Génesis 39:12 - DIOSPA QHELQACHISQ

¹² Potifarpa warmenqa Joseta patanchakunan p'achamanta jap'iykuspa, nerqa: Puñuna, nispa. Josetajrí chay p'achanta warmej makinpi saqerparispa, wasimanta jawaman ayqerikaporqa.

DIOSPA QHELQACHISQAN DEUTEROCANONICAL

¹² Potifarpa warmenqa Joseta patanchakunan p'achamanta jap'iykuspa, nerqa: Puñuna, nispa. Josetajrí chay p'achanta warmej makinpi saqerparispa, wasimanta jawaman ayqerikaporqa.

Génesis 39:12 Referans Kwoze

2 Timoteo 2:22

Waynakunata, sipaskunataqa tukuy imaymana millay kajta ruwaspa purinaman sonqonku aysan. Qanrí chay jina purinamanta ayqey. Aswanpis cheqan kajta ruwaspallapuni puriy, jinallataj Diosta mana wasanchaspa kawsay. Chantá munakuyniyoj kaspa, wajkunawan allinpi kawsakuy. Ajinata ruway, pikunachus llimphu sonqomanta Diosta yupaychanku Diosninkupaj rejsikapusqankurayku, chaykunawan khuska.

1 Pedro 2:11

Munasqa wawqe panaykuna, qankuna kay pachapi waj llajtayojkuna jina kankichej. Chayrayku tukuy sonqo mañakuykichej: Ama juchallinaman aysaj sonqoykichejpa munasqanta kasuychejchu, imaraykuchus chaykuna sonqoykichejpa contranpi sayaykunku.

Eclesiastés 7:26

Noqa wañuymantapis imachus astawan mana allin kasqanta tarini: Chayqa sajra purikoj warmimin. Sonqonqa uj tojlla jina, makinkunataj cadena jina mana qharita kacharinchu. Diosta kasoj runaqa chay jina warmimanta ayqekonqa. Juchasapa runarí chay warmej tojllanpi urmanqa.

Proverbios 6:5

Manachayqa ayqekuy imaynatachus taruka jap'ejmanta ayqekun, jinallataj p'isqopis tojllamanta ayqekun, ajinata.

Proverbios 5:8

Chay wajpa warminmanta karunchakuy. Ama wasin punkullamanpis qayllaychu.

1 Corintios 15:33

Ajinata nejkunawan ama q'otiyachikuychejchu. Noqanchej niyta yachanchej: Mana allin runakunawan purinki chayqa, paykuna pierdechisonqanku, nispa.

Génesis 39:10

Chaywanpis chay warmeqa sapa p'unchay Joseta qhatiykacharqa, paywan puñuykunanta munaspa, payllawan kananta munaspa ima. Josetajrí mana uyariyllatapis munajchu.

Génesis 39:8

Joserí manapuni munarqachu, nerqataj: Patronneyqa niwan noqa tukuy imanmanta cuentayoj kanayta. Noqa kaypi kashajteyqa, mana imamantapis llakikunanchu tiyan.

Proverbios 1:15

Wawáy, paykunawanqa amapuni puriychu. Manachayqa millayta ruwaspa purejkunamanta karunchakuy,

1 Samuel 15:27

Jinapi Samuel ripunayashajtinña, Saulqa Samuelpa ponchonpa kantunmanta ch'ipakorqa, ponchontaj llik'irparikorqa.

Génesis 39:11

Uj kuti José Potifarpa wasiman yaykorqa, imachus ruwananta ruwaj. Mana pipis chaypi kashasqanta rikuspataj,

Génesis 39:13

Chantá chay warmeqa José ayqespa makinpi patanchana p'achata saqerparisqanta rikuspa,

2 Samuel 13:11

Tamar mikhuchinanpaj, qayllaykojtintajrí Amnonqa payta jap'iykuspa, nerqa: Jamuy panáy, puñusunchej, nispa.