Génesis 41:42 - DIOSPA QHELQACHISQ

⁴² Jinata niytawantaj, faraonqa selloyoj anillonta makinmanta orqhokuytawan, Josejpa makinman churaykorqa. Chaymantataj sumaj linomanta ruwasqa p'achata churanankuta kamacherqa. Jinaspataj, Josejpa kunkanman qorimanta ruwasqa walqatapis churaykucherqa.

Qheshwa Biblia DC

⁴² Chayta niytawantaj faraonqa makinmanta sortejanta orqhokuytawan, chaypi karqa chay sellontawan Josej makinman churaykorqa. Chaymantataj kamacherqa sumaj lino p'achasta churanankuta, jinaspataj kunkanman churaykorqanku qorimanta ruwasqa walqata.

DIOSPA QHELQACHISQAN DEUTEROCANONICAL

⁴² Jinata niytawantaj, faraonqa selloyoj anillonta makinmanta orqhokuytawan, Josejpa makinman churaykorqa. Chaymantataj sumaj linomanta ruwasqa p'achata churanankuta kamacherqa. Jinaspataj, Josejpa kunkanman qorimanta ruwasqa walqatapis churaykucherqa.

Génesis 41:42 Referans Kwoze

Daniel (hebreo) 5:29

Chaymanta kuraj kamachej Belsasar kamacherqa Danielman puka p'achata churaykunankuta, kunkanmantaj qori k'achanchanata churanankuta. Chantá tukuyman willaracherqa suyupi Daniel kinsa kaj kamachej kananta.

Daniel (hebreo) 5:7

Chantá qhaparispa, kamachinkunata kamacherqa yatirikunata, yachayniyojkunata, ch'askakunata qhawaspa watojkunata ima pusamunankuta. Paykuna jamojtinkutaj, Belsasar nerqa: Sichus pillapis jaqay qhelqasqata ñawiriyta atin, sitajchus imatachus niyta munasqanta sut'inchawayta atinman chayqa, p'achallichisqa kanqa sumaj puka p'achawan, kunkanmantaj qori cadena k'achanchanata churanqanku. Chantá suyuypi kinsa kaj kamachejmin kanqa, nispa.

Ester (hebreo) 3:10

Chantá kuraj kamachejqa anillonta makinmanta orqhokuspa, agagueo miraymanta Hamedataj churin Amanman jaywarqa, pichus judiokunaj awqanku karqa, chayman.

Daniel (hebreo) 5:16

Chaywanpis niwanku, qan mana yachay atina kajta sut'inchayta atisqaykita, mana allinchay atinatapis allinchaj kasqaykita. Kunanqa, sichus qan chay qhelqasqata ñawirinki, jinataj imatachus niyta munasqanta willawanki chayqa, sumaj puka p'achawan p'achallichisqayki, kunkaykimantaj qori cadenata churachisaj. Chantá suyuypi kinsa kaj kamachej kanki, nispa.

Ester (hebreo) 8:2

Chantá kuraj kamachejqa Amanmanta qhechusqan anillota Mardoqueoman qorqa. Estertaj Mardoqueota mayordomomanta churarqa, Amanpata karqa, chay tukuy kapuyninta qhawananpaj.

Ester (hebreo) 8:15

Mardoqueoqa kuraj kamachejpa ñawpaqenmanta llojserqa kuraj kamachejpa churakunan anqawan yurajwan p'achayoj, umanpi jatun qori pillu churaykusqa, linomanta ruwasqa uj jatun puka mantawan llijllaykusqataj. Payta ajinata rikuspataj, Susa llajtapi tukuy tiyakojkunaqa maytapuni kusikorqanku.

Ester (hebreo) 8:10

Chay qhelqata Asueroj sutinpi wakicherqanku, anillonwantaj sellaykorqanku. Chaymantataj kachakunaqa kuraj kamachejpa aswan sumaj caballokunapi lloq'aspa, chay qhelqata aparqanku.

Ezequiel 27:7

Barco purichina velaykipis Egiptomanta apamusqa sumajnin linomanta ruwasqa karqa, wiphala jina laphaqeyarinanpaj. Llanthuchaj toldoykitaj Elisa sutiyoj llajtamanta apamusqa puka kulli telamanta ruwasqa karqa.

