Génesis 48:7 - DIOSPA QHELQACHISQ

⁷ Noqa Padán Arammanta kutimushajtiy, Canaanpi Efrataman chayashajtiy, mamayki Raquel wañuporqa. Chantá Efrataman rina ñan qayllapi ayanta p'ampakaporqani. Kunan chaypa sutenqa Belén, nispa. Ajinata Israelqa Joseta nerqa.

Qheshwa Biblia DC

⁷ Padan-aranmanta kutimushajtiy mamayki Raquel wañuporqa Canaán jallp'api, manaraj Efrataman chayamushaspa, chay Efrata ñampi p'ampaykorqani, kunantaj chayqa Belén sutiyoj.

DIOSPA QHELQACHISQAN DEUTEROCANONICAL

⁷ Noqa Padán Arammanta kutimushajtiy, Canaanpi Efrataman chayashajtiy, mamayki Raquel wañuporqa. Chantá Efrataman rina ñan qayllapi ayanta p'ampakaporqani. Kunan chaypa sutenqa Belén, nispa. Ajinata Israelqa Joseta nerqa.

Génesis 48:7 Referans Kwoze

San Mateo 2:18

Ramá llajtapi uj qhapariy uyarikun, jatun waqay, jik'uytaj. Raquelqa wawankunamanta waqashan, manataj sonqochasqa kayta munanchu, imaraykuchus wawankunaqa wañuchisqaña, nispa.

Génesis 35:9

Chaymanta qhepaman Jacob Padán Arammanta kutimushajtin, ujtawan Dios payman rikhurerqa, chantá payta samincharqa.

Miqueas 5:2

2 (1) Qantajrí Efratamanta Belén llajta, Judá jap'iypi kaj llajtakunamanta aswan juch'uy kanki. Chaywanpis qanmantamin Israelta kamachej llojsenqa. Paypa miraynenqa wiñay wiñaymantaña.

1 Samuel 17:12

Chaypacha Judamanta Belenpi Yesé sutiyoj runa tiyakusharqa. Payqa Saúl kawsashajtin unayniyojña karqa. Chay runajta pusaj churinkuna tiyaporqa, ujnin kaj churintaj David karqa.

1 Samuel 10:2

Kunanqa kaymanta ripushaspa, Raquelpa ayan p'ampasqa kashan chaynejpi, Selsa llajta qayllapi, iskay runakunawan tinkukunki. Chayqa Benjamín jatun aylloj jap'iyninpi kashan. Paykunataj nisonqanku mask'asharqanki chay burrokunata tarisqankutaña. Chantá nillasonqankutaj tataykeqa manaña burrokunamantachu llakisqa kashasqanta, manachayqa qankunamanta: Wawayta tarinaypaj, imatataj ruwaymanri? nispa.

1 Samuel 1:1

Efraín jatun aylloj jap'iyninpa orqorara cheqapi, Ramá llajtapi uj runa Elcana sutiyoj tiyakorqa. Payqa Jeroanpa churin karqa, jinataj Eliujpa allchhin. Eliujpa tatantaj Tohu karqa, paytaj Sufpa churin. Tukuy paykunaqa Efraín jatun ayllumanta karqanku.

Rut 1:2

Chay runaj sutenqa Elimelec karqa, warmintaj Noemí, chantá iskaynin churinkuna Majlón, Quelión ima, paykuna Judá Belenpi karqanku. Chantá Moabman chayaspataj chaypi tiyakorqanku.

Génesis 25:20

Isaacqa Rebecawan casararqa, chaypacha tawa chunka watayoj karqa. Rebecaqa Betuelpa ususin karqa, Labanpa panantaj. Paykunaqa Padán Aram nisqa llajtayoj karqanku.

Génesis 33:18

Jacobqa Padán Arammanta kutimpuspa, Canaanpi Sichem llajtaman walejllata chayarqa. Chayman chayaspataj, Sichem llajtaj chimpanpi tiyakorqa.

Génesis 35:20

Chantá Jacobqa Raquelpa ayan p'ampasqa patapi rumikunata tawqarqa. Chay tawqasqa rumikuna, Raquel maypichus p'ampasqa karqa, chayta rikuchishan.

Génesis 48:6

Sichus kaymanta qhepaman waj wawaykikuna kanqankuraj chayqa, chaykuna qanpata kanqanku. Efrainpata, Manasespatawan wawqenku kasqankurayku paykunapis qanmanta chayaqeta jap'illanqankutaj.

1 Samuel 16:4

Samueltaj Tata Diospa kamachisqanta kikinta ruwarqa. Belenman chayashajtinñaqa, chay llajtamanta kurajkuna uj chhika mancharisqa taripaj llojsimuspa, Samuelta taporqanku: Allin sonqowanchu jamushawayku? nispa.