Génesis 28:16 - DIOSPA QHELQACHISQ

¹⁶ Chantá Jacob puñusqanmanta rijch'arispa, nerqa: Cheqapuni Tata Dios kaypi kashan, noqataj mana yacharqanichu, nispa.

Qheshwa Biblia DC

¹⁶ Jacobqa puñusqanmanta rijch'ariytawan, nerqa: Cheqamanta Señor kaypi kashan, noqaqa mana yacharqanichu.

DIOSPA QHELQACHISQAN DEUTEROCANONICAL

¹⁶ Chantá Jacob puñusqanmanta rijch'arispa, nerqa: Cheqapuni Tata Dios kaypi kashan, noqataj mana yacharqanichu, nispa.

Génesis 28:16 Referans Kwoze

Josué 5:15

Tata Diospa soldadonkunata kamachejtaj nerqa: Juk'utaykita lluch'ukuy, imaraykuchus maypichus kashanki chayqa, Diospaj T'aqasqa Cheqamin, nispa. Josuetaj kasuspa, kikinta ruwarqa.

Éxodo 15:11

Tata Diosníy, ni mayqen dios qan jina kanchu. Mana pipis qan jina llimphu llimphu, ni atiyniyojpis kanchu. Qanqa musphanapaj jina t'ukunata ruwanki.

Éxodo 3:5

Tata Diostaj nerqa: Ama astawan qayllamuychu. Juk'utaykita orqhokuy, imaraykuchus sayashanki, chaynejqa noqapaj t'aqasqamin, nispa.

Job 33:14

Diosqa tukuy imaymanamanta parlapayawanchej, noqanchejtaj mana cuentata qokunchejchu.

Job 9:11

Sichus Dios ñawpaqeyta pasanman chayqa, noqaqa mana rikuyta atisajchu. Pay pasanqa, noqatajrí mana reparasajchu.

Isaías 8:13

Aswanpis Tukuy Atiyniyoj Tata Diosllata may llimphupaj qhawaychej. Payllata may jatun respetowan qhawaychej, payllatataj kasuychej.

Salmos 68:35

35 (36) Diosqa Templonpi may jina t'ukuna manchachikunamin. Chantá Israelpa Diosnenqa kallpata, atiytawan ayllunman qon. Diosninchej yupaychasqapuni kachun.

Éxodo 3:4

Chantá Tata Diosqa Moisés t'ankarman qayllashasqanta rikuspa, payta wajyarqa nina lawray ukhumanta: Moisés, Moisés, nispa. Paytaj kuticherqa: Imata ninki, tatáy? nispa.

Josué 5:13

Uj kuti, Josueqa Jericó qayllapi kashaspa, ñawpaqenpi uj runata espada jap'irisqata rikorqa. Josuetaj qayllaykuspa, taporqa: Qanqa noqaykojmantachu kanki, chayrí awqaykojmantachu? nispa.

1 Reyes 3:15

Chantá Salomonqa puñushasqanmanta rijch'arispa, repararqa mosqoylla kasqanta. Jerusalenman kutimuspataj, Diospa trato ruwasqan arca kasharqa, chayman rerqa, chaypitaj uywakunata ñak'aspa, Tata Diosman q'olacherqa. Jaywallarqataj allinyakuna jaywanakunatapis. Jinaspataj, tukuynin kamachinkunaman uj sumaj mikhuyta mikhuracherqa.

Salmos 139:7

Espirituykimanta maymantaj ayqeymanri? Qanmanta maymantaj ayqeyta atiymanri?

Jeremías 31:26

Jinallapi rijch'arispa, ñawiyta kicharerqani, chantá cuentata qokorqani mosqokusqay manchay k'achitu kasqanta.

Números 12:6

Tata Dios nerqa: Kay nisqayta allinta uyariwaychej: Qankuna ukhupi noqamanta sut'inchaj kajtenqa, noqa payman mosqoypi jina rikhurisaj, mosqoynejta ima parlasaj.