Génesis 4:22 - DIOSPA QHELQACHISQ

²² Silapis wawayojllataj karqa, sutintaj Tubal Caín karqa. Payqa broncemanta, fierromanta ima tukuy imata ruwayta yacharqa. Tubal Cainpata panantaj Noamá karqa.

Qheshwa Biblia DC

²² Zilapis wawayojllataj karqa, sutintaj karqa Tubalcaín. Chaytaj herrero karqa, ruwaj broncemanta, fierromantawan. Tubalcaimpata panan tiyarqa, sutintaj Naama karqa.

DIOSPA QHELQACHISQAN DEUTEROCANONICAL

²² Silapis wawayojllataj karqa, sutintaj Tubal Caín karqa. Payqa broncemanta, fierromanta ima tukuy imata ruwayta yacharqa. Tubal Cainpata panantaj Noamá karqa.

Génesis 4:22 Referans Kwoze

2 Crónicas 2:7

7 (6) Chayrayku kunanqa kachamuway ari uj runata, tukuy imata ruway yachajta qorimanta, qolqe metalmanta, broncemanta, fierromanta, puka kulli telamanta, puka telamanta, kulli telamanta ima. Yachallachuntaj kurkupi t'illmispa warawakunata ruwayta. Ajinamanta Judapi, Jerusalenpi ima noqawan kashanku, pikunatachus tatay David mink'akusqa, chay yachajkunawan yanapachikuspa tukuy imata ruwanqa.

Deuteronomio 33:25

Punku wisq'ananqa fierromanta, broncemantawan kachun. Wañupunankamataj kallpan ama tukukuchunchu, nispa.

Deuteronomio 8:9

Chay jallp'api mana ni imamanta usunkichejchu, nitaj imapis pisisonqachejchu. Rumimanta fierrota orqhonkichej, orqokunamantataj cobreta.

Números 31:22

Qorimanta, qolqemanta, broncemanta, fierromanta, estañomanta, chayrí titimanta tukuy ima ruwasqa,

Éxodo 25:3

Paykunamanta ofrendata kay imakunata jap'inkichej: Qorita, qolqe metalta, cobreta,

Génesis 4:21

Sullk'anpa sutintaj Jubal karqa, chaypa wawankunataj arpata, qenatawan waqachiyta yachajkuna karqanku.

Génesis 4:23

Uj kuti Lamecqa warminkunata nerqa: Ada, Silá, imatachus nisqayta sumajta uyariwaychej: Warmiykuna, noqaqa uj runata wañucherqani wajtawasqanrayku, uj waynatapis wañuchillarqanitaj sajmawasqanrayku.