Génesis 48:21 - DIOSPA QHELQACHISQ

²¹ Chaymantataj Joseta nerqa: Noqaqa wañupusajña, chaywanpis Diosmin qankunawan kanqa. Aswan qhepamantaj payllataj ñawpa tataykichejpa Canaán jallp'aman kutichisonqachej.

Qheshwa Biblia DC

²¹ Chaymantataj Joseman nerqa: Qhaway, noqaqa wañupusajña, Dios qankunawan kanqa. Payllataj kutichisonqachej ñaupa tatasniykichejpa jallp'anman.

DIOSPA QHELQACHISQAN DEUTEROCANONICAL

²¹ Chaymantataj Joseta nerqa: Noqaqa wañupusajña, chaywanpis Diosmin qankunawan kanqa. Aswan qhepamantaj payllataj ñawpa tataykichejpa Canaán jallp'aman kutichisonqachej.

Génesis 48:21 Referans Kwoze

Génesis 50:24

Uj kuti Joseqa wawqenkunata nerqa: Noqaqa wañupusajña. Diostajrí qankunata yanapaspa, kay jallp'amanta orqhosonqachej. Chaymantataj, ima jallp'atachus Abrahamman, Isaacman, Jacobman ima tiluspa, qonanta nerqa, chay jallp'aman pusasonqachej, nispa.

Génesis 46:4

Noqamin qanwan Egiptoman risaj, noqallataj mirayniykita orqhospa, paykunata kayman kutichimusaj. Chantá Egiptopi wañupojtiyki, Joseqa qayllaykipi kanqa ñawiykita wisq'ananpaj, nispa.

Génesis 28:15

Noqa qanwan kashani. Maymanpis rejtiyki, noqa waqaychasqayki, kutichimusqaykitaj kay jallp'aman. Mana saqerparisqaykichu, qanman imatachus nisqayta junt'anaykama, nispa.

Génesis 26:3

Kunanraykoqa kay llajtallapiraj tiyakushay. Noqa qanwan kasaj, yanapasqaykitaj. Aswan qhepanejmantaj qanman, chantá mirayniykiman ima kay tukuy jallp'ata qosqaykichej. Ajinata ruwaspa, noqa tatayki Abrahamman imatachus nisqayta junt'asaj.

Hebreos 7:3

Paypa tatanmanta, mamanmanta, ñawpa tatankunamantapis mana ni ima yachakunchu, nitaj paqarisqanmanta, ni wañusqanmantapis. Aswanpis payqa Diospa Churinman rijch'asqa kaspa, wiñaypaj sacerdote kashan.

2 Pedro 1:14

Chayta niykichej, imaraykuchus Tukuyta Kamachej Jesucristo sut'inchawanña kay pachamanta mana unaymanchu ripunayta.

Hebreos 7:8

Jinallataj sapa chunkamanta ujta jap'ej sacerdotekunaqa wañoj runalla kanku. Chaywanpis Diospa Qhelqachisqanpi nin Melquisedecqa mana wañusqanta, manachayqa kawsashasqanta.

2 Timoteo 4:6

Noqarí Diosman jich'asqa jaywana jina jaywasqa kanaypaj jinaña kashani. Wañunay p'unchayqa chayamushanña.

Hechos 13:36

David kawsanankama Diospa munayninman jina imatachus ruwananta ruwarqa. Chaywanpis wañupojtenqa, ñawpa tatankunaj qayllanpi payta p'amparqanku ayantaj q'etayaporqa.

San Lucas 2:29

Kunanqa Tukuyta Kamachej Dios, sonqoy junt'asqata pusakapuway, imaraykuchus niwasqaykeqa junt'akun.

Salmos 18:46

46 (47) Tata Dios jatunchasqa kachun, waqaychawajneyqa yupaychasqa kachun. Qhespichiwaj Diosneyqa yupaychasqa kachun.

Josué 23:14

Noqaqa wañuy patapiña kashani. Manaraj wañupushaspa, tukuy sonqo munani, tukuy kayniykichejwan ima rejsikapunaykichejta Tata Diosqa tukuy sumaj nisqanta junt'asqanta. Tukuy imata nisqanqa junt'akorqapuni.

Josué 3:7

Chantá Tata Dios Josueta nerqa: Kunan p'unchaymantapacha israelitakunajpa ñawpaqenkupi jatun respetowan qhawanaman tukuchisqayki. Ajinapi paykuna yachanqanku noqaqa qanwanpuni kashasqayta, imaynatachus Moiseswan karqani, jinata.

Josué 1:9

Noqamin kamachiyki: Sumajta kallpachakuy, waputaj kay. Ama manchachikuychu, nitaj q'ewakuychu. Noqa Tata Diosniyki qanwanpuni kasaj, maymanchá rinki, chaypi, nispa.

Josué 1:5

Kawsanaykikamaqa, mana pipis atipasonqachu, imaraykuchus noqa qanwan kasaj, imaynatachus Moiseswan karqani, ajinata. Mana jayk'ajpis saqesqaykichu, nitaj wijch'urpasqaykichu.

Deuteronomio 31:8

Tata Dios pay kikinpuni ñawpaqeykita renqa, qanwantaj kanqa. Payqa mana saqerpayasonqachu, nitaj qonqarparisonqachu. Ama manchachikuychu, nitaj kharkatitiychu, nispa.

Génesis 37:1

Jacobqa Canaán jap'iypi tiyakorqa, maypichus tatan waj llajtayoj jina tiyakusqa, chaypi.

Génesis 15:14

Qhepanejmanrí noqa wata runaman tukuchej suyumanta llajtayojkunata ñak'arichisaj, mirayniykitaj chaymanta manchay qhapaj llojsimonqanku.

Génesis 12:5

Abramqa warmin Saraita, chantá sobrinon Lottawan ima pusariykukorqa, paykunataj Canaanman ripunankupaj purirerqanku. Jinallataj Abramqa Jaranpi kashaspa imatachus tarisqanta apakaporqa. Wata runakunata rantikusqantapis pusakapullarqataj. Chantá Canaanman chayarqanku.

Deuteronomio 30:3

chaypacha Tata Diosniykichejqa karu llajtamanta kutichimusonqachej, khuyakusonqachejtaj. Ujtawantaj maykunamanchus wijch'usorqachej, chaymanta tantamusonqachej.

Génesis 15:16

Tawa pachaj wata tukukuytataj mirayniykeqa kay jallp'aman kutimponqanku, imajtinchus kaypi tiyakoj amorreokunaj millayta ruwasqankoqa manaraj chaykamachu. Chayrayku paykunata manaraj chinkarparichisajchu, nispa.

Génesis 47:29

Ujpacha Israelqa wañupunan qayllallaña kasqanta reparaspa, Joseta wajyachispa, nerqa: Sichus cheqatapuni munakuwanki chayqa, makiykita khapay chayman churaspa, tiluy imatachus nisusqayta ruwanaykita: Wañupojteyqa, ama ari Egiptopi p'ampawankichu.

Génesis 50:6

Faraontaj nerqa: Riy ari, pay kamachisusqanman jina tataykej ayanta p'ampakampuy, nispa.