Génesis 29:1 - DIOSPA QHELQACHISQ

¹ Chaymanta Jacobqa inti llojsimuynejpi tiyakojkunaj jallp'ankuman rillarqapuni.

Qheshwa Biblia DC

¹ Chaymanta Jacob rillarqapuni inti llojsimuynejpi tiyakojkunaj jallp'ankuman.

DIOSPA QHELQACHISQAN DEUTEROCANONICAL

¹ Chaymanta Jacobqa inti llojsimuynejpi tiyakojkunaj jallp'ankuman rillarqapuni.

Génesis 29:1 Referans Kwoze

Jueces 6:3

Israelitakuna imallatapis tarpojtinkoqa, madianitakuna, amalecitakunapis, chantá inti llojsimuynejmanta runakunapis chajrankuman suwaj yaykuykullajpuni kanku.

Jueces 6:33

Chaypacha tukuy madianitakuna, jinataj amalecitakunapis, chantá inti llojsimuynejmanta kaj runakunapiwan tantaykukuspa, chimparqanku Jordán mayuta, chantá Jezrel vallepi jaraykukorqanku.

Oseas 12:12

12 (13) Jacobqa Aram cheqaman ayqerqa, chaypitaj warmita tarinanrayku ovejata micherqa.

Eclesiastés 9:7

Chayrayku qanqa kusisqa mikhuy, vinoykitapis tukuy sonqo ujyarikuy, imaraykuchus Diosqa ruwasqanchejta allin kasqanta nin.

Salmos 119:60

Mana tiempota pasachispa, usqhayllata kamachisqaykita junt'asaj.

Salmos 119:32

Usqhay usqhayta kamachisqaykita junt'asaj, imaraykuchus qanmin sonqoyta kusikuywan junt'achiwanki.

Números 23:7

Chaymantataj Balaamqa ajinata sut'inchayta qallarerqa: Arammanta Balac pusachimuwan, Moabpata kamachejnin inti llojsimuy orqomanta wajyachiwan: Jamuy, Israelta maldiciy. Jacobpata ayllunta mana allin rinanta niy, nispa.

1 Reyes 4:30

30 (5.10) Salomonpa yachaynenqa inti llojsimuynejpi yachaysapa runakunamanta, jinataj Egiptopi yachaysapa runakunamantapis aswanpuni karqa.

Jueces 8:10

Chaykama Zebajwan, Salmunawan Carcorpi kasharqanku 15.000 soldadokunawan. Paykunaqa chay pachaj iskay chunkayoj inti llojsimuynejmanta kaj soldadokunamanta puchoj karqanku, imaraykuchus israelitakuna chaykama 120.000 madianita soldadokunata wañuchisqanku.

Jueces 7:12

Madianitakunawan, amalecitakunawan, chantá inti llojsimuynejmanta chay runakunapis phinki phinkikuna jina chay pampapi mast'alla kasharqanku. Camellonkunapis may chhika karqanku, mama qocha kantupi t'iyu chhikapuni.

Génesis 25:20

Isaacqa Rebecawan casararqa, chaypacha tawa chunka watayoj karqa. Rebecaqa Betuelpa ususin karqa, Labanpa panantaj. Paykunaqa Padán Aram nisqa llajtayoj karqanku.

Génesis 24:10

Chantá patronninpa tiyapuyninmanta sumajninta ajllaspa, chunka camellokunaman chajnaykorqa. Jinaspataj, Mesopotamia cheqapi Najorpa llajtanman purirerqa.

Génesis 25:6

Chay ujnin warminkunapi wawankunamanrí ashkhata waqerqa. Jinataj Abraham manaraj wañupushaspa, waj warminkunapi churinkunata Isaacmanta karuncharqa, inti llojsimuynejman kachapuspa.

Génesis 35:1

Chaymanta Diosqa Jacobta nerqa: Betelman tiyakoj ripuy. Wawqeyki Esaumanta ayqeshajtiyki maypichus noqa rikhurerqayki, chaypi noqapaj uj altarta ruwanki, nispa.

Génesis 35:7

Chaypitaj Jacob altarta ruwarqa, chantá chay cheqata “El Betel”, nispa suticharqa. Ajinata chay cheqata suticharqa imaraykuchus wawqen Esaumanta ayqekushajtin, chay cheqanejpi Dios payman rikhurisqa.