Génesis 3:12 - DIOSPA QHELQACHISQ

¹² Qharitaj kuticherqa: Yanapanawanpaj qowasqayki warmi chay sach'aj poqoyninmanta qowarqa, noqataj mikhorqani, nispa.

Qheshwa Biblia DC

¹² Qharitaj kuticherqa: Qampa qowasqayki warmeqa chay sach'aj poqoyninta qowarqa, noqataj mikhuykorqani.

DIOSPA QHELQACHISQAN DEUTEROCANONICAL

¹² Qharitaj kuticherqa: Yanapanawanpaj qowasqayki warmi chay sach'aj poqoyninmanta qowarqa, noqataj mikhorqani, nispa.

Génesis 3:12 Referans Kwoze

Proverbios 28:13

Pichus juchanta pakajtaqa mana allinchu renqa. Pichus juchanta rimarispa saqejpatarí, juchan pampachasqa kanqa.

Romanos 10:3

Manallataj yachankuchu Diosqa imaynatachus runata cheqanpaj qhawasqanta. Manachayqa paykuna yuyasqankuman jinalla cheqanpaj qhawasqa kayta mask'arqanku. Ajinamanta imatachus Dios wakicherqa cheqan runapaj qhawasqa kananchejpaj, chayta qhesacharqanku.

Job 31:33

Juchallisqayta mana jayk'aj pakarqanichu, imaynatachus wajkuna ruwanku jinataqa, nitaj sonqollaypi pakarqanichu,

San Lucas 10:29

Chay runatajrí ruwasqan allillan kasqanta rikuchiyta munaspa, kuticherqa: Chantá pitaj runa masiyri? nispa.

Proverbios 19:3

Runaj wampu kaynenqa pay kikinta cheqan ñanmanta pantachin. Chaywanpis Tata Diosta juchachaspa sonqonpi paypaj phiñakun.

Génesis 2:18

Chaymanta Tata Dios nillarqataj: Runa sapallan kananqa mana allinchu. Paywan kananpaj, paypaj jina uj yanapajta ruwapusaj, nispa.

Génesis 2:22

Chantá Tata Diosqa qharimanta wajtanta orqhosqanmanta uj warmita ruwarqa, jinaspataj, qhariman pusarqa.

Génesis 2:20

Runataj sapa animalta sutichararqa k'ita animalkunata, phawajkunata, chantá uywakunata ima. Chaywanpis Adanta yanapananpaj jina mana pipis karqachu.

Génesis 3:11

Chantá Tata Dios taporqa: Q'alalla kasqaykita, pitaj nerqasunkiri? Mana mikhunaykita nerqayki, chay sach'aj poqoynintachu mikhorqanki? nispa.

1 Samuel 15:15

Saultaj kuticherqa: Soldadokuna Amalecmanta apamunku sumachaj ovejakunata, jinataj sumachaj torokunata Tata Diosniykiman q'olachispa jaywanapaj. Wakintatajrí wañucherqayku, nispa.