Génesis 31:3 - DIOSPA QHELQACHISQ

³ Jinallataj Tata Dios Jacobta nerqa: Kutipuy tataykej llajtanman, maypichus aylluyki kashan, chayman. Noqataj qanwan kasaj, nispa.

Qheshwa Biblia DC

³ Chaymanta Señorqa Jacobman nerqa: Kutipuy jallp'aykiman, tatasniykej jallp'anman, maypichus ayllusniyki kashan chayman, noqataj qanwan kasaj.

DIOSPA QHELQACHISQAN DEUTEROCANONICAL

³ Jinallataj Tata Dios Jacobta nerqa: Kutipuy tataykej llajtanman, maypichus aylluyki kashan, chayman. Noqataj qanwan kasaj, nispa.

Génesis 31:3 Referans Kwoze

Génesis 28:15

Noqa qanwan kashani. Maymanpis rejtiyki, noqa waqaychasqayki, kutichimusqaykitaj kay jallp'aman. Mana saqerparisqaykichu, qanman imatachus nisqayta junt'anaykama, nispa.

Génesis 32:9

9 (10) Chantá Jacobqa Diosmanta mañakorqa: Jatun tatay Abrahampata, chantá tatay Isaacpatawan Tata Diosnin, qan niwarqanki llajtaypi aylluyman kutipunayta. Nillawarqankitaj allin rinawanpaj yanapanawaykita.

Hebreos 13:5

Ama ashkha qolqeyoj kanamanta phutikuspa kawsaychejchu. Manachayqa imachus kunan tiyapusunkichej, chaywan sonqo junt'asqa kakuychej, imaraykuchus Dios nin: Mana qonqarparisqaykichu, nitaj saqerparisqaykichu, nispa.

Isaías 41:10

Chayrayku ama manchachikuychu, imaraykuchus noqa qanwanpuni kashani. Ama q'enaqakuychu, imaraykuchus noqa Diosniyki kani. Noqa kallpachasqayki, yanapasqaykitaj. Jinallataj justiciata ruwaj paña makiywan sayachillasqaykipuni.

Salmos 50:15

Llakiykuna qhatirisojtin, wajyakuway, noqataj kacharichisqayki. Chaymantataj qan jatunchawanki, nispa.

Génesis 31:13

Noqa kani, pichus Betelpi rikhurisorqa, chay Diosmin. Chaypi qanqa rumiman aceite jich'aspa chaynejta noqapaj t'aqarqanki, chantá noqapaj imatachus ruwanaykita niwarqanki. Kunanqa puririy, kay llajtamanta llojsispa, maypichus paqarerqanki, chay llajtaman kutipuy, nispa.

Génesis 21:22

Chaypachallataj Abimelec, soldadonkunata kamachej Ficol ima Abrahamwan parlaj rerqanku: Yachayku Diosqa qanta tukuy ima ruwanaykipi yanapasusqanta.

Salmos 46:1

1 (2) Diosninchejqa jark'akuwajninchej, kallpanchejtaj. Llakiykuna qhatirishawajtinchej, pay usqhayllata yanapawanchej.

Génesis 35:1

Chaymanta Diosqa Jacobta nerqa: Betelman tiyakoj ripuy. Wawqeyki Esaumanta ayqeshajtiyki maypichus noqa rikhurerqayki, chaypi noqapaj uj altarta ruwanki, nispa.

Génesis 31:18

Jinaspataj, Padán Arampi tukuy tarisqan uywakunata, chantá tukuy imata tarisqantawan apariykukuspa, Canaanman purirerqa, maypichus tatan Isaacqa tiyakusharqa, chayman.

Génesis 30:25

Raquel wawan Joseta paqarichikusqanmanta qhepaman, Jacob Labanta nerqa: Kachapuway, llajtayman ripuyta munani.

Génesis 28:13

Jinallataj Jacob rikorqa paypa ñawpaqenpi Tata Dios sayaspa, nishajta: Noqa Tata Dios kani, jatun tatayki Abrahampata chantá tatayki Isaacpatawan Diosnin. Maypichus puñushanki, chay jallp'ata qanman qosqayki, jinallataj mirayniykimanpis.

Génesis 28:4

Tata Dios Abrahamta saminchasqanta qanman, chantá mirayniykiman ima qosuchun. Ajinamanta maypichus waj llajtayoj jina tiyakushanchej, kay jallp'amanta dueño kanki, mayqentachus Dios Abrahamman qonanta nerqa, chaymanta nispa.

Génesis 26:24

Chay tutataj Tata Dios payman rikhurispa, nerqa: Noqaqa tatayki Abrahampata Diosnin kani. Ama manchachikuychu, imaraykuchus noqa qanwan kashani. Kamachiy Abrahamman nisqayrayku noqa saminchasqayki, mirayniykitapis ashkhayachisaj, nispa.

Génesis 13:15

Noqaqa tukuy rikusqayki jallp'ata qosqayki. Chay jallp'ataj qanpaj, jinataj mirayniykipajpis wiñaypaj kanqa.

Salmos 90:15

Qan llakichiwasqayku watakunaman jina unayta kusisqa kawsachiwayku.

Génesis 50:24

Uj kuti Joseqa wawqenkunata nerqa: Noqaqa wañupusajña. Diostajrí qankunata yanapaspa, kay jallp'amanta orqhosonqachej. Chaymantataj, ima jallp'atachus Abrahamman, Isaacman, Jacobman ima tiluspa, qonanta nerqa, chay jallp'aman pusasonqachej, nispa.

Génesis 31:2

Chantá Jacob reparallarqataj Labanqa payta manaña ñawpajta jinachu parlapayasqanta.

Génesis 31:4

Chantá Jacobqa Raquelta, Leatawan ima wajyacherqa, maypichus ovejakunata michisharqa, chayman rinankuta.

Génesis 35:3

Chantá Betelman risunchej, chaypitaj Diospaj uj altarta ruwasaj, imaraykuchus llakisqa purishajtiy, pay yanapawarqa, jinallataj maymanpis risqaypi payqa noqawanpuni karqa, nispa.

Éxodo 3:12

Chantá Dios kuticherqa: Noqamin qanwan kasaj. Noqa qanta kachasusqayta yachanaykipajtaj, kaymin señal kanqa: Maypachachus israelitakunata Egiptomanta orqhomunki chaypacha, tukuyniykichej kay orqopipuni yupaychawankichej, nispa.

Génesis 32:5

5 (5) Tiyapuwan wakakuna, burrokuna, ovejakuna, warmi kamachikuna, qhari kamachikuna ima. Chayta willachimuyki, wiraqochíy, chayman chayamojtiy, allin sonqollawan jap'inawaykipaj, nispa.

Génesis 32:10

10 (11) Tata Dios, noqaqa mana yanapanawaykipaj jinachu kani, nillataj k'acha kayniykiwan qhawanawaykipaj jinachu. Noqaqa Jordán mayuta ni imayoj, varay oqharisqalla chimpamorqani, kunanrí iskay jarayojña kapuni.