Génesis 30:1 - DIOSPA QHELQACHISQ

¹ Raquelqa Jacobpaj mana wawayoj kayta atispa, ñañan Leawan jap'inakorqa. Chantá qosan Jacobta nerqa: Wawallichiway, manachayqa wañusaj, nispa.

Qheshwa Biblia DC

¹ Raquelqa Jacobpaj mana wawayoj kayta atispa, ñañan Leata chejnikorqa, nerqataj qosan Jacobman: Wawasta qoway, manachayqa wañusaj, nispa.

DIOSPA QHELQACHISQAN DEUTEROCANONICAL

¹ Raquelqa Jacobpaj mana wawayoj kayta atispa, ñañan Leawan jap'inakorqa. Chantá qosan Jacobta nerqa: Wawallichiway, manachayqa wañusaj, nispa.

Génesis 30:1 Referans Kwoze

Job 5:2

Cheqapuni wamputaqa sinch'i phiñakuy wañuchin. Pichus payllapaj imatapis munajtaqa envidia tukuchin.

Génesis 29:31

Tata Dios rikorqa Lea pisipaj qhawasqa kasqanta. Chayrayku pay nerqa Lea wawayoj kananta. Raquel wawata rejsinantarí Tata Dios mana munarqachu.

Génesis 37:11

Wawqenkunaqa Josemanta anchatataj envidiakorqanku. Tatantajrí Josejpa mosqokusqan ima niytachus munasqanta yachayta munaspa, unanchasharqa.

2 Corintios 7:10

Diospa munasqanman jina llakikoyqa runata pusan juchamanta Diosman kutirikunanpaj, ajinamanta qhespichisqa kananpaj. Chaymantaqa mana pesachikunachu. Chaywanpis Diosman mana kutirikojkunaj yuyasqankuman jina llakikoyqa runata Diosmanta karunchachin.

Santiago 4:5

Chayrayku Diospa Qhelqachisqanpi ajinata nin: Diospa qowasqanchej Espiritoqa sinch'ita munakuspa, celosakuwanchej, nispa.

Santiago 3:14

Chaywanpis sichus qankuna envidiawan jaya sonqo kaspa, chayrí qhawanakuspa imatapis ruwankichej chayqa, chay jatunchakusqaykichejwan, llullakusqaykichejwan ima cheqa kajta q'ewishankichej.

1 Corintios 3:3

imaraykuchus Diosman mana kutirikojkuna imaynatachus purinku, jinallataraj purishankichej. Qankuna ukhupi qhawanakuykuna, churanakuykuna, t'aqanakuykuna ima tiyan. Chaykunata ruwaspaqa, qankuna manapis Diosta qhatejkunachu kawajchej jina ruwashankichej, Diosman mana kutirikojkuna jinataj yuyashankichej.

Proverbios 14:30

Llamp'u sonqo kayqa runaj ukhunta kawsachin. Envidiarí tullupi ismu onqoy jina kashan.

Tito 3:3

Noqanchejpis ñawpajtaqa mana yuyayniyoj wampu karqanchej, mana kasukojkuna, chinkasqa ima. Kallarqanchejtaj tukuy imaymana mana allin kajta ruwayta munajkuna, sonqonchejpa munasqanta ruwaspa kusiririkuyta munajkuna ima. Chaykunamantataj mana kacharichikuyta aterqanchejchu. Jinallataj noqanchej millay ch'ichi kajta ruwaspa, envidiakuspa, chejnispa, chantá ujkuna ujkuna chejninakuspa ima kawsarqanchej.

Gálatas 5:21

envidianakuy, machakuykuna, raymita ruwaspa millay kajta ruway, chantá waj jina mana allin kajta ruway ima. Imaynatachus ñawpajta nerqaykichejña, kunan ujtawan nillaykichejtaj: Chaykunata ruwajkunaqa Diospa kamachiyninman mana yaykonqankuchu, nispa.

San Juan 4:8

Jesusrí chaypacha sapallan kasharqa, imajtinchus yachachisqankuna llajtaman mikhunata rantej risqanku.

San Juan 4:3

Jesustaj fariseokuna chayta yachasqankuta yachaspa, Judea jap'iymanta llojsispa, yachachisqankunawan khuska Galilea jap'iyman ujtawan rerqa.

Eclesiastés 4:4

Chantá rikullanitaj anchata llank'ana, jinataj imata ruwasqanpipis allin risqanqa runata envidiawan jap'inachisqanta. Chaypis qhasi manakajlla, wayra jap'iyta munay jinalla kasqanta repararqani.

Salmos 106:16

Chantá paykuna jarapi Moisesmanta envidiakorqanku, jinallataj Aaronmantapis, pitachus munayniykita ruwaspa kananpaj ajllakorqanki, chaymanta.

Job 13:19

Sichus pipis imamanta ch'ataykuwanman chayqa, ch'inyakuyman, wañupuymantaj.

Job 3:11

Imaraykutaj mamaypa wijsallanpiraj, mana wañorqanichuri? Imaraykutaj paqarikushaspa, mana wañorqanichuri?

1 Reyes 19:4

Chantá ch'innejman ripuspa, uj p'unchay puriyta jina rerqa. Chaypitaj retama sach'a uraman tiyaykukuytawan, wañupuyta munaspa, nerqa: Kaykamalla kachun, Tata Dios, pusakapullawayña. Noqaqa mana ñawpa tataykunamanta aswan allinchu kani, nispa.

Números 11:29

Moisestajrí kuticherqa: Ama qan chaymanta llakikuychu. Allin kanman Tata Diosqa tukuy israelitakunaman espiritunta qonan, jinamanta Tata Diosmanta sut'inchanankupaj, nispa.

Números 11:15

Sichus qan ajinallatapuni ruwawanki chayqa, aswan walej kanman khuyakuwaspa, wañuchinawayki. Jinatachus ruwawaj chayqa, manaña llakiyta rikuymanchu, nispa. Ajinata Moisesqa Tata Diosta nerqa.

Proverbios 30:16

Jallp'aj sonqon, mana wawata rejsej warmi, may ch'aki jallp'a, mana thasnukoj nina lawray ima. Chay tawantin mana sajsakuyta atinkuchu.

1 Samuel 1:10

Anataj, sonqon ukhupi may llakisqa kasqanrayku, waqaspa Tata Diosmanta mañakorqa.