Génesis 4:7 - DIOSPA QHELQACHISQ

⁷ Sichus allinta ruwawaj chayqa, mana k'umuykachaspa puriwajchu. Manachus allin kajta ruwanki chayrí, juchaqa jap'erqosunanpaj jina suyaykushasunki. Ama qanqa juchalliyta munanawan atipachikuychu, nispa.

Qheshwa Biblia DC

⁷ Sichus allinta ruwawaj chayqa, mana jina uyayojchu kawaj. Qanqa mana allintachu ruwanki, chayrayku juchaqa atipaytaña munashasunki. Manachus jina kawaj chayqa, juchata atipawaj.

DIOSPA QHELQACHISQAN DEUTEROCANONICAL

⁷ Sichus allinta ruwawaj chayqa, mana k'umuykachaspa puriwajchu. Manachus allin kajta ruwanki chayrí, juchaqa jap'erqosunanpaj jina suyaykushasunki. Ama qanqa juchalliyta munanawan atipachikuychu, nispa.

Génesis 4:7 Referans Kwoze

Santiago 1:15

Chantá chay mana allin kajta ruwayta munanata pay kasun, jinataj juchallin. Pichus juchallispallapuni purejtaj wiñaypaj wañuyta tarikun.

Hebreos 11:4

Abelpis Diospi atinikusqanrayku Cainmanta nisqaqa aswan allin kaj jaywanata Diosman jaywarqa. Abel chayta Diosman jaywaspa, yachayta qorqa pay cheqan runa kasqanta, Diostaj jaywasqanta allinpaj qhawarqa. Ajinaqa Abelpa wañusqan unayña kashan chaypis, noqanchej Diospi atinikuspa imaynatachus kawsasqanmanta yachakuyta atinchej.

Romanos 6:16

Manachu yachankichej pichus uj runata kasullanpuni chayqa, chay runaj wata runanman tukupusqanta? Ajinaqa, sichus juchata kasunkichej chayqa, juchaj wata runan kankichej, jina kaspataj, wañuyllata tarinkichej. Diosta kasuspa purinkichej chayrí, cheqan kajta ruwanaykichejpaj kawsankichej.

Números 32:23

Sichus nisqaykichejman jina mana ruwankichejchu chayrí, kayta allinta yachaychej: Tata Diospa contranta juchallinkichej, juchallisqaykichejraykutaj paypa jasut'iynin pataykichejpi kanqa.

Romanos 12:1

Ajinaqa wawqe panakuna, Dios khuyakuyninpi qankunata qhespichinanpaj imatachus ruwasqanrayku kayta ruwanaykichejta mañakuykichej: Qankuna ukhuykichejta Diosman jaywaychej mana Diosman jaywasqa uywa jina wañunaykichejpajchu, manachayqa Diospa sonqonta kusichinapaj jina llimphuta kawsanaykichejpaj. Ajinata ruwaspamin Diosta tukuy sonqo yupaychankichej.

Malaquías 1:13

Qankuna nillankichejtaj: Kay ruwanawan amisqaña kayku, nispa. Chayta nispa, pisipaj qhawawankichej. Chantá yuyankichejraj kusikunayta, maypachachus noqaman apamuwankichej suwasqa uywata, chakin p'akisqata, chayrí onqosqatapis, chaypacha. Noqa Tukuy Atiyniyoj Tata Dios chayta nini.

Proverbios 21:27

Tata Diosqa millayta ruwajkunaj uywa ñak'asqa jaywasqankuta millachikun, mana allin sonqowan jaywasqankurayku.

Malaquías 1:10

Chantá Tukuy Atiniyoj Tata Diosqa nillantaj: May sumaj kanman, sichus mayqennillaykichejpis Temploj punkunta wisq'aykunman chayqa, ama ujtawan qhasi manakajpaj altarniypi ninata jap'ichinankupaj. Qankunawanqa mana sonqo junt'asqachu kani, nitaj ofrendaykichejtapis jap'ikusajchu.

Malaquías 1:8

Onqosqa uywata, ñawsa kajta, chakin p'akisqa uywakunata ima apamuwasqaykichejqa allillanchu? Riychej ari, qankunata kamachejkunaman chay onqosqa uywakunata jaywamuychej. Chantá yachankichej paykuna chay jaywasqaykichej uywakunata kusisqachus jap'ikonqanku manachus, chayta.

Hechos 10:35

Manachayqa mayqen suyullamantapis kachun, pichá Diosta jatun respetowan qhawan, cheqa kajtataj ruwan, chay runatamin Dios allinpaj qhawan.

Romanos 14:18

Sichus pipis ajinata Cristoj munasqanta ruwan chayqa, Diosta kusichin, runakunataj chaytaqa allinpaj qhawanku.

Jeremías 6:20

Imapajtaj qankuna Sabamanta inciensota apamuwankichejri? Imapajtaj karu llajtamanta sumajta q'apaj qhorakunatapis apamullawankichejtajri? Uywa ñak'asqa q'olachisqata jaywawasqaykichejqa mana jap'ikunaypaj jinachu, nillataj waj jaywasqaykichejpis kusichiwanchu, nispa.

Proverbios 18:5

Mana allinchu mana allinta ruwajta mana juchayojta rikhuricheyqa, nitaj allinchu cheqan runata juchachayqa.

1 Pedro 2:5

Qankunapis kawsashaj rumi jina kajtiykichej, Diosqa qankunawan mana rikukoj templonta perqachashan. Jinallataj juchamanta t'aqasqa sacerdotekunapis kallankichejtaj. Ajinaqa Santo Espirituman jina jaywanakunata Tata Diosman jaywankichej, chaykunatataj Diosqa Jesucristonejta tukuy sonqo jap'ikun.

Romanos 15:16

Jesucristoj kamachin jina, paymanta sumaj willayta mana judío kajkunaman willaranaypaj. Ajinamanta paykuna Santo Espiritunejta sumaj jaywana jina Diospaj t'aqasqa kanqanku.

Job 42:8

Kunanqa qanchis torillota, qanchis carnerotawan qhatiriykukuspa, kamachiy Jobman riychej. Chantá chay uywakunata q'olachispa, juchaykichej pampachasqa kananpaj noqaman jaywawaychej. Kamachiy Jobtaj qankunarayku noqamanta mañapusonqachej, noqataj uyarisaj. Jinamanta mana allinta noqamanta parlasqaykichejta pampachasaj. Qankunaqa mana kamachiy Job jinachu noqamanta cheqanta parlarqankichej, nispa.

Génesis 3:16

Chantá Tata Diosqa warmita nerqa: Onqoj kashaspa, sinch'i nanayta ñak'arinki, may jina nanaywantaj wawaykikunata paqarichikunki. Chaywanpis sonqoykeqa qosaykiman aysasonqa, paytajrí qanta kamachisonqa, nispa.

1 Timoteo 5:4

Chaywanpis, sichus mayqen warmisapa wawakunayoj, chayrí, allchhikunayoj kanman chayqa, paykuna chay warmisapata yanapaspa, imachus ruwanankuta junt'achunku. Ajinata ruwaspa, tata mamanku paykunata uywasqankumanta allin kajwan kutichiponqanku, imaraykuchus chayqa sumajmin, Diosta kusichintaj.

2 Samuel 24:23

Kay tukuyta qan kuraj kamachejniyman qopuyki, nispa. Chantapis Araunaqa nillarqataj: Chay jaywasqaykita Tata Dios kusisqa jap'ikuchun, nispa.

Efesios 1:6

Tata Dios ajinata ruwarqa payta yupaychananchejpaj, imaraykuchus payqa t'ukuna qhasilla k'acha yanapayninwan yanapawarqanchej munasqa Churinman ujchasqa kasqanchejrayku.

Génesis 19:21

Chantá angelkunamanta ujnin kaj nerqa: Imatachus mañakuwasqaykita uyariyki. Nishawanki, chay llajtata mana chinkachisajchu.

Job 29:4

Chaypacha noqaqa kallpaypi kasharqani, Diostaj noqawan kawsakuspa, yanapawarqa.

2 Reyes 8:28

Ocoziasqa Ajabpa churin Joranwan ujchakorqa, Siria suyuta kuraj kamachej Jazaelpa contranpi, Galaadpi Ramot llajtaman maqanakoj rinankupaj. Siriamanta soldadokunatajrí maqanakuspa, Joranta wañuy patapi saqerparerqanku.

Romanos 6:12

Chayrayku amaña saqeychejchu juchaqa qankunata munayninta ruwachinanta, nillataj sonqoykichejpa millay munayninta kasuychejchu.

Job 11:14

Sichus jucha q'epirisqa kashanki chayqa, chay juchata wijch'uy, wasiykipi millay kajta ruwanata ama qhawakullaychu.

Job 11:15

Ajinatachus ruwanki chayqa, mana p'enqakunkichu, mana imata manchachikuspataj kawsakunki.

Jeremías 3:12

Chayrayku, wichaynejman rispa, kayta Israelman willamuy: Tata Dios nin: Noqaman kutimpuway, wasanchawaj Israel. Mana phiñasqachu qanta qhawasqayki, nitaj phiñakuyneyqa wiñaypajchu kanqa, imaraykuchus noqaqa khuyakuyniyojmin kani. Noqa Tata Diosmin chayta niykichej.

Miqueas 7:18

Qan jina Dios mana waj dios kanchu, imaraykuchus qanqa juchaykuta pampachanki, qonqayman churanki puchoj aylluykej juchankuta. Qanqa munakuwasqaykuta rejsichiwayku, nitaj wiñaypajchu phiñakunki.