Génesis 4:10 - DIOSPA QHELQACHISQ

¹⁰ Tata Diostajrí nerqa: Imatataj ruwarqankiri? Wawqeykej yawarnenqa jallp'amantapacha justicia ruwanayta qhaparimushawan.

Qheshwa Biblia DC

¹⁰ Diostaj nerqa: Imanarqankitajri? Wauqeykej yawarninta jich'asqaykeqa jallp'amantapacha qhaparimushawan.

DIOSPA QHELQACHISQAN DEUTEROCANONICAL

¹⁰ Tata Diostajrí nerqa: Imatataj ruwarqankiri? Wawqeykej yawarnenqa jallp'amantapacha justicia ruwanayta qhaparimushawan.

Génesis 4:10 Referans Kwoze

Hebreos 12:24

Aswanpis Jesusman qayllaykorqankichej, pinejtachus Dios mosoj tratota qankunawan ruwarqa, chayman. Jinallataj Jesuspa yawarnin ch'ajchusqaman qayllallankichejtaj. Chaywanpis chay yawarqa runaj juchan pampachasqa kananmanta parlan, mana Abelpa yawarnin jinachu wañuchisqa kasqanmanta vengakunamanta.

Hebreos 11:4

Abelpis Diospi atinikusqanrayku Cainmanta nisqaqa aswan allin kaj jaywanata Diosman jaywarqa. Abel chayta Diosman jaywaspa, yachayta qorqa pay cheqan runa kasqanta, Diostaj jaywasqanta allinpaj qhawarqa. Ajinaqa Abelpa wañusqan unayña kashan chaypis, noqanchej Diospi atinikuspa imaynatachus kawsasqanmanta yachakuyta atinchej.

Isaías 5:7

Tukuy Atiyniyoj Tata Diospa uva huertanqa Israelmin. Judá suyupi runakunataj may munasqa uva sach'anmin kanku. Tata Diosqa israelitakuna justiciata ruwanankuta suyarqa. Aswanpis runa wañuchinakuyllata tarin. Payqa tukuy imapis cheqan kananta suyarqa. Aswanpis nanaywan qhapariyllata uyarin.

Salmos 72:14

Payqa ñak'arichispa sarojkunaj makinkumanta wajchakunata kacharichenqa, imaraykuchus paypajqa kawsayninku manchay valorniyojmin.

Santiago 5:4

Chantá qankuna chajraykichejta oqharejkunaman ch'awkiyaspa mana pagarqankichejchu, chay mana pagasqaykichej qolqetaj contraykichejta qhaparishan. Arí, chajraykichejta oqharejkunaj qhaparisqankoqa Tukuy Atiyniyoj Diospa ninrinkama chayan.

Salmos 9:12

12 (13) Tata Dios pichus runata wañuchejkunamanta cuentata mañanqa, ñak'arichisqa kajkunamantataj qhawarenqa. Jinallataj payqa llakiyniyojkunaj qhaparikusqankuta mana qonqanchu.

Números 35:33

Maypichus tiyakunkichej, chay jallp'ata ama manakajman tukuchinkichejchu, imajtinchus runata wañucheyqa jallp'ata ch'ichichan. Chay jallp'aqa llimphuchasqa kanqa, runata wañuchej wañuchisqa kajtillan.

Job 16:18

Jallp'a, ama yawarniyta pakaychu ari. Ama saqeychu qhaparikusqay ch'inyananta.

Génesis 9:5

Qankunata wañuchisoj animalmanta, chayrí qankunata wañuchisoj runamanta noqa cuentata mañasaj. Sapa runamanta runa masinta wañuchisqanmanta cuentata mañallasajtaj.

Salmos 50:21

Chayta qan ruwashajtiyki, noqa ch'inlla karqani. Ichapis chayrayku qan yuyarqanki noqa qan jina kasqayta. Kunanrí noqa uyanchasqayki, millayta ruwasqaykimantataj cuentata mañasqayki.

Éxodo 3:7

Chantá Tata Dios nillarqataj: Noqa Egipto suyupi israelitakuna sonqo nanayta ñak'arishasqankuta rikuni. Jilaqatakuna jasut'ispa, imaynatachus waqachisqankutapis uyarini. Imaynatachus llakikushasqankuta yachallanitaj.

Job 24:12

Llajtapi wañuy patapi kajkunaj ayqosqanku uyarikun, wañuy patapi kajkunataj sonqo nanayta qhaparishanku. Diostajrí mañakusqankuta mana uyarinchu.

2 Reyes 9:26

Qayna Nabotta, chantá wawankunata ima kaypi wañuchisqaykita rikorqani. Noqarí sut'ita niyki: Kay kikin cheqallapitaj qanmanta vengakusaj, nispa. Chayrayku Ajabpa churin Joranpa ayanta Nabotpa jallp'anman wijch'uykuy, ajinata Tata Diospa nisqan junt'akunanpaj, nispa.

Josué 7:19

Chantá Josueqa Achanta nerqa: Wawáy, Israelpa Tata Diosninta jatunchaspa, imatachus ruwasqaykita ama pakaspa sut'inta willaway, nispa.

Génesis 18:20

Chayrayku Tata Dios Abrahamman willarqa: Sodomapi Gomorrapiwan tiyakojkunaj millayta ruwasqankumanta anchaña uyarikun, juchallisqankutaj ancha millaypuni.

Génesis 3:13

Chantá Tata Diosqa warmita taporqa: Imatataj ruwarqankiri? nispa. Paytaj kuticherqa: Katari q'otiyawarqa, chayrayku mikhorqani, nispa.

Hechos 5:9

Chantá Pedroqa Safirata nerqa: Imaraykutaj qosaykiwan yachachinakorqankichej Tukuyta Kamachej Jesuspa Espiritunman llullakunaykichejpajri? Kunitan kay punkuman chayamushanku qosaykita p'ampamojkuna, paykunataj qantapis p'ampaj apallasonqankutaj, nispa.

Hechos 5:3

Jinapi Pedro payta nerqa: Ananías, imaraykutaj Supay Satanasta sonqoykipi kasunki? Qanqa Santo Espirituta q'otiyayta munaspa vendesqayki qolqemanta wakinta pakaykorqanki.

Deuteronomio 21:1

Tata Diosniykichej jallp'ata qosunkichej chaypi, ichapis uj runa wañusqa rikhurinman, manataj pichus wañuchisqan yachakunmanchu chayqa,

1 Samuel 13:11

Samueltajrí Saulta nerqa: Imaraykutaj kayta ruwarqankiri? nispa. Saultaj kuticherqa: Soldadokuna ripurashasqankuta rikorqani, jinallataj qanpis señalasqa p'unchaypaj mana chayamusqaykita rikorqani. Filisteokunapis Micmaspi tantasqa kashasqankuta yacharqani.

2 Crónicas 28:9

Israelpa soldadonkuna Samaria llajtaman kutipushajtinku, Tata Diosmanta sut'inchaj Obed sutiyoj paykunata taripaspa nerqa: Ñawpa tataykichejpa Tata Diosnenqa Judá suyoj contranta phiñakuspa qankunaman jaywaykusorqachej. Qankunatajrí sinch'ita phiñakuspa paykunata wañuracherqankichej, chay ruwasqaykichejmantataj Tata Diosqa cuentata mañasonqachej.

Salmos 9:13

13 (14) Tata Dios, noqamanta khuyarikuway. Qhawariy imaynatachus chejnikuwajkuna llakichiwasqankuta. Wañuy patapi kashajtiy, orqhoway.