Génesis 39:9 - DIOSPA QHELQACHISQ

⁹ Kay wasipi mana pipis noqamanta aswan atiyniyoj kanchu, patronniytaj tukuy imata makiyman saqewan. Qanllata mana saqewanchu, imajtinchus qanqa warmin kanki. Ajinaqa, imaynatataj chay jina millayta ruwaspa, Diospa contranpi juchalliymanri? nispa.

Qheshwa Biblia DC

⁹ Kay wasipeqa mana pipis imata ruwananchu tiyan, manachayqa noqalla cuentayoj kani. Chayrayku patronneyqa niwan tukuy imasninmanta dueño jina kanayta, qanllamanta mana ima ruwanaychu tiyan, imaraykuchus qanqa warmin kanki, chayrayku. Ajinaqa, imaynatataj noqa ruwasaj kasqa chay millaytari, juchallikusajtaj Diospa contrantari?

DIOSPA QHELQACHISQAN DEUTEROCANONICAL

⁹ Kay wasipi mana pipis noqamanta aswan atiyniyoj kanchu, patronniytaj tukuy imata makiyman saqewan. Qanllata mana saqewanchu, imajtinchus qanqa warmin kanki. Ajinaqa, imaynatataj chay jina millayta ruwaspa, Diospa contranpi juchalliymanri? nispa.

Génesis 39:9 Referans Kwoze

2 Samuel 12:13

Chantá Davidqa Natanman kuticherqa: Tata Diospa contranpi juchallikuni, nispa. Natantaj kuticherqa: Tata Diosqa juchaykita pampachan. Chay jucharayku mana wañunkichu.

Génesis 42:18

Kinsa p'unchaymantataj José paykunata nerqa: Noqaqa Diosta manchachikuni. Sichus kawsayta munankichej chayqa, kayta ruwaychej:

Génesis 20:6

Diostaj mosqoypi Abimelecman kuticherqa: Noqa yachani qan allin sonqowan chayta ruwasqaykita. Chayrayku paywan puñuykunaykita mana saqerqaykichu, ama contraypi juchallikunaykipaj.

1 Juan 3:9

Diospa wawanña kajqa mana juchallispallapuni purinchu, imaraykuchus paypeqa Diospa kawsaynin kashan. Ajinaqa pichus Diosmanta paqarejqa manaña juchallispallapuni puriyta atinmanchu.

San Lucas 12:48

Pichus mana yachaspalla juchachakun chayrí, mana chhika jasut'isqachu kanqa. Pimanchus ashkhata jaywasqamantaqa ashkhallataj mañasqa kanqa. Pimanchus ashkhata qonku qhawananpaj, paymantapis ashkhallatataj mañanqanku, nispa.

Salmos 51:4

4 (6) Noqaqa contraykita, qanpa contrallaykita juchallikorqani, imatachus millachikusqaykita ruwaspa. Chayrayku nisqaykeqa cheqan, juchachawaspataj, mana pantankichu.

1 Corintios 4:2

Ajinaqa pichus uj ruwanata jap'ejqa yachayta qonan tiyan pay atinikunapaj jina kasqanta.

Jeremías 50:7

Pikunachus paykunata tarejkunaqa oqoykorqanku, awqankutaj nerqanku: Noqaykoqa mana juchayojchu kayku, imaraykuchus paykuna Tata Diospa contranpi juchallikorqanku. Paypimin ñawpa tatankukuna atinikorqanku, jinataj paykunaj samarikunanku karqa, nispa.

Jeremías 28:16

Chayrayku Tata Dios nisunki: Noqaqa kay pachamanta chinkachisqayki. Qanqa kay watapi wañunki, imaraykuchus sut'inchasqaykiwan runakunata enqhaykunki contrayta oqharikunankupaj, nispa.

Job 31:23

Noqaqa Diospa jasut'inta mayta manchachikoj kani, chay jina atiyninpa ñawpaqenpi mana oqharikuyta atiymanchu.

2 Samuel 11:27

Chay lutokusqan pasajtinñarí, David kamacherqa warmita kamachinan wasiman pusamunankuta, paywantaj casarakorqa. Chantá chay warmeqa uj qhari wawata paqarichikorqa. Tata Diospajrí Davidpa chay jina ruwasqanqa mana allinchu karqa.

Números 32:23

Sichus nisqaykichejman jina mana ruwankichejchu chayrí, kayta allinta yachaychej: Tata Diospa contranta juchallinkichej, juchallisqaykichejraykutaj paypa jasut'iynin pataykichejpi kanqa.

Levítico 6:2

2 (5.21) Pillapis runa masinta q'otiyajqa, Tata Diospa contranpi juchallin. Ichapis kay jinata ruwaspa juchallinman: Payman runa masin saqekusqanta jap'ikapuspa, chayrí prenda qosqanta mana qopuspa, chayrí imantapis suwaspa, chayrí kallpanman atinikuspa imantapis qhechuspa.

Proverbios 6:32

Chaywanpis, qosayoj warmiwan khuchichakojrí suwamanta nisqaqa astawan mana yuyayniyoj. Chay warmiwan puñuykuspa, makinllawantaj mana allin kawsayta mask'akushan.

Nehemías 5:15

Noqamanta aswan ñawpaj kaj kamachejkunaqa tukuy runata ch'irwasqanku. Paykunaqa tawa chunka qolqeta sapa p'unchay pagachikoj kanku mikhunankupaj, ujyanankupajwan. Chay kamachejkunaj kamachinkunapis runakunawan munayninkuta ruwallajtaj kanku. Noqarí mana chayta ruwarqanichu Diosta may jatun respetowan qhawasqayrayku.

Apocalipsis 22:15

Jinapis jawapi qhepakonqanku millayta ruwajkuna, layqakuna, khuchichakojkuna, runa wañuchejkuna, lantita yupaychajkuna, jinallataj llullakuyta munakojkuna, chantá mana cheqanta ruwayta munakojkuna ima.

Hebreos 13:4

Casarakunata tukuylla manchay sumaj kasqanta qhawaychej. Jinallataj qhari warmi kajkunapis mana wasanchanakuspa kawsakuychej, imaraykuchus Diosqa khuchichakojkunata, chantá millayta purejkunata ima juzgaspa juchachanqa.

Tito 2:10

nitaj imatapis suwakuchunkuchu, manachayqa tukuy imachus ruwanankuta junt'aspa, k'acha kachunku. Wata runakuna ajinata ruwaspa, tukuy imapi qhespichiwajninchej Diospa yachachisqan may sumaj kasqanta rikuchenqanku.

Proverbios 6:29

Wajpa warminwan puñuykojpajpis ajinallataj kanqa. Mana juchachasqa kanamanta ayqenqachu.

Nehemías 6:11

Noqatajrí nerqani: Noqa jina runaqa mana ayqenchu, nitaj Diospa Templonpi pakakunchu mana wañuchinankupaj. Noqaqa manapuni pakakusajchu, nispa.

Levítico 20:10

Sichus pipis runa masinpa warminwan puñuykunman chayqa, khuchichakun. Iskayninku wañuchisqa kanqanku.

Génesis 41:40

Chayrayku qanmin kamachinay wasipi imachus ruwanata kamachiy ari, tukuytaj qanpa kamachisqaykita kasusonqanku. Noqalla qanmanta aswan kuraj kasaj, imaraykuchus noqaqa kuraj kamachej kani.

Apocalipsis 21:8

Manchalikunarí, Diospi mana atinikuyta munajkuna, millay kajkuna, runa wañuchejkuna, khuchichakojkuna, layqakuna, lanti yupaychajkuna, chantá tukuy llullakojkuna ima azufrewan lawrashaj nina qochaman wijch'uykusqa kanqanku. Chaymá iskay kaj wañoyqa.

Génesis 24:2

Uj kuti pay kamachinkunamanta aswan machu kaj mayordomonta wajyaspa, nerqa: Makiykita khapayman churay.

Génesis 20:3

Chaywanpis Dios chay ch'isipacha Abimelecman mosqoypi rikhurispa, nerqa: Kunan qan wañunki, imajtinchus pi warmitachus pusachimunki, chayqa qosayojmin, nispa.

Génesis 13:13

Sodoma llajtayojkunarí millay runakuna kasqankurayku, Tata Diospa contranpi millayta ruwaspa, anchata juchallerqanku.

Génesis 20:9

Chaymanta Abimelecqa Abrahamtañataj wajyachispa, nerqa: Imajtintaj kayta ruwawaykuri? Imata ruwaspataj sonqoykita nanacherqayki, noqata, jinataj runaykunata millayta juchallichinawaykupajri? Qanqa mana ruwanata noqawan ruwanki.

Génesis 39:10

Chaywanpis chay warmeqa sapa p'unchay Joseta qhatiykacharqa, paywan puñuykunanta munaspa, payllawan kananta munaspa ima. Josetajrí mana uyariyllatapis munajchu.

Éxodo 20:14

Ama warmiykita nitaj qosaykita wasanchankichu.

Eclesiastés 7:26

Noqa wañuymantapis imachus astawan mana allin kasqanta tarini: Chayqa sajra purikoj warmimin. Sonqonqa uj tojlla jina, makinkunataj cadena jina mana qharita kacharinchu. Diosta kasoj runaqa chay jina warmimanta ayqekonqa. Juchasapa runarí chay warmej tojllanpi urmanqa.