TAKIYKUNA 1:10

Uyitaykeqa manchay k'achitu ninriykipi jaluchukuna chawpipi, walqayoj kunkaykipis k'achitallataj.

Proverbios 31:24

Chay warmeqa lino p'achakunata awaspa, chantá chumpikunatawan ruwaspa, ranqherokunaman venden.

Proverbios 31:22

Pay kikin sumaj phullukunata awakun. Jinallataj puka yanaraw telamanta, chantá sumaj lino telamanta ruwasqa p'achawan p'achallikun.

Ester (hebreo) 8:8

Kunanqa qankuna imachus allin rijch'asusqaykichejta sutiypi qhelqaspa, anilloywan sellaychej, chantá tukuy judiokunamantaj apachiychej. Ima kamachisqapis kuraj kamachejpa sutinpi ruwakojqa kuraj kamachejpa anillonwan sellasqa kaspa, junt'akunanpuni tiyan, nispa.

Ester (hebreo) 3:12

Chantá wata qallariy killapi chunka kinsayoj kaj p'unchayta, Amanqa kuraj kamachejpa qhelqerinkunata tantacherqa. Paykunaqa sapa suyumanta runakunaj qhelqayninkuman jina, parlayninkuman jinataj qhelqarqanku, Amán imatachus sapa uj kurajkunaman, kuraj kamachejpa kamachinkunaman, sapa llajtapi kamachejkunaman ima kamachisqanta. Chaytataj kuraj kamachejpa sutinpi anillonwan sellaykuspa qhelqarqanku.

San Lucas 15:22

Tatanrí uywaqenkunata kamachisqa: Usqhayllata aswan sumaj p'achata orqhomuspa, kay wawayta p'achallichiychej. Anillotapis makinman churaychej, mosoj juk'utatapis chakinman.

Proverbios 1:9

Chay yachayqa umaykipi t'ikamanta pillu jina kanqa, kunkaykipitaj k'achitu walqa jina.

Ester (hebreo) 10:3

Judío Mardoqueoqa atiyniyoj kaypi kuraj kamachej Asueroj qhepanpi karqa. Chantá tukuy judiokunapaj manchay sumaj runapaj qhawasqa karqa, jinallataj manchay munasqa karqa. Payqa llajta masinkunapaj allin kajta mask'arqa, ruwarqataj llajta masinkuna allinpi k'achata tiyakunankuta.

Génesis 38:18

Judataj taporqa: Imatataj prendata jina qoykimanri? nispa. Warmitaj nerqa: Kunkaykipi warkhukushanki, chay selloykita qoway. Chantá jap'ishanki, chay varatawan qoway, nispa. Judataj warmej nisqanta qorqa, chantá paywan puñuykorqa. Jinamanta Tamarqa Judapaj onqoj rikhurerqa.

Génesis 41:43

Chaymantataj faraonqa Joseta iskay kaj carretanman wicharicherqa. Chantá faraón kamachinkunata kamacherqa Joséj ñawpaqenta qhaparispa, rinankuta: Qonqorikuychej, nispa. Ajinata Joseqa Egipto suyuta kamachinanpaj churasqa karqa.

1 Samuel 18:4

Chay jawa Jonatanqa ponchonta, ujnin p'achantawan ima Davidman qorqa. Jinallataj espadanta, flechana arconta, qaramanta chumpintawan ima qollarqataj.

Salmos 73:6

Chayrayku runaykachanaqa paykunapaj walqa jina, atiyniyoj kasqankupi atinikuspa, millay ruwasqankupis p'achanku jina.

TAKIYKUNA 4:9

Sonqoyta suwawanki, chunkitúy, munasqetáy. Ujta qhawarispalla, sonqoyta suwawanki. Sonqoyqa qanpata, kunkaykipi walqawan wataykuwasqaykiwan.

Jeremías 52:33

Chayrayku pay kamacherqa chaymantapacha Joaquinqa preso kanan p'achata saqespa, aswan sumaj p'achata churakunanta, jinaspataj kuraj kamachejwan khuska mikhunanta.

Isaías 3:23

Jinallataj espejokunata, sumaj linomanta p'achakunata, uma mayt'unata, velokunata ima chinkachenqa.