Génesis 44:16 - DIOSPA QHELQACHISQ

¹⁶ Chantá Judá kuticherqa: Wiraqochíy, imatataj niykumanri? Mana suwachu kasqaykuta rikuchinaykupaj, imatataj ruwayta atiykumanri? Diosqa unay mana allinta ruwasqaykuta kutichipushawayku. Makiykipi kashayku. Pejpa costalninpichus vasoyki rikhurerqa, chaywan khuska wata runayki kasqayku, nispa.

Qheshwa Biblia DC

¹⁶ Judataj kuticherqa: Wiraqochi, imatataj astawan qanman nisqaykuri? Imaynamantataj kunan noqayku willasqayku mana suwaschu kasqaykutari? Dios taripawayku juchayku patapi. Kunanqa makiykipi kayku; kamachisniyki kayku, pejpapichus copayki rikhurin chaywan khuska.

DIOSPA QHELQACHISQAN DEUTEROCANONICAL

¹⁶ Chantá Judá kuticherqa: Wiraqochíy, imatataj niykumanri? Mana suwachu kasqaykuta rikuchinaykupaj, imatataj ruwayta atiykumanri? Diosqa unay mana allinta ruwasqaykuta kutichipushawayku. Makiykipi kashayku. Pejpa costalninpichus vasoyki rikhurerqa, chaywan khuska wata runayki kasqayku, nispa.

Génesis 44:16 Referans Kwoze

Génesis 44:9

Sichus mayqenniykojpa makinpi vason rikhurenqa chayqa, chay wañuchisqa kachun. Noqaykutaj wiraqochiykoj wata runan kasqayku, nispa.

Daniel (hebreo) 9:7

Tukuyta Kamachej Diosníy, qan cheqanta ruwaj kanki. Noqayku israelitakunarí tukuyniyku p'enqasqa kashayku: Jerusalenpi tiyakojkuna, jinallataj tukuynin israelitakuna, qayllapi, chayrí, karupi tiyakojkunapis, maymanchus wijch'uwarqayku qanpa contraykipi oqharikusqaykurayku, chaypi.

San Lucas 12:2

Tukuy pakasqa kajpis jinallataj mana sut'inchasqa kajpis sut'inchakonqapuni.

Números 32:23

Sichus nisqaykichejman jina mana ruwankichejchu chayrí, kayta allinta yachaychej: Tata Diospa contranta juchallinkichej, juchallisqaykichejraykutaj paypa jasut'iynin pataykichejpi kanqa.

Hechos 2:37

Pedro imatachus nisqanqa sonqonkuman chayarqa, paykunataj maytapuni llakikorqanku. Chayrayku Pedroman, Jesuspa chay ujkuna kuraj kachankunamanwan nerqanku: Kunanqa, wawqekuna, imatataj ruwasqaykuri? nispa.

San Mateo 7:2

Imaynatachus wajkunata juchachankichej, ajinallatataj Diospis qankunata juchachasonqachej. Imayna sonqowanchus wajkunata qhawankichej, chay jinallatataj Dios qankunata qhawasonqachej.

Isaías 27:9

Ajinamanta Jacobpa millay ruwasqan pampachasqa kanqa. Chay runakunaj juchanku pampachasqa kasqanmantataj paykuna kayta ruwanqanku: Lantikunaj altarninkoj tukuy ruminta, cal rumita jina ñut'usqata ruwanqanku. Lanti Asera k'ullukunatapis manaña sayajta saqenqankuchu, nitaj lantiman inciensota q'oshñichina altarkunatapis.

Isaías 5:3

Tata Dios nin: Kunanqa Jerusalén llajtamanta, Judá suyumantawan kajkuna, niychej ari: Pitaj juchayoj kanmanri? Uva huertachu, chayrí noqachu?

Proverbios 28:17

Runa masinta wañuchejqa jallp'aj sonqonman yaykunankama ayqeykachanqa. Ama pipis payta jark'akuchunchu chinkachisqa kananmanta.

Proverbios 17:15

Tata Dios manapuni munanchu pipis juchallikojta llimphuman orqhonanta, nillataj kusikunchu pipis mana juchayojta juchachasqanmanta.

Job 40:4

Mana imapis kashaspa, ima nispataj qanman kutichiykimanri? Noqapajqa ch'inlla kakunay aswan walej.

Esdras 9:15

Israelpa Tata Diosnin, qan cheqan kanki noqaykuwan. Qan noqaykumanta puchoj t'aqa kawsanaykuta munarqanki, imaynachus kunan p'unchay rikushayku jina. Noqaykoqa cheqamanta ñawpaqeykipi juchayoj kayku. Ajinallapuneqa mana ñawpaqeykipi kayta atiykumanchu.

Esdras 9:10

Kunanrí, Diosniyku, imata niyta atiykuman chay jina mana allinkunata ruwasqaykumantari? Kamachisqaykita mana kasorqaykuchu,

Jueces 1:7

Chaypacha Adonibesecqa nerqa: Ñawpajtaqa noqa qanchis chunka kuraj kamachejkunaj makinkoj machu ruk'anankuta, jinallataj chaki machu ruk'anankutapis mut'uracherqani. Chantá chay runakunataj mikhuna t'akakusqanmanta mesay urapi mikhunankupaj pallaj kanku. Kunanrí imaynatachus noqa ruwarqani, kikillantataj Tata Dios ruwawan, nispa. Chantá Jerusalenman payta aparqanku, chaypitaj wañuporqa.

Josué 7:18

Zabdij toldonmanta ujmanta uj chimpajtinkutaj, Achán juchayoj rikhurerqa. Payqa Judá jatun ayllumanta Carmij churin karqa, Zabdij allchhin, chantá Zerajpa churinpa allchhintaj.

Josué 7:1

Judá jatun ayllumanta uj runa Achán sutiyoj karqa. Payqa Carmij churin karqa, Zabdij allchhin, chantá Zerajpa allchhinpa churintaj. Payqa Tata Diospa nisqanman jina phirisqa kanan karqa, chaykunamanta wakinta jap'ispa, pakaykorqa. Chayrayku tukuy israelitakuna Tata Diospa ñawpaqenpi juchayoj rikhurerqanku, phirisqa kanan karqa chaymanta wakinta Achán suwasqanmanta. Chaynejta Diospa phiñakuynin israelitakunaj contrankuta k'ajarerqa.

Deuteronomio 25:1

Sichus iskay runakuna ima jawa ch'ajwachinakunku chayqa, justiciata tarinankupaj juezkunaman richunku. Juezkuna mana juchayojta mana juchachanqankuchu, juchayojtataj juchayoj kasqanta nenqanku.

Génesis 44:32

Noqaqa tatayta nerqani kay waynamanta cuentayoj kanayta, chantá nillarqanitaj: Sichus noqa mana Benjaminta kutichimpusqayki chayqa, noqa wiñaypaj juchayoj kasaj, nispa.

Génesis 37:9

Chaymanta qhepanejman José ujtawan mosqokullarqataj, chaytataj wawqenkunaman willallarqataj: Ujtawan kay jinata mosqokullanitaj: Intiwan, killawan, chunka ujniyoj ch'askakunapiwan noqaman k'umuykamushawasqanku, nispa.

Génesis 37:7

Tukuyninchej chajrapi kashasqanchej, trigota marq'a marq'ata wataraspa. Ujllata noqaj marq'ay sayarispa, cheqanta sayasqa. Qankunaj marq'aykichejtaj noqaypaman muyuykuspa, k'umuykusqanku, nispa.

Génesis 44:17

Chantá José nerqa: Mana ni imarayku chaytaqa ruwaymanchu. Pichus vasota apashajlla wata runay kanqa. Qankunarí ama imamantapis llakikuspa, tataykichejpa wasinman kutipullaychej. Manataj pipis ima nisonqachejchu, nispa.

1 Reyes 17:18

Warmisapataj Eliasta nerqa: Diospa kamachin, imanaykitaj noqa qantari? Juchaymanta sut'inchajchu jamuwarqanki, chaymanta wawaypis wañunanpajri? nispa.