Génesis 39:4 - DIOSPA QHELQACHISQ

⁴ Chayrayku Joseqa patronninwan maytapuni munachikorqa. Chantá Potifarqa Joseta tukuy kapuyninmanta, wasinpi kajkunamantawan mayordomo kananpaj churarqa.

Qheshwa Biblia DC

⁴ Ajinamanta Joseqa patronninwan mayta munachikorqa. Chaymantaqa Potifar, payta yanapanampaj Joseta churarqa mayordomomanta tukuy imasninmanta, wasimpi kajkunamantawan pay cuentayoj kanampaj.

DIOSPA QHELQACHISQAN DEUTEROCANONICAL

⁴ Chayrayku Joseqa patronninwan maytapuni munachikorqa. Chantá Potifarqa Joseta tukuy kapuyninmanta, wasinpi kajkunamantawan mayordomo kananpaj churarqa.

Génesis 39:4 Referans Kwoze

Hechos 20:28

Chayrayku qankuna Dioswan imaynatachus purisqaykichejta qhawakuychej. Jinallataj tukuy wawqe panakunatapis michillaychejtaj, imaraykuchus Santo Espíritu qankunata churasorqachej paykunata qhawanaykichejpaj, Diospa Iglesianta michinaykichejpaj ima, mayqentachus Jesucristo kikin yawarninwan rantikorqa, chayta.

Proverbios 27:18

Pichus higo sach'ata qarpajqa poqoyninta mikhonqa. Pichus patronninpa kapuyninta qhawajqa t'inkachisqa kanqa.

Génesis 39:8

Joserí manapuni munarqachu, nerqataj: Patronneyqa niwan noqa tukuy imanmanta cuentayoj kanayta. Noqa kaypi kashajteyqa, mana imamantapis llakikunanchu tiyan.

Génesis 24:2

Uj kuti pay kamachinkunamanta aswan machu kaj mayordomonta wajyaspa, nerqa: Makiykita khapayman churay.

Génesis 19:19

Qankuna kunankama anchatapuni khuyarikuwankichej. Noqawan may k'acha kasqaykichejraykutaj, wañunaymanta kacharichiwankichej. Noqarí mana orqoman ayqeyta atiymanchu. Mana allin kajqa ñanllapiraj taripawanman, wañuymantaj.

Proverbios 22:29

Pichus ruwananta k'uchitapuni ruwajqa kuraj kamachejkunaj kamachin kanqa, manataj pisipaj qhawasqa runakunajtachu.

Proverbios 17:2

Sumaj yuyayniyoj kamacheqa patronninpa mana kasukoj churinta kamachenqa, chay churej wawqenkunawantaj khuska chayaqeta jap'enqa.

Proverbios 16:7

Maypachachus pipis imaynatachus kawsasqanwan Tata Diosta kusichin chaypacha, Tata Diosqa chay runaj awqankunatapis paywan allin kawsayman churanqa.

Génesis 33:10

Jacobtajrí nillarqapuni: Sichus cheqapuni sonqoyki noqapaj allin chayqa, ama jina kaspa, imatachus qosusqayta jap'ikullaway. Qanta rikuspaqa, kikin Diostapis rikushayman jina kani, imaraykuchus ima munayta jap'iwanki.

Génesis 18:3

nerqa: Wiraqochíy, sichus waturikunawaykichejpaj jina qhawawankichej chayqa, ama pasallaychejchu ari.

Proverbios 14:35

Sumaj yuyayniyoj kamacheqa kuraj kamachejninwan munachikun. Mana allin kaj kamachirí phiñapayachikuyllata tarin.

1 Samuel 16:22

Chantá Saulqa Yeseman willacherqa: David kaypi qhepakuchun, noqata sirvinawanpaj, imaraykuchus manchay allinmin rijch'awan, nispa.

Génesis 33:8

Chantá Esaú Jacobta taporqa: Imata yuyaspataj kay chhika uywata apachimuwankiri? nispa. Jacobtaj nerqa: Sonqoykita llamp'uyachispa, allin sonqowan jap'inawaykipaj apachimorqayki, wiraqochíy, nispa.

Génesis 32:5

5 (5) Tiyapuwan wakakuna, burrokuna, ovejakuna, warmi kamachikuna, qhari kamachikuna ima. Chayta willachimuyki, wiraqochíy, chayman chayamojtiy, allin sonqollawan jap'inawaykipaj, nispa.

Génesis 15:2

Abramtajrí kuticherqa: Tukuyta Kamachej Tata Dios, imapajtaj imatapis qowankiri? Qan yachanki waway mana kasqanta. Chayrayku wañupojtiy, Damascomanta kamachiy Eliezer tukuy imayta chayaqeta jap'enqa, nispa.

1 Reyes 16:9

Chaywanpis Zimriqa, pichus kuraj kamachejpa maqanaku carretankunamanta khuskanninta kamachej karqa, chay runaqa Eláj contranta oqharikorqa. Uj kuti Elaqa Tirsapi mayordomon Arsaj wasinpi ujyaspa machaykorqa.

Rut 2:6

Chay kamachejtaj kuticherqa: Payqa, pichus Moab suyumanta Noemiwan jamusqa, chay sipasmin.

1 Samuel 2:26

Chaykama Samuelqa wiñashallarqapuni, ruwasqantaj Tata Diospaj, runakunapajpis allin karqa.

Ester (hebreo) 2:9

Ester k'acha sipas kasqanrayku, Jegayqa allin ñawiwan payta qhawarqa. Chayrayku Jegayqa k'achanchakunapaj jawinata, allin mikhunata ima Esterman qonankuta kamacherqa. Esterpa kamachinkuna kanankupajtaj, kuraj kamachejpa wasinpi kaj qanchis ajllasqa sipaskunata qollarqataj. Chantá Esterta, chay sipaskunatawan kamachina wasipi sumaj cuartoman pusarqa.

Proverbios 3:4

Ajinata ruwaspa, Tata Diospa khuyakuyninta tarinki. Jinataj Tata Diospis, runakunapis allinpaj qhawasonqanku.