Génesis 3:19 - DIOSPA QHELQACHISQ

¹⁹ Mikhunaykipaj jump'i suruyta llank'anayki kanqa, wañupunayki p'unchaykamataj ajina kanqa. Qanqa jallp'amanta ruwasqa kanki, chayrayku jallp'allamantaj kutinki, nispa.

Qheshwa Biblia DC

¹⁹ Jump'i suruyta llank'anki mikhunaykipaj ñut'u jallp'aman tukunaykikama; imaraykuchus jallp'amanta ruwasqa kanki, jallp'a kanki, jallp'amantaj kutinki.

DIOSPA QHELQACHISQAN DEUTEROCANONICAL

¹⁹ Mikhunaykipaj jump'i suruyta llank'anayki kanqa, wañupunayki p'unchaykamataj ajina kanqa. Qanqa jallp'amanta ruwasqa kanki, chayrayku jallp'allamantaj kutinki, nispa.

Génesis 3:19 Referans Kwoze

Eclesiastés 12:7

Chay p'unchay jallp'aqa jallp'allamantaj kutenqa, ñawpajta karqa, chayllamantaj. Qanman kawsay qosqa karqa, chaytaj Diosman kutiponqa.

Job 34:15

tukuy runakuna ujllapi wañupusunman, ujtawantaj jallp'aman tukupusunman.

Salmos 104:29

Uyaykitachus pakanki chayrí, mancharikunku. Samayninkuta qhechupojtiykitaj, wañupunku, jallp'allamantaj tukupunku.

Génesis 2:7

Chantá Tata Dios runata jallp'amanta ruwarqa, senqanmantaj kawsay samayta samaykorqa. Ajinamanta runaqa kawsajman tukorqa.

Salmos 90:3

Qanqa runata jallp'aman kutichinki: Wañoj runakuna, jallp'aman kutiychej, nispa.

Efesios 4:28

Pichus suwakojqa amaña suwachunchu, manachayqa allin kajta ruwaspa, kawsananpaj ganakuchun. Ajinata ruwajtin, qolqeyoj kanqa pisichikojta yanapariyta atinanpaj.

Eclesiastés 3:20

Tukuyninku uj cheqallaman rinku. Jallp'amanta ruwasqa karqanku, jallp'allamantaj tukuponqanku.

Génesis 18:27

Chantá Abraham Tata Diosta ujtawan nillarqataj: Qanqa Diosmin kanki, noqataj mana ni imachu kani. Chaywanpis ama jina kaspa, mañakusqayta uyariway ari.

Daniel (hebreo) 12:2

Wañusqakunamanta ashkha kawsarimonqanku, ujkunaqa wiñayta kawsanankupaj, wakinkunataj wiñay p'enqaypi, phutiypitaj kanankupaj.

Eclesiastés 1:3

Imatataj runa tarin chay jina sinch'ita kay pachapi llank'asqanmantari?

Salmos 22:15

15 (16) Simeyqa ch'aki kashan, qalluytaj mallq'ayman k'askaykun. Qantaj jallp'aj sonqonkama chinkaykuchiwanki.

Génesis 23:4

Noqaqa qankuna ukhupi karu llajtayoj kani. Ama jina kaspa, warmiypa ayanta p'ampakapunaypaj jallp'ata venderiwaychej ari, nispa.

2 Tesalonicenses 3:10

Chayrayku qankunawan kashaspa, kayta kamacherqayku: Pichus kawsananpaj mana llank'ayta munajmanqa ama mikhunata qoychejchu, nispa.

Salmos 103:14

Payqa imamantachus ruwasqa kasqanchejta yachan, jinallataj jallp'allamanta kasqanchejta yuyarikun.

1 Tesalonicenses 2:9

Wawqe panakuna, qankuna yuyarikushankichejpuni kawsanaykupaj sayk'uy sayk'uyta imatachus ruwasqaykuta. Diospa sumaj willayninta qankunaman willashaspa, mikhunaykupaj tuta p'unchay llank'aspa karqayku, ama pipis mikhuchinawaykumanta phutikushanaykichejpaj.

Eclesiastés 5:15

15 (14) Imaynatachus runa mamanpa wijsanmanta q'alalla llojserqa, ajinallatataj q'alalla mana imayoj riponqa. Llank'asqanmantaqa mana imatapis makinpi apanqachu. Imaynachus paqarimorqa, kikillantaj riponqa.

Eclesiastés 1:13

Chantá tukuy sonqoywan, tukuy yachaywantaj mask'aspa, kay pachapi tukuy ima ruwakusqanmanta yachayta munarqani. Kay sinch'i ruwanata Dios runaman qorqa, chayta ruwaspapuni kawsananchejpaj.

Proverbios 21:16

Allinta purinamanta t'aqakojqa wañusqakunawan tantakonqa.

Salmos 22:29

29 (30) Kay pachapi tukuy atiyniyojkuna payta yupaychanqanku. Tukuy wañojkunapis paypa ñawpaqenpi k'umuykullanqankutaj, imaraykuchus paykuna jallp'aman tukoj runalla kanku.

Job 21:26

Chay tukuywanpis jallp'aj sonqonpi uj rejlla kanku. Khurukunapis kikillantapuni iskayninkuta mikhukapunku.

Job 19:26

Ukhuy q'etayaspa tukukushajtinpis, noqa kikiy Diosta rikusajpuni.

Job 1:21

Chantá nerqa: Noqaqa mana imayoj q'alalla mamaypa wijsanmanta llojsimorqani, q'alallataj kay pachamanta ripusaj. Tata Dios tukuy imata qowarqa, kunanqa payllataj qhechukapuwan. Tata Diospa sutin yupaychasqa kachun, nispa.

1 Corintios 15:47

Ñawpaj kaj runaqa kay pachamanta karqa, jallp'amanta ruwasqa. Qhepa kaj runarí, pichus Cristo, janaj pachamanta jamorqa.

Hebreos 9:27

Nisqa kashan runaqa uj kutillata wañunan, chaymantataj Diospa ñawpaqenpi juzgasqa kanqa.

Génesis 3:18

Jallp'aqa khishkallata, qhorallata wiñachipusonqa, qantaj campopi wiñaj qhorata mikhunki.

Job 4:19

Jina chayqa, imaynatataj Diosqa pisi kallpa runapi atinikonqari? Runaqa t'urumanta ruwasqa wasi jinallamin, thuta jinalla sarurparisqa kanqa.

Salmos 104:23

Chantá runañataj llank'aj llojsin, chajranpitaj ch'isiyankama ruwan.

Salmos 127:2

Qhasillata inti llojsimusqanmantapacha inti yaykunankama llank'asunman, mikhunanchejpaj jump'i suruyta ruwaspa, imaraykuchus Diosqa munakusqallanta samarichin.

Génesis 5:5

Adanqa tukuyninpi 930 watata kawsarqa, chay jina unayniyoj kaspataj, wañuporqa.

Job 10:9

Yuyarikuy ari t'urumanta ruwawasqaykita. Kunanqa watejchu jallp'allamantaj kutichiwanki?