAKIYKUNA 1:4

Usqhayta pusarikuway ari. Kuraj kamachejníy, puñunaykiman pusakuway. Qanwan manchayta kusikusqayku. Munarikusqaykeqa vinomantapis astawan misk'i. Chayrayku sipaskunaqa mayta munakusunku.

Salmos 128:1

(1b) Tata Diosta manchay jatun respetowan qhawaspa purejkunaqa kusisqa kawsakonqanku. Pikunachus kamachisqanta kasojkunapis kusisqallataj kawsanqanku.

Salmos 86:11

Tata Dios, ñanniykipi puriyta yachachiway, qanta kasuspa purinaypaj. Sonqoypi kay jinata munanalla kachun: Qanllata yupaychasuyta munana.

Salmos 56:13

13 (14) imajtinchus wañuymanta kacharichiwarqanki, urmanaymantapis jark'awarqanki. Chayrayku kunanqa, Diosníy, ñawpaqeykipi kawsayta qoj k'anchayniykipi purisaj.

Salmos 26:11

Kawsayniyrí ni pej ima ninan. Chayrayku qhespichiway, noqamantataj khuyakuway.

Salmos 16:8

Noqaqa Tata Diospipuni yuyani, pay noqawan kajtintaj, mana imapis urmachiwanqachu.

2 Reyes 20:3

Tata Dios, noqamanta yuyarikuy, imaynatachus cheqanta, allin sonqowantaj ñawpaqeykipi purisqaymanta, munayniykiman jina ruwaspa, nispa. Chantá Ezequías manchay llakisqa waqarikorqa.

1 Reyes 2:4

Ajinamanta Tata Diosqa tukuy ima niwasqanta junt'anqa. Pay niwarqa: Sichus churiykikuna allinta ruwaspa purenqanku, ñawpaqeypi cheqan kajta ruwaspa tukuy sonqonkuwan, tukuy yuyayninkuwantaj chayqa, mirayniykimanta kajqa kallanqapuni Israelpa kamachinan tiyanapi tiyakuspa, Israelta kamachinanpaj, nispa.

Deuteronomio 28:9

Sichus kamachisqanta junt'anki, munasqanman jinataj allinta purinki chayqa, Tata Dios tiluspa nisusqanman jina, ajllakusqan aylluta jina jap'illasonqapuni.

Deuteronomio 13:4

4 (5) Qankunaqa Tata Diosniykichejta qhatikuspa, payllata yupaychaychej. Kamachisqanta junt'aychej, paypa nisqantataj uyariychej. Payllaman k'askakuychej, amataj payta wasanchaychejchu.

Deuteronomio 5:33

Qankunaqa Tata Diosniykichejpa kamachisusqanta kasuspa, allinta puriychej, Tata Dios qosonqachej chay jallp'api unayta kawsakunaykichejpaj, chantá allin rinasuykichejpaj.

Éxodo 16:4

Chantá Tata Dios Moisesta nerqa: Noqa janajmanta mikhunata parachimusaj. Sapa p'unchay israelitakuna toldonkumanta llojsispa, uj p'unchay mikhunankupaj jinalla pallakonqanku. Ajinamanta yachasaj kamachisqayta kasonqankuchus, manachus, chayta.

Génesis 5:24

Enocqa Diospa munayninta ruwaspa kawsarqa. Chantá uj p'unchay chinkaporqa, imaraykuchus Dios kawsashajta pusakaporqa.

1 Corintios 7:17

Qharikuna, chayrí warmikuna imaynachus karqanku maypachachus Dios paykunata wajyarqa chaypacha, ajinallapuni kakuchunku. Noqaqa tukuy iglesiakunapi kajkunapaj kayllatapuni kamachini.

Génesis 5:21

Enoc 65 watayoj kashajtin, churin Matusalén paqarerqa.

Génesis 5:23

Tukuyninpi Enocqa 365 watata kawsarqa.