Génesis 41:43 - DIOSPA QHELQACHISQ

⁴³ Chaymantataj faraonqa Joseta iskay kaj carretanman wicharicherqa. Chantá faraón kamachinkunata kamacherqa Joséj ñawpaqenta qhaparispa, rinankuta: Qonqorikuychej, nispa. Ajinata Joseqa Egipto suyuta kamachinanpaj churasqa karqa.

Qheshwa Biblia DC

⁴³ Chaymantataj Josetaqa ujnin sumaj kaj carroman wicharicherqa; ñaupaqentataj qhaparispa rerqanku: Pasota qoychej!, nispa. Ajinata Josetaqa ajllaspa churarqanku kamachej kanampaj tukuy Egipto jallp'api.

DIOSPA QHELQACHISQAN DEUTEROCANONICAL

⁴³ Chaymantataj faraonqa Joseta iskay kaj carretanman wicharicherqa. Chantá faraón kamachinkunata kamacherqa Joséj ñawpaqenta qhaparispa, rinankuta: Qonqorikuychej, nispa. Ajinata Joseqa Egipto suyuta kamachinanpaj churasqa karqa.

Génesis 41:43 Referans Kwoze

Génesis 45:8

Ajinaqa Diospuni kay llajtaman kachamuwarqa, mana qankunachu. Paymin faraonta yuyaychanaypaj churawarqa. Jinallataj tukuy imanta qhawapunaypaj churallawarqataj, chantá tukuy Egiptopi kamachinaypaj ima.

Hechos 7:10

Jinapi Diosqa Joseta tukuy ñak'ariyninpi yanaparqa, jinallataj payman yuyayta, yachaytawan qorqa Egiptopi kuraj kamachej faraón allin ñawiwan qhawananpaj. Chaymantataj faraonqa Joseta churarqa tukuy Egiptota kamachinanpaj, ajinallatataj kamachinan wasitapis.

Génesis 45:26

Chantá Jacobman willarqanku: Joseqa kawsashasqaraj, paytaj Egiptopi kamachej kasqa, nispa. Jacobtajrí mancharispa, ch'inlla karqa, imaraykuchus llullakushasqankuta yuyarqa.

Génesis 42:6

Chaypacha José Egiptopi kamachishaspa, tukuynejmanta jamojkunaman trigota venderqa. Wawqenkunataj chayaytawan, Josejpa ñawpaqenpi pampakama k'umuykorqanku.

Filipenses 2:10

Ajinamanta Jesús Tukuyta Kamachej kasqanta rimarispa tukuy qonqorikonqanku, janaj pachapi kajkuna, kay pachapi kajkuna, chantá ukhu pachapi kajkunapis.

Génesis 42:33

Jinata nejtiyku, chay llajtata kamachej runa niwarqayku: Cheqanta parlaj kasqaykichejta kay jinamanta yachasaj: Kaypi noqawan ujnin wawqeykichejta saqeychej, qankunataj aylluykichejpaj trigota apaspa llajtaykichejman kutipuychej.

Génesis 42:30

Nerqankutaj: Egiptopi kamachej wiraqocheqa may phiñasqa parlawayku, tumpawaykutaj llajtankuman wateqaj risqaykumanta.

Génesis 41:42

Jinata niytawantaj, faraonqa selloyoj anillonta makinmanta orqhokuytawan, Josejpa makinman churaykorqa. Chaymantataj sumaj linomanta ruwasqa p'achata churanankuta kamacherqa. Jinaspataj, Josejpa kunkanman qorimanta ruwasqa walqatapis churaykucherqa.

Génesis 41:44

Faraontaj Joseta nerqa: Noqa faraón kani. Chaywanpis kay tukuynin Egipto suyupeqa kamachejtillayki runakuna imatapis ruwanqanku.

Génesis 50:18

Chantá wawqenkunañataj Joseman rispa, paypa ñawpaqenpi qonqoriykukorqanku, pampakama k'umuykuspataj, nerqanku: Kunanmantapacha wata runayki kasqayku, nispa.

Ester (hebreo) 10:3

Judío Mardoqueoqa atiyniyoj kaypi kuraj kamachej Asueroj qhepanpi karqa. Chantá tukuy judiokunapaj manchay sumaj runapaj qhawasqa karqa, jinallataj manchay munasqa karqa. Payqa llajta masinkunapaj allin kajta mask'arqa, ruwarqataj llajta masinkuna allinpi k'achata tiyakunankuta.

Génesis 50:9

Josewan ashkha runakuna rerqanku, carretakunapi, caballokunapi ima.

Ester (hebreo) 3:2

Kuraj kamachejpa kamachisqanman jina, kamachina wasi punkupi tukuynin kamachikuna qonqorikuspa, Amanta napaykoj kanku. Mardoqueotajrí mana qonqorikojchu, nitaj kasutapis ruwajchu.

Eclesiastés 4:14

Chay waynaqa astawan walej kamachinanpaj, carcelmanta llojsimorqa chaypis, chayrí kay suyupi wajcha paqarikorqa chaypis.

Daniel (hebreo) 2:48

Chaymanta kuraj kamachejqa Danielta jatuncharqa, sumaj t'inkatataj payman qorqa. Chantá payta Babilonia nisqa jap'iyta kamachinanpaj churarqa, jinallataj tukuy yachayniyojkunaj kurajninku kananpaj ima.