Génesis 3:8 - DIOSPA QHELQACHISQ

⁸ Chantá inti yaykuyta jina wayrarishajtin, qhari warmi huertapi Tata Diospa purishasqanta uyarerqanku. Paykunatajrí usqhay usqhayta huertapi sach'a ukhuman pakaykukorqanku.

Qheshwa Biblia DC

⁸ Qhareqa warminwan uyarerqanku Señor Diospa purisqanta, ch'isiyay wayra wayrapi huerta ukhupi kayman jaqayman purishajta. Paykunataj usqhay usqhayta huerta ukhupi pakaykukorqanku sach'as ukhuman.

DIOSPA QHELQACHISQAN DEUTEROCANONICAL

⁸ Chantá inti yaykuyta jina wayrarishajtin, qhari warmi huertapi Tata Diospa purishasqanta uyarerqanku. Paykunatajrí usqhay usqhayta huertapi sach'a ukhuman pakaykukorqanku.

Génesis 3:8 Referans Kwoze

Jeremías 23:24

Pitaj noqamanta pakakuyta atinmanri? Noqa janaj pachapi, chantá kay pachapipis kashani. Noqa Tata Diosmin chayta nini.

Proverbios 15:3

Tata Diosqa tukuynejpi kashan. Allin runakunata, mana allin runakunatapis qhawashallanpuni.

Hebreos 4:13

Diospa tukuy ruwasqanqa mana paymanta pakakuyta atinchu. Manachayqa tukuy imapis paypa ñawpaqenpi sut'ipacha, pimanchus cuentata qonanchej kanqa, chaypa ñawpaqenpi.

Romanos 2:15

Ajinamanta paykuna imaynatachus purisqankuwan yachayta qonku, Diospa kamachisqan sonqonkupi qhelqasqa kasqanta, imaraykuchus kikin sonqonku paykunaman nin ruwasqanku allinchus kasqanta, chayrí juchachanapaj jinachus kasqanta.

Génesis 3:10

Qharitaj kuticherqa: Huerta ukhupi purishasqaykita uyarerqayki, manchachikorqanitaj q'alalla kasqayrayku. Chayrayku pakaykukorqani, nispa.

Jonás 1:3

Jonastajrí Diospa nisqanta kasunantaqa, Tata Diosmanta ayqeyta munarqa, jinataj Jatun Mama Qocha kantupi kaj Jope llajtaman urayk'orqa. Chaypi Jonás uj barcota Tarsisman puririshajtaña tarerqa. Pasajeta rantikuspataj, barcoman wicharerqa. Ajinamanta Jonasqa Tata Diosmanta ayqeyta munarqa.

Job 31:33

Juchallisqayta mana jayk'aj pakarqanichu, imaynatachus wajkuna ruwanku jinataqa, nitaj sonqollaypi pakarqanichu,

Job 38:1

Chantá Tata Dios muyoj wayramantapacha parlamuspa, Jobta nerqa:

Deuteronomio 23:14

14 (15) Tata Diosniykichejqa qankunaj chawpiykichejpi purishan, yanapanasuykichejpaj, awqaykichejtapis atipachisunaykichejpaj. Chayrayku jaraykichejqa Diospaj t'aqasqa kasqanrayku, llimphu kanan tiyan. Manachayqa qankuna ukhupi ch'ichita rikuspa, Diosqa qankunamanta karunchakonqa.

Deuteronomio 5:25

Chaywanpis, imapajtaj kay jina mancharinata lawraj ninapi ruphasqa wañuykumanri? Sichus ujtawan Tata Diosniykoj parlasqanta uyarisqayku chayqa, wañusqayku.

Deuteronomio 4:33

Mayqen suyutaj, qankuna jina, nina chawpimanta Diospa parlamusqanta uyarispa, mana wañorqachuri?

Job 22:14

Imaynatataj niwaj: Diosqa mana rikunchu, imaraykuchus janaj pachapi kayman jaqayman purishan? nispa.

Apocalipsis 6:15

Jinaqa kay pachapi kuraj kamachejkuna, kurajkuna, soldadokunata kamachejkuna ima qaqa jusk'upi, chantá orqo jusk'upi ima pakaykukorqanku. Jinallataj qhapajkuna, atiyniyojkuna, wata runakuna, mana wata runakunapis pakaykukullarqankutaj.

Génesis 18:33

Chantá Tata Dios ajinata Abrahamwan parlaytawan, chaymanta riporqa. Abrahamtaj toldonman kutiporqa.

Levítico 26:12

Noqa qankunaj chawpiykichejpi purisaj. Diosniykichej kasaj, qankunataj aylluy kankichej.

Oseas 10:8

Bet Avenpi lanti yupaychana cheqakuna thuñisqa kanqanku, maypichus Israelpi tiyakojkuna juchallej kanku, chaykuna. Chay altarninkukuna patapi qhewayllukuna, khishkakuna ima wiñanqanku. Runakunataj orqokunata nenqanku: Pakaykuwayku, nispa, moqokunatataj nenqanku: Pataykuman urmaykamuwayku, nispa.