Génesis 42:9 - DIOSPA QHELQACHISQ

⁹ Chaymantataj José paykunamanta imatachus mosqokusqanta yuyarikorqa. Chantá paykunata nerqa: Qankunaqa wateqaj jamunkichej, kay suyupi maynejchus as saqerpasqalla kashasqanta yachaj, nispa.

Qheshwa Biblia DC

⁹ Chaymantataj Joseqa yuyarikorqa paykunamanta mosqokusqasninta. Paykunamantaj nerqa: Qankuna qhawarajkuna kankichej. Qankunaqa imayna rijch'ajchus kay llajta kasqanta qhawarajlla jamunkichej?

DIOSPA QHELQACHISQAN DEUTEROCANONICAL

⁹ Chaymantataj José paykunamanta imatachus mosqokusqanta yuyarikorqa. Chantá paykunata nerqa: Qankunaqa wateqaj jamunkichej, kay suyupi maynejchus as saqerpasqalla kashasqanta yachaj, nispa.

Génesis 42:9 Referans Kwoze

Éxodo 32:35

Chaypacha Tata Diosqa israelitakunata wañuchej onqoywan jasut'erqa, Aarón waka uña lanti ruwasqanta yupaychasqankumanta.

Hebreos 11:31

Jinallataj phisu warmi Rajabpis Diospi atinikusqanrayku, Diosta mana kasojkunawan khuska mana wañuchisqachu karqa, imaraykuchus wateqajkunata tukuy sonqo wasinman wajyarikorqa.

San Lucas 20:20

Chantá judiokunaj kurajninkukunaqa allinman tukoj puraj uya runakunata kacharqanku, Jesusta wateqanankupaj. Jinamanta Jesusta ima parlasqallanpipis jap'iyta munarqanku, Romaj churasqan kamachejpa makinman jaywaykunankupaj.

1 Samuel 26:4

Chayrayku Davidqa wateqajkunata kacharqa, yachanankupaj cheqatapunichus Saúl chayamusqanta.

Jueces 1:24

Chay wateqajkunataj llajtamanta uj runata llojsimushajta rikuspa, payta jap'erqanku, nerqankutaj: Sichus qan rikuchiwasqayku maynintachus llajtaman yaykunata chayqa, qanta khuyasqayku, nispa.

Josué 6:23

Paykunataj rispa, Rajabta, tatanta, mamanta, turanta, pi ayllunchus paywan kasharqanku, chaykunata ima orqhomorqanku, pusarqankutaj israelitakunaj jarankumanta jawaman.

Josué 2:1

Nunpa churin Josueqa Sitín nisqa chaymantapacha iskay wateqajkunata mana pejpa yachasqallan kachaspa, nerqa: Rispa, chay jallp'ata, chantá Jericó llajtatawan allinta qhawamuychej, nispa. Paykunataj rispa, Jericó llajtapi uj sajra purikoj warmej wasinman chayakorqanku, chay ch'isitaj chaypi qhepakorqanku. Chay warmej sutenqa Rajab karqa.

Números 13:2

Canaán suyuta qhawamunankupaj wakinta kachay, sapa jatun ayllumanta uj kamachejta, imaraykuchus chay suyuta israelitakunaman qonay kashan, nispa.

Génesis 42:34

Chantá ujtawan kutimuspa, sullk'aykichejta pusamuwankichej. Ajinapi sut'ita yachasaj qankuna cheqanta parlaj kasqaykichejta, manataj wateqaspa purejkunachu. Chantá kay wawqeykichejta kacharipusaj, qankunataj kay llajtapi mana pejpa ima nisqan purinkichej, nispa.

Génesis 42:16

Payta pusamoj ujnillaykichej rinkichej, wakinniykichejtaj kaypi preso qhepakunkichej. Chaypi yachakonqa cheqatapunichus parlashankichej manachus, chay. Manachus jina chayqa, qankunaqa wateqaspa purishankichej, nispa.

2 Samuel 10:3

chay amonitakunaj kuraj kamachejninkoqa kuraj kamachejninku Janunta nerqanku: Qan kuraj kamachejníy, yuyankichu David chay runankunata kachamusqanta tataykej wañupusqanmanta qanta sonqochanasunpaj? Payqa kachamun sumajta kay llajtata qhawaranankupaj, wateqanankupajtaj, chantá jamuspa llajtanchejta jap'inankupaj, nispa.

Génesis 37:11

Wawqenkunaqa Josemanta anchatataj envidiakorqanku. Tatantajrí Josejpa mosqokusqan ima niytachus munasqanta yachayta munaspa, unanchasharqa.