Génesis 32:7 - DIOSPA QHELQACHISQ

⁷ 7 (8) Chayta uyarispa, Jacob mayta mancharikorqa, phutikorqataj. Chantá paywan jamoj runakunata iskayman t'aqararqa. Jinallataj wakakunata, ovejakunata, camellokunatawan t'aqallarqataj.

Qheshwa Biblia DC

^7-8 Paytaj chayta uyariytawan mayta mancharikorqa, maytataj unanchakorqa imatachus ruwayta atinampaj. Chay ratopacha iskay t'aqararqa pischus paywan kasharqanku chaykunata. Jinallataj wakasta, ovejasta, camellosta, ima, yuyaspa: Sichus chay Esaú ñaupaj kaj t'aqawan maqanakonqa chayqa, qhepan kaj t'aqaqa ayqekonqa, nispa.

DIOSPA QHELQACHISQAN DEUTEROCANONICAL

⁷ 7 (8) Chayta uyarispa, Jacob mayta mancharikorqa, phutikorqataj. Chantá paywan jamoj runakunata iskayman t'aqararqa. Jinallataj wakakunata, ovejakunata, camellokunatawan t'aqallarqataj.

Génesis 32:7 Referans Kwoze

Génesis 35:3

Chantá Betelman risunchej, chaypitaj Diospaj uj altarta ruwasaj, imaraykuchus llakisqa purishajtiy, pay yanapawarqa, jinallataj maymanpis risqaypi payqa noqawanpuni karqa, nispa.

2 Timoteo 3:12

Ajinallatataj, tukuy pichus Cristo Jesusman ujchasqa kasqanrayku Diosta kasuspa kawsayta munajqa qhatiykachasqa kanqa.

2 Corintios 1:4

Payqa tukuy llakiyninchejpi sonqochawanchej, noqanchejpis llakiypi, ñak'ariypi kajkunata sonqochananchejpaj, imaynatachus noqanchejpis Diosnejta sonqochasqa kanchej, ajinata.

Hechos 14:22

Chay llajtakunapitaj paykuna Jesuspi atinikojkunata kallpacharqanku Jesusta qhatikusqankupi sinch'ita sayanankupaj, nerqankutaj: Diospa kamachiyninman yaykunanchejpaj noqanchej tukuy imaynamanta ñak'arinanchejpuni tiyan, nispa.

San Juan 16:33

Kay tukuyta niykichej, noqaman ujchasqa kaspa, sonqoykichej tiyaykusqa kanaykichejpaj. Kay pachapeqa llakiykunata, chantá pisipaj qhawasqa kayta ima ñak'arinkichej. Chaywanpis sonqoykichejpi kallpachakuychej, imaraykuchus noqaqa Diosman mana kutirikojkunaj tukuy yuyasqankuta atipaniña, nispa.

San Mateo 10:16

Kunanqa, noqa kachashaykichej ovejatapis atojkunaj chawpinkuman kachashayman jina. Qankunarí katarikuna jina sumaj yuyayniyoj kaychej, urpikuna jinataj llamp'u sonqoyoj.

San Mateo 8:26

Chantá Jesús paykunata nerqa: Imaraykutaj manchachikunkichejri? Qankunamá kasqankichej, manachu noqapi atinikunkichej? nispa. Sayariytawantaj, qochata, wayratawan k'amerqa. Wayra thañejtintaj, qochapis tiyaykorqa.

Isaías 28:26

Tarpojqa imatachus ruwananta sumajta yachan, imaraykuchus Diosmin payman yachachin imaynatachus ruwananta.

Proverbios 2:11

Reparakuyta yachayqa allinta qhawasonqa, sumaj yachayniyoj kaypis waqaychasonqa.

Salmos 142:4

4 (5) Pañanejman kutirikuspa qhawani, manataj pipis yanapaj jamoj kanchu, nitaj pipis noqaman kutikuwaj kanchu. Manallataj pipis noqata qhawariwajqa kanchu.

Salmos 107:6

Jinapi paykuna llakiyninkupi Tata Diosman qhaparikorqanku, paytaj ñak'ariymanta paykunata kacharicherqa.

Salmos 61:2

2 (3) Noqa kay pachaj k'uchunmantapacha qanta qhaparikamuyki, imaraykuchus manaña awantayta atiniñachu. Chhankaman churaway, ama imata manchachikunaypaj.

Salmos 31:13

13 (14) Runakuna chhichinakusqankuta uyarini: Tukuynejpi manchachikuna tiyan, nispa. Paykuna uj runa jinalla contraypi oqharikunku, wañuchinawankupajtaj wakichikunku.

Éxodo 14:10

Israelitakunarí faraonta, soldadokunatawan ima qayllaykushasqankuta rikuspa, maytapuni mancharikorqanku. Chayrayku Tata Diosman qhaparikorqanku.

Génesis 32:11

11 (12) Chayrayku, Tata Diosníy, wawqey Esaú mana allinta ruwanawanmanta waqaychaway. Manchachikuni pay jamuspa, noqata, warmiykunata, chantá wawaykunatapis wañurachinanta.

Salmos 112:5

Allin sonqoyoj runaqa khuyakuyniyoj kasqanrayku, wajman mañarin. Tukuy imantapis cheqanta ruwaspa purichin.

Génesis 32:3

3 (4) Chaynejmanta Jacobqa Seirman, Edom chaynejman willajkunata kacharqa, pay kutimpushasqanta wawqen Esauman willanankupaj.

Génesis 32:8

8 (9) Ajinata ruwarqa kay jinata yuyaspa: Sichus Esaú ñawpaj kaj t'aqawan maqanakoj yaykumonqa chayqa, qhepan kaj t'aqaqa ayqekonqa, nispa.

Génesis 33:1

Jinata rishaspa, Jacobqa Esauta 400 runakunawan jamushajta rikorqa. Chantá wawankunata Leaman, Raquelman, iskaynin warmi kamachinkunaman ima rak'irarqa.