Génesis 44:2 - DIOSPA QHELQACHISQ

² Chantá qolqe metalmanta vasoyta sullk'a kajpa costalninman churaykunki, trigomanta pagasqan qolqetawan khuskata, nispa. Mayordomotaj Joséj nisqanman jina kikinta ruwarqa.

Qheshwa Biblia DC

² Qolqe copaytataj sullk'a kajpa costalninman churaykunki, trigomanta qowasqan qolqetawan khuska, nispa. Mayordomotaj chay nisqanman jina kikinta ruwarqa.

DIOSPA QHELQACHISQAN DEUTEROCANONICAL

² Chantá qolqe metalmanta vasoyta sullk'a kajpa costalninman churaykunki, trigomanta pagasqan qolqetawan khuskata, nispa. Mayordomotaj Joséj nisqanman jina kikinta ruwarqa.

Génesis 44:2 Referans Kwoze

2 Corintios 8:8

Chayta nispaqa, noqa mana kamachishaykichejchu imatachus ruwanaykichejta. Manachayqa yachanaykichejta munani, imaynatachus ujkuna tukuy sonqo yanapanankupaj qolqeta qoshanku, chaymanta. Ajinamanta qankuna reparakuyta atinkichej imayna munakuywanchus wajkunata yanapanaykichejpaj qoshasqaykichejta.

San Mateo 10:16

Kunanqa, noqa kachashaykichej ovejatapis atojkunaj chawpinkuman kachashayman jina. Qankunarí katarikuna jina sumaj yuyayniyoj kaychej, urpikuna jinataj llamp'u sonqoyoj.

Deuteronomio 13:3

3 (4) amapuni payta uyarinkichejchu. Chaynejta Tata Diosniykichej yachariyta munan cheqatapunichus tukuy sonqoykichejwan, tukuy almaykichejwan ima payta munakusqaykichejta.

Deuteronomio 8:16

Ch'innejpi maná nisqata mikhuchisorqachej, ñawpa tataykichejkunaj mana rejsisqanku mikhunata. Chaykunata payqa, qankunata k'umuykuchinanpaj, chantá sonqoykichejta yachananpaj ruwarqa, qankunaj allinniykichejpaj.

Deuteronomio 8:2

Qankuna tukuy ch'innejta tawa chunka watata purisqaykichejta yuyarikuychej. Tata Diosniykichej chaynejta pusamusorqachej qankunata k'umuykuchinanpaj, chantá sonqoykichejpi imachus kasqanta yachananpaj.

Génesis 43:32

Josepaj waj mesapi mikhunata churarqanku, wawqenkunapajtaj waj mesapi. Egipto llajtayojkunapajrí mikhunata waj mesaman churapullarqankutaj, imaraykuchus paykunaqa hebreokunawan khuska mana mikhuyta munajchu kanku. Egipto llajtayojkunapaj hebreokunawan khuska mikhoyqa mana allinpajchu qhawasqa karqa.

Génesis 42:20

Chantá kutimunawaykichejpaj sullk'aykichejta pusamuwankichej. Chaypi yachasaj cheqantachus parlashankichej manachus, chayta. Manachus wawqeykichejta pusamunkichej chayrí, wañuchisqa kankichej, nispa. Paykunataj kuticherqanku: Ajina kachun, tatáy, nispa.

Génesis 44:1

Chay qhepata Joseqa mayordomonta kamacherqa: Kay runakunaj costalninkuman trigota junt'aykuchiy, atisqankuta apakunankupaj. Jinataj qolqe pagasqankuta sapa ujninkoj costalninkuman churaykapullankitaj.

Génesis 44:3

Chantá tutamanta inti phawarqamuyta jina, Josejpa wawqenkuna burronkuta qhatiriykukuspa, riporqanku.

Génesis 44:12

Mayordomotaj kuraj kajmanta qallarispa, sullk'api tukuspa, costalninkuta mask'arqa. Jinaspataj, vasotaqa Benjaminpa costalninpi tarerqa.

Génesis 42:25

Chantá José kamachinkunata nerqa wawqenkunaj costalninkuman trigota junt'arachipunankuta, qolqe pagasqankutataj sapa ujpa costalninkuman churaykuspa, siraykunankuta. Nillarqataj qoqawitapis churapunankuta, ñanpi mikhunankupaj. Kamachinkunataj Joséj nisqanta ruwarqanku.