Génesis 38:7 - DIOSPA QHELQACHISQ

⁷ Chaywanpis Judáj kuraj kaj churin Er mana Tata Diospa munasqanman jinachu purisqanrayku Tata Dios payta wañucherqa.

Qheshwa Biblia DC

⁷ Erqa sajra runa karqa Señorpa ñaupaqempi, chayrayku paypa kausayninta Dios qhechorqa.

DIOSPA QHELQACHISQAN DEUTEROCANONICAL

⁷ Chaywanpis Judáj kuraj kaj churin Er mana Tata Diospa munasqanman jinachu purisqanrayku Tata Dios payta wañucherqa.

Génesis 38:7 Referans Kwoze

1 Crónicas 2:3

Judajta churinkunataj karqanku: Er, Onán, Sela ima. Chay kinsa churinkunaj mamankoqa Canaán llajtayoj Súa sutiyojpa ususin karqa. Judajta kuraj kaj churin Erqa mana Diospa munasqanman jinachu purerqa. Chayrayku Tata Dios payta wañucherqa.

Génesis 46:12

Judáj churinkunataj karqanku: Er, Onán, Sela, Fares, Seraj ima. Erwan, Onanwanqa Canaanpi wañorqanku. Farespa churinkunatajrí karqanku: Jesrón, Jamul ima.

Números 26:19

Judajpata churinkuna Erwan, chantá Onanwan ima karqanku. Paykunarí Canaanpi wañupusqanku.

Génesis 19:13

Noqayku kay llajtata chinkarparichisqayku, imaraykuchus kay llajtayojkunaj contranta runaj may chhika parlasqanta Tata Dios uyarin. Chayrayku pay kay llajtata chinkarparichinaykupaj kachamuwayku, nispa.

Génesis 13:13

Sodoma llajtayojkunarí millay runakuna kasqankurayku, Tata Diospa contranpi millayta ruwaspa, anchata juchallerqanku.

Salmos 55:23

23 (24) Chaywanpis Diosníy, qan millay runakunata ukhu pachaman chinkaykuchinki. Runa wañuchejkuna, llullakojkunawan imaqa mana unaytachu kawsanqanku. Noqarí qanllapi atinikusaj.

2 Crónicas 33:6

Chay jawa Manasesqa Ben Jinón vallepi churinkunatapis ruphachispa diosninkunaman jaywarqa. Sajra espiritukunata wajyanaman qokorqa, jinallataj suerteta qhawayman, aysiri kayman, layqeriyoman ima qokorqa. Ajinata Tata Diospa rikunanta millaytapuni ruwaspa, sinch'ita phiñacherqa.

Génesis 6:8

Chaywanpis Tata Diosqa Noéj purisqanta allin ñawiwan qhawarqa.

Génesis 38:6

Aswan qhepanejman Judaqa kuraj kaj churin Erta Tamar sutiyoj warmiwan casaracherqa.

1 Samuel 2:25

Sichus uj runa wajpa contranpi juchallin chayqa, Tata Diosqa payrayku parlayta atin. Tata Diospa contranpi juchallejtinrí, pitaj kutikuspa paypaj mañaponqari? nispa. Chaywanpis paykunaqa tatankoj nisqanta mana kasorqankuchu, imaraykuchus Tata Diosqa wañuchisqa kanankuta nisqaña.

1 Reyes 17:20

Chantá Tata Diosmanta mañakuspa, nerqa: Tata Diosníy, kay warmisapaj wasinpi tiyakushajtiy, payta llakichinkichu wawanta wañuchispa? nispa